Efesooni 2:15 - Kafa Linguistics Project

¹⁵ Biyoo gutteenaꞌon ikkochoona biinna beeti ikke andire ashoon halliꞌi, diggoon tuniyoyich, sheeroona tuggeeti geteenaꞌon aalliihe.

Efesooni 2:15 ပူးပေါင်းရင်းမြစ်များ

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

2 Qorontoosi 5:17

Ebich asho koniyoona Kiristoosicho bi tunegaata, andire halloone; wonnee mooyo beshetone; andire halloonoo tunetone.

Galaati 3:10

“Sheeroon ceechii no quyoona wodemmo noone” iꞌi gibenee beetinaꞌo uppeꞌiniye boonoshi beeto. Ebiyoo, “Muusichi Sheeree macaafooch kooreeti sheereenaꞌo bullin ceechii quyeyaano bulli uppetone” getaa bi kooreetoyichiye.

Galaati 3:28

Ittoshi bulli Kiristoos Yesuusina, ikkoo tuneto ittoshine. Ebich Ayihudee asho geto woyee Giriikee asho geto aalloone; guuchi yaroo geto woyee doonji yaroo geto aalloone; anaamo geto woyee maachee geto aalloone.

Galaati 6:15

Kiristoos Yesuusina andire halloon tunoani, dokireyoo woyee dokireyee qayo gaaccemmo toonoone.

Efesooni 2:10

Yeeri halliti halloo noone; Kiristoos Yesuusina and noon bi hallito, shiichiꞌi bi qanniiti gaawe shuunoon shuunebee no beeyemmoyichiye.

Efesooni 2:14

Ayihudeenaꞌonaa Ayihudo tuneyaaneenaꞌonon, gutteenaꞌon ikkochito, daabboochoommon qoodiꞌi barbariiti kaaroon masqalee toommooch bi qitoona happiꞌi diggoona no beeyemmoyich tuniito, biine.

Efesooni 2:16

Kaaroonoo masqalooch bi qitoona wokkiiꞌi ebi masqaloona gutteenaꞌon ikkochiꞌi Yeerina tookkii shuniihe.

Efesooni 4:16

Ashittinee quumo bulli tatoona bi shuunemmoyich tuniibeeto Kiristoosine; quumeenaꞌo bulli gaweto maqqoonane; ebich quumo bi qelli qelloona bi yeshi yeshi shuunoon bi shuunemmona ashittino bulli diccii beetone; shunoonoo eennii beetone.

Qolaasiyaasi 2:14

No toommooch beechii, noon taggeebeeti hiishee woraqatoon bi sheeroona tookkii hidii aalliihe. Are hiishee woraqatoon masqalee toommooch xogiꞌi wokkiihe.

Qolaasiyaasi 2:20

Illa hini alemeexi ashoon hajjiibeeti ariyoommi gaboochee biicheꞌi Kiristoosina tookkii ittoshi qititoyee, hini alemeexoommon tuneti ashi doyoommon “Hinichi achooch shaggaahine! Hinin napphe beeggaahine! Ebinoo yechaahine” ii beeti getoyich amoyichiye ittoshi hajjeebeeto?

Qolaasiyaasi 3:10

Ebi andire asho Yeeri bi hajjee shaahoon bi tunemmoyich, biinoo ariyooch bi beddemmoyich bi andiriibeeti ashoone.

Qolaasiyaasi 3:11

Ebich and Giriikee ashoonaa Ayihudee ashoona geto, dokireetonaa dokireyaanoona geto, shiqqoonaa woheexi yaroona geto, guuchi yaroonaa doonji yaroona geti barittino aalloone; Kiristoosi bulli mooyone; bullinoo tookkiiniye.

Qolaasiyaasi 3:15

Kiristoosichi diggoo ittoshi mullooch taatebe; ikke ashittinoochoommon ittoshi ceekketo ebi diggoyichiye; Yeerinoo galleteebeeto tunebote.

Hibireena'o 7:16

Biyoo ashi sheeroona tuneyaanoon, ciiro aalli kashoochee daneebeeti giidoona qeeshoo tunehe.

Hibireena'o 8:13

Ebi wogoon, andiro bi getona aafichon geeno tuniitone getone; ebich geenetonaa baayetona aallemmi aabo katinnitone.

Hibireena'o 9:23

Illa shimaayooch beeti mooyinaꞌochi shaahiyeenaꞌo ebiyoommi gommona xallo boonoshich qaawiihe; tunebaani shimaayooch beeti mooyinaꞌo boonoshi qelloona ebi aroyee beshe deejjoona xallo boonoshich qaawiihe.