Efesooni 2:10 - Kafa Linguistics Project

¹⁰ Yeeri halliti halloo noone; Kiristoos Yesuusina and noon bi hallito, shiichiꞌi bi qanniiti gaawe shuunoon shuunebee no beeyemmoyichiye.

Efesooni 2:10 ပူးပေါင်းရင်းမြစ်များ

Shoddo 100:3

Doono Yeeri Nuggishoo bi tunoon ariibote; noon hallito biine; nowoo biicho noone; gaddooch beeti bagoommi bi asho noone.

Shoddo 119:3

Boonoshiyoo Yeerichi gommona hammiyeete; gonde mooyonoo tuniyaacheete.

Shoddo 138:8

Doono Yeeri bi daaggoon ta toommooch ceechemmone; Doono Yeero, ne shoodo bulli yemeeneechone; ne kishee shuunoo tuneti taan duppaahine.

Shoddo 51:10

Yeero, xalle mulloon taach hallibe; andiroonaa kaamoona tuneti ayaanoon taach imbe.

Shoddo 81:13

“Ta asho taachon bi waayeto gaata, Israꞌeeli ta gommona bi hammito gaata,

Isiyaasi 19:25

Beshe Mawe Doono Yeeriyoo “Ta asheenaꞌo tuneti Gibitseenaꞌo, ta kishee shuuneenaꞌo tuneti Asooreenaꞌo, ta iristeenaꞌo tuneti Israꞌeeleenaꞌo diireebeete” geti diiremmone.

Isiyaasi 29:23

Ta kishee shuunoo tuneti boonoshi bushiishoon boonoshi daggooch boonoshi beegiyooba, ta shigoon yaafoo tuniyemminaꞌone; Israꞌeelee Yaafoon oogiyemminaꞌone; Israꞌeelee Nuggishoon shattemminaꞌone.

Isiyaasi 43:21

Ta qellich ta halliti asheenaꞌo, taan gallete shoddemminaꞌone” iye.

Isiyaasi 43:7

Boonoshi ta shigoona ceekketi, ta oogoyichoo ta halliti, ta asheenaꞌone” iye.

Isiyaasi 44:21

Doono Yeeri ishichiye: “Yaaqobo, Israꞌeelo, ebi mooyon shalligibe; ta guuno neene; ta neen hallito taane; ne ta guuno neene; ta neen batteyaachemmo taane.

Isiyaasi 60:21

Ne asheenaꞌo bulli cadiqeenaꞌo tunemminaꞌone; showoon bulli yemeenooch woraashemminaꞌone; boonoshiyoo, ta oogo bekkemmoyich ta shuuneti ta kishee shuuneenaꞌo, ta bechiti becheenaꞌone.

Isiyaasi 61:3

Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.

Erimiyaasi 31:33

“Tunebaani ebi are yemeenoyee gubb Israꞌeelee macceenaꞌona tookki ta giyemmi wogo ebine” iye Doono Yeeri. “Ta sheeroon boonoshi mullooch kotiyemmo taane; boonoshi mullee cilloochoo kooremmo taane; tawoo boonoshi Nuggishoo tunemmo taane; boonoshiyoo ta macceenaꞌo tunemminaꞌone.

Maatiyoosi 5:16

Ebiyoommon asheenaꞌo ittoshi deꞌe shuunoon beegiree shimaayooch beeti ittoshi Nihoo Yeerin boonoshi galletemmoyich, bekkoochoommon asho bullich bekkebote” iye.

Yowannisi 3:21

Tunetaa iberoo tuneti mooyon shuuneebeeto, Yeeri gettiton bi shuuno bekkemmoyich, bekko beetooch kechii beetone” iye.

Mishiraachechinaꞌo 9:31

Arooba Yihudee showoo, Galiilee showoonaa Shamaaree showoo bullinooch beeti kittinnee guuphinaꞌo shatoochee kasheheete, manjiyeete; Doonoyichoo hajjeebee Yaafe Ayaanoona goggeebee qeyii qeyii meettiyeete.

Mishiraachechinaꞌo 9:36

Arooba Yoopphi katemooch Xaabbiti getteebeeti, ikke Yesuusichi dabbee beehan. Bi shigo Giriikee noonoona Doriqi getteehe. Areyoo bulli aaboon deꞌe mooyon shuunaabee, iriteetinaꞌon gaachaabee beehan.

Roomi 8:1

Illa Kiristoos Yesuusina beetinaꞌo toommooch and Yeerichi naxo kindaache.

