Efesooni 1:5 - Kafa Linguistics Project

⁵ gaawe bi daaggoona Yesuus Kiristoos waanaa biich bushiishoo no tunemmoyich shiichiꞌi gabii maacciye.

Efesooni 1:5 ပူးပေါင်းရင်းမြစ်များ

Erimiyaasi 3:19

Israꞌeele, ta neen ta busha haddiya, gaawe showoon neech imma, showoo bulliyee beshe qeemi showoon neech woraashiya, qaawiyoye. Wotta “Ta Nihoocho, geti ceeggemmi neene; taan dabboocheenoo wotteyaachemmi neene” iyaꞌanoo, gabiyoye.

Erimiyaasi 3:4

“Andoo ‘Ta nihoocho, bushittinee ta xiboocho!’ iyaa taan ceeggehine.

Daaneeli 4:35

Showooch beeti asheenaꞌo bulli bi aafoochaa am bedaaneenaꞌone; shimaayooch beeti maraakeenaꞌo toommooch, showooch beeti asheenaꞌo toommoochoo bi shunnimmon tuniihe. Biin bajjemmo, woyee “Ebi ne tuniibeeto, amoone?” gettemmo aalloone.

Hosee'i 1:10

“Israꞌeeleenaꞌo haddaa woyee qeelletaa ciyaani baharee gasheexi qacoochoommon meettemminaꞌone. ‘Ta asho toono ittoshine’ boonoshi getteeti ebi xaaꞌoochaa ‘Beeyechi Nuggishoo Yeerichi bushiisheenaꞌo’ getteyemminaꞌone.

Maatiyoosi 1:25

Bi qaabbe bushoon bi shiyemmi wottoon, bi achooch shagaanoone. Yooseefiyoo shiijjeti bushoon Yesuusi iꞌi shigiihe.

Maatiyoosi 11:26

Iberoone, ta Nihoocho; ebin tuniyoyich gaaweti ne daaggoo tunetone” iye.

Luqaasi 10:21

Arooba Yesuusi Yaafe Ayaanoona oogichii emiriꞌi “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye. Iberoone, ta Nihoocho, ebin tuniyoyich gaaweti ne daaggoo tunetone” iꞌi Yeerin galletehe.

Luqaasi 11:32

Nanawi katemeexi asheenaꞌo nallaa gallooba neexeree hini yemeeneexi asheenaꞌon taggemminaꞌone; ebiyoo Yoonaasi Yeerichi wochoon getaa waayeꞌi, axaaxee gommoochee Yeer waan boonoshi wottetoyichiye. Ebiyoche, Yoonaasiyee besho hiniich beetone” iye.

Luqaasi 12:32

“Hini giisheche ta shiisheenaꞌote, shattaahote. Bi taatittineen ittoshich imoyich ittoshi Nihoo Yeeri oogichiꞌi emiritone.

Yowannisi 1:12

Tunebaani Yeer waanee bi womon iberiiꞌi boonoshi mulloon bi toommooch tooꞌiitinaꞌo bullich Yeerichi bushiishoo tunee hakkoon immiye.

Yowannisi 11:52

Bi qitemmo, shaceꞌi baribare showooch beeti Yeerichi bushiisheenaꞌon wotta ikkooch bi kicemmoyichalli, Ayihudeenaꞌoyich baach toonoone.

Yowannisi 20:17

Yesuusiyoo “Taan yechaahine; batt Nihoo Yeer waan keyaan beeto taane. Tunebaani hamiree ta maneenaꞌoyich ‘ “Ta, ta Nihoonaa ittoshi Nihoona waan, ta Nuggishoonaa ittoshi Nuggishoona waan kechemmo taane” itone’ gete” iye.

Mishiraachechinaꞌo 13:48

Aageteenaꞌo ishin waayeꞌi, emiriibee Doono Yeerichi qaaroon oogiiheete. Yeeri bulli yemeenee kashoon boonoshi danemmoyich, bi kaaccitinaꞌo bulli boonoshi mulloon Yesuusi toommooch tooꞌiiheete.

Roomi 8:23

Halleenaꞌo ikkeetinaꞌo baach tooneenaꞌone; shiichiti wojjoon tuniiꞌi nooch Yeeri immiti Yaafe Ayaano nooch beeti no, no qelloona wotta no ashittinee biicheyoon, ebi getoo Yeeri bi bushoo no tunoon bi bekkiyoon quyaabee, no maacoona gaashillaabeeto noone.

1 Qorontoosi 1:1

Kiristoos Yesuusichi mishiraachecho tunoyich Yeerichi daaggoona ceekketi Phawuloosinaa no manoo Sostenoosina waanee,

1 Qorontoosi 1:21

Yeerichi shalligoochee tiyitona, hini alemeexi asheenaꞌo boonoshi shalligoona Yeerin ariyoon boonoshi mawiitoyich, tuushittino shaahiitaa ciicheebeeti, hini no gettaabeeti mishiraachee qaaroona boonoshi mulloon Kiristoosi toommooch tooꞌii beetinaꞌon wodiyoyich, Yeerichi daaggoo tunetone.

2 Qorontoosi 6:18

Ittoshichoo Nihoo tunemmo taane; ittoshiyoo taach anaami bushiishoonaa maache bushiishoonon tunemmo ittoshine, iye Beshe Hakkechi Doono Yeeri.”

Galaati 3:26

Ittoshi mulloon Kiristoos Yesuusi toommooch ittoshi tooꞌiyee naboona ittoshi bulli Yeerichi bushiishoo ittoshine.

Efesooni 1:11

Wotta Yeeri bi daaggoona shiichiꞌi bullin tuniiya gabiꞌi bi maaccitoommon, bi gaboommona, biicho no tunemmoyich Kiristoosina noon kaacciye.

Efesooni 1:9

bi gabiton Kiristoos waanaa tuniiya bi shunnitoommon tuniihe; ebiyee aafoo asho ariyaani bi daaggoon nooch arichiitone.

Qolaasiyaasi 1:19

Yeeri ceeni bi Nuggishittino biinna bi beeyemmoyich emiroona daaggitone;

2 Tasaloonqi 1:11

Ebich wotta no Nuggishoo bi ceeggiti gaboyich bedditon ittoshin bi tuniyemmoyich, tuniyoyich ittoshi gabiibeeti gaawe gaboon bi giidoona ceechiree, Kiristoosi toommooch mullee tooꞌiyoona ittoshi tuniibeeti shuunoyich ittoshin bi gaachemmoyich, bulli aaboon ittoshich corootaabeeto noone.

Hibireena'o 2:4

Yeeriyoo wotta worganikkiti malletoonaa gaakkechi shuunoonon, baribare gaakkechi mooyonoo bi shuunoona, bi qelloona bi daaggitoommon, Yaafe Ayaanee wojjoonoo qoodoona boonoshina tookkii miixetone.

1 Yowannisi 3:1

“Yeerichi bushiishoo” getaa no ceekkemmoyich, Nihoo Yeeri aabichiꞌi noon bi shunnito gaata beegote! Iberoon Yeerichi bushiishoo noone. Ebich hini alemeexi asheenaꞌo Yeerin ariyoon boonoshi qajjitoyich, noon ariyaacheete.

Yaaꞌoo 21:7

Gondoochi giidoon kochii wochito ebin woraashemmone; biich Nuggishoon tunemmo taane; biyoo ta bushoon tunemmone.