Roomi 8:29

Bi Bushoo Yesuus Kiristoosi meeti bi maneenaꞌo daggoochee qaabboo bi tunemmoyich, qaawiꞌi, Yeeri aafi bi ariyoona bi kaaccitinaꞌo bi Bushoon boonoshi shaahemmoyich shiichiꞌi maaccitone.

1 Qorontoosi 3:9

Ebich Yeerina tookkaa shuunaabeeti bi wochee bushiishoo noone; ittoshiyoo Yeeri gochiibeeti goyee budo ittoshine; ebiyoommon wotta Yeeri haggiibeeti kexo ittoshine.

2 Qorontoosi 5:17

Ebich asho koniyoona Kiristoosicho bi tunegaata, andire halloone; wonnee mooyo beshetone; andire halloonoo tunetone.

2 Qorontoosi 5:5

Ebi mooyoyich noon hallito Yeerine; woyemmi mooyon manjiibeeti yechiyoo tuniiꞌi Yaafe Ayaanoon nooch immito biine.

2 Qorontoosi 9:8

Bulli aaboon bulli gommona ittoshich qaawiibeeto bullin daneree, gaawe shuunoo bullin woddiree ittoshi shuunemmoyich, Yeeri bi wojjoo bullin ittoshich woddiyoon hakkiye.

Galaati 6:15

Kiristoos Yesuusina andire halloon tunoani, dokireyoo woyee dokireyee qayo gaaccemmo toonoone.

Efesooni 1:1

Yeerichi daaggoona Kiristoos Yesuusichi mishiraachecho tuneti Phawuloosi waanee, Kiristoos Yesuusina gibeneetinaꞌo tuneti Efesoon beeti yaafeenaꞌoyich:

Efesooni 1:4

Alemo halleyaan beetaa, bi aafooch yaafoonaa bachaalloonon no tunemmoyich Kiristoosina noon kaacciye; Yeeri noon bi shunnitoyich,

Efesooni 2:13

Tunebaani ebiyee aaf wokkiꞌi beeti ittoshi, Kiristoos Yesuusina tuneꞌi, Kiristoosichi damoona and katinnito ittoshine.

Efesooni 2:15

Biyoo gutteenaꞌon ikkochoona biinna beeti ikke andire ashoon halliꞌi, diggoon tuniyoyich, sheeroona tuggeeti geteenaꞌon aalliihe.

Efesooni 2:2

Arooba hini alemee asheenaꞌo beeti beemoommon, Yeerich deꞌa getaani asheenaꞌo toommooch and shuuneebeeti ayaanee daaggoommonoo beehote. Ebi ayaanoo yongee toommooch beeti gonde ayaaneenaꞌon hajjiibeeti gonde iraashoone.

Efesooni 2:6

Woyemmi yemeenooch Kiristoos Yesuusina nooch bi bekkiiti deꞌittinoona bulliyee beshiti bi wojjee woddoon bekiiya, Kiristoos Yesuusina noon kashecho tuniiꞌi biinna tookkii qitoochee tiijjiye; shimaajji xaaꞌoochoo biinna tookkii noon kotiihe.

Efesooni 4:1

Illa Doono Yesuusichi maddecho ta tunetoyich, cuchaꞌa beeti ta, Kiristoosi toommooch mulloon ittoshi tooꞌiyemmoyich Yeeri ittoshin bi ceegiyooba bi gettitoommon, mooyo bullina biin emirikkiya biich bedditon tuneree ittoshi beeyemmoyich ittoshin qollaabeeto taane.

Efesooni 4:24

Ibere cadiqittinoonaa yaafittinoona Yeerin shaahoyich halleeti andire ashoon tahebote.

Yibbaatoo 32:6

Hini mullaalli baalle ashoocho! Doono Yeerich ne tuniyemmo ebiniye? Biyoo ne Nihoonaa neen Hallitonane; neen aagetoo tuniiꞌi manjiitone.

Yibbaatoo 5:33

Kashoona ittoshi beeyemmoyich, ittoshichoo mooyo kaamemmoyich, ittoshi hajjemmi showooch koteree ittoshi yagemmoyichoo, ittoshi Nuggishoo Doono Yeeri ittoshich gettiti boochoona hambote.

Filipphisiyoosi 1:6

Ebi gaawe shuunoon ittoshina shuunooch giyiti Yeeri, Yesuus Kiristoosi wotteree bi woyemmi aabooch beddaahaa are shuunoon shuune ciichemmo bi tunoon manjiiꞌa ariito taane.

Qolaasiyaasi 1:10

Gaawe shuunoo bullina aafoon aafebee, Yeerin ariyoona dicibee, bulli mooyona kupphoonaa haaꞌiyoona worganikkiibeeti bi giidoommon oogichi kupphebee, Yeeri bi yaafeenaꞌoyich bi qanniiti iristoon bi taatittinee bekkoochee no qoodeyemmoyich noon bechiti Nihoo Yeerin emiroona galletebee, mooyo bullina biin emirikkiya Doonoyich bedditon tuneree ittoshi beeyemmoyich corootaabeeto noone.

Qolaasiyaasi 3:10

Ebi andire asho Yeeri bi hajjee shaahoon bi tunemmoyich, biinoo ariyooch bi beddemmoyich bi andiriibeeti ashoone.

1 Ximootiyoosi 5:10

Gaaweti shuunoon shuunoona miixeeti tunebuye. Ebiyoo, bushiishoon gaawichiꞌi dichoo, iibbee iibbiyoo, kittinneenaꞌochi baatee machiyoo, iriteetinaꞌon degonaa gaaweti shuunoo bullin shuunoona miixeeti tunebuye.

1 Ximootiyoosi 5:25

Ebiyoommon ikkikke asheenaꞌochi gaawe shuunoo wotta xallooch bekkee beetone; xallooch bekkeyaano bi tunetaanoona, aachaa echeyaachemmone.

1 Ximootiyoosi 6:18

Gaawe shuunoon shuunebee, deꞌe shuunee gaannechon tunebote. Ittoshich beetoochee qoodoyich qannibote; kishoon maggiiree imbote.

2 Ximootiyoosi 2:21

Illa asho koniyoona ebi gonde mooyinaꞌoochee bi qelloon bi xalliigaata, aaxxe qiicoon tunemmone; bi Doonoyich diireeꞌi bi Doono biinna shuun bedo, gaawe shuunoo bullich qanniti qiicoon tunemmone.

2 Ximootiyoosi 3:17

Ebina Yeerich maddeebeeti asho deꞌe shuunoo bullin shuunoyich bedditonaa qannitonon tunemmone.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Titoosi 2:7

No doyoon shixxiibeeti asho no shigoon bi gondiyemmi mooyon mucceree bi yeellemmoyich, bulli gommona gaaweton shuunebee deꞌe mooyon bekkiyecho tunebe. Ne dojjaabeeti doyoona deꞌe moochecho, asho bullina naadeeto, koniyoona oonon hakkaani iiwe yibbaatecho ne tunoon bekkiibe.

Titoosi 3:1

Ne waan beeti kittinneenaꞌon, iraasheenaꞌonaa ukkireenaꞌonoyich hajjee beetinaꞌonaa deꞌa ii beetinaꞌona, deꞌe shuunoo bullichoo qannitinaꞌo,

Titoosi 3:14

No macceenaꞌo wotta aafaalloon tuneree boonoshi echeyaachemmoyich, boonoshich qaawiibeeti mooyo beeyemmoyich buushaarechi shuunee yeshon doyibeete.

Titoosi 3:8

Ebi bullich bi qaaro gibeneetone; mulloon Yeeri toommooch tooꞌiiti asheenaꞌo deꞌe shuunoon shuunoona boonoshi kupphemmoyich, eboshin gaawichiree gete. Ebi mooyo deꞌoone; asho bullichoo gaaccemmone.

Hibireena'o 10:24

Shunoonaa gaawe shuunoonoyich no qaallemmoyich noonnaa noonna ikkoo baroyich gabibe.

Hibireena'o 13:21

bi daaggoon ittoshi tuniyemmoyich, gaaweto tuneti mooyo bullin ittoshich imbe; biin emirikkiibeeti mooyon Yesuus Kiristoos waanaa no bullina shuunebe. Yesuus Kiristoosichoo bulli yemeenoon galleto tunebe. Ameena.

1 Pheexiroosi 2:12

Yeerin ariyaani asheenaꞌo ittoshin, “Gondoon shuunee beetinaꞌone” iꞌi boonoshi oonniteenona, ittoshi gaawe shuunoon beegiree, Yeeri nalloyich bi waammi aabooba biin boonoshi oogiyemmoyich, boonoshi daggooch ittoshi beemi qoco gaaweto tunebe.

1 Yowannisi 1:7

Tunebaani aroo bekkooch bi beemoommon bekkoona no shaꞌegaata, noonnaa noonna daggooch ikkittino beetone; wotta bi Bushoo Yesuus Kiristoosichi damoo axaaxoo bulliichee noon xallii beetone.