Efesooni 1:3 - Kafa Linguistics Project

³ Kiristoosicho no tunetoyich shimaajji xaaꞌooch beeti Ayaanee diiroo bullina noon diiriti, no Doono Yesuus Kiristoosichi Nuggishoonaa Nihoona tuneti Yeeri galleteebe.

Efesooni 1:3 ပူးပေါင်းရင်းမြစ်များ

Halloo 14:20

Ne etteenaꞌon ne kishooch beshii immiti, Beshe Nuggishoo Yeeri diireebe” iye. Abraamiyoo kecoochee bi daneto bulliichee aashiroochee ikke beeroon biich immiye.

Halloo 22:18

Showee toommeexi aageteenaꞌo bulliyoo ne shiijjereenaꞌochi gommona diireyemminaꞌone. Ebi tunemmo, ta qaaroon ne waayetoyichiye” iye.

1 Kiinoo 29:20

Aroochee Daawiti iitoo bullin, “Ittoshi Nuggishoo Doono Yeerin galletebote” iye. Ebina iitoo bulli boonoshi qaabbechinaꞌochi Nuggishoo Doono Yeerin galleteheete; Doono Yeerinaa taatoonochi aafooch guufeꞌi goyinneheete.

1 Kiinoo 4:10

Yaabeetsiyoo, “Taan diiribe; ta showoon gamichibe; taanna tookki tunebe; qaakkemmi gonde mooyoocheenoo taan quyebe” iꞌi Israꞌeelee Nuggishoo Yeer waan corootiye. Yeeriyoo bi qolleton biich immiye.

2 Kiinoo 31:8

Hiziqiyaasinaa iraasheenaꞌona waa guteeti wojjoon beeggiꞌi, Doono Yeerinaa bi asheenaꞌo tuneti Israꞌeeleenaꞌonon diiriyeete.

Nehimi 9:5

Leweenaꞌo, eboshiyoo Yaasi, Qadimeeli, Baniyi, Hashabiniyahi, Sherebiyi, Hodiyi, Shebaniyinaa Fetahiyina, “Tiyi neexeechi, ittoshi Nuggishoo Doono Yeerin bulli yemeenoochee bulli yemeenooch diiribote” iyeete. Aroochee asheenaꞌo ishichiꞌi corootiyeete: “Galletoonaa diiroo bullinoyee beshe oogee yiirechi ne shigo diireebe.

Shoddo 134:3

Showoonaa shimaayoonon halliti Doono Yeeri, Tsiyoonaa neen diiribe.

Shoddo 72:17

Bi shigo bulli yemeenoon manjiree beebe; bi mooyo getteebee aabo yagoommon yagibe. Aagetoo bulli biinna diireebe; aagetoo bulli biin “Diireetone” gete.

Shoddo 72:19

Ooge bi shigo bulli yemeenoon diireebe! Bi oogee yiiroo showoo bulliich ceene. Ameena, ameena.

Isiyaasi 61:9

Boonoshi shiijjereenaꞌo aageteenaꞌo daggooch, boonoshi yareenaꞌo asheenaꞌo daggooch arichetinaꞌo tunemminaꞌone; boonoshin beeggimmo bulli, Doono Yeeri taanna diireetinaꞌo boonoshi tunoon ariyemmone” iye.

Daaneeli 4:34

Shabaatte nato beshetoyee gubb, ta, Nabukadinatsori, ta aafoon kaachaꞌa damba shimaajj ciinnehoye; ta mulloo yechiye. Beshoo Yeerinoo galletehoye; bulli yemeenoon beeyechoyichoo naadoonaa galletoonon bechiyoye. Biyoo bulli yemeenoon taatemmone; bi taatittino shiijjeroochee shiijjerooch beddaahaane.

Luqaasi 2:28

bekkech Simooni yechiꞌi tiqqehe; Yeerinoo galleteebee ishichiye:

Yowannisi 14:20

Ta, ta Nihoona ta beemoommon, ittoshiyoo taanna ittoshi beemon, tawoo ittoshina ta beemon arooba ariyemmo ittoshine.

Yowannisi 17:21

Ta qollaabeeto, boonoshi bulli ikkottemmoyichiye; taan ne deejjoon alemo iberiyemmoyich, ta Nihoocho, ne taanna ne beemoommon, tawoo neenna ta beemoommon, ebiyoommon wotta boonoshi noonna beebeete.

Yowannisi 20:17

Yesuusiyoo “Taan yechaahine; batt Nihoo Yeer waan keyaan beeto taane. Tunebaani hamiree ta maneenaꞌoyich ‘ “Ta, ta Nihoonaa ittoshi Nihoona waan, ta Nuggishoonaa ittoshi Nuggishoona waan kechemmo taane” itone’ gete” iye.

Roomi 12:5

Ebiyoommon no wotta meeto tunaachaa Kiristoosina ikke ashittino noone; noonnaa noonna no ikkikkoo bareenaꞌochi quumo noone.

1 Qorontoosi 1:30

Tunebaani Yeeri ittoshin Kiristoos Yesuusina tookkii ikkochitone; ebich Yeeri biin nooch shalligoo, cadiqoo, yaafoonaa biishechona tuniitone.

1 Qorontoosi 12:12

Ashittino ikkoo bi tunetaanoona, meeti quumechone; ashittinee quumo meeto tuneebee ikke ashittinoon bi tunoommon, Kiristoosiyoo wotta ebiyoommone.

2 Qorontoosi 1:3

Ariqqechi Nihoo, bulli aaboon goggiibeeti Nuggishoo, no Doono Yesuus Kiristoosichi Nuggishoonaa Nihoona tuneti Yeeri galleteebe.

2 Qorontoosi 11:31

Bulli yemeenoon galleteeti Doono Yesuusichi Nuggishoonaa Nihoona tuneti Yeeri kootti ta qayon arii beetone.

2 Qorontoosi 5:17

Ebich asho koniyoona Kiristoosicho bi tunegaata, andire halloone; wonnee mooyo beshetone; andire halloonoo tunetone.

2 Qorontoosi 5:21

Kiristoosicho no tunoona Yeerichi cadiqoo no toommooch bi tunemmoyich, axaaxoon shuunee ariyaano toommooch Yeeri no axaaxoon shaakkiihe.

Galaati 3:9

Eboshi mulloon Yeeri toommooch tooꞌiitinaꞌo, mulloon tooꞌiiti Abrahamina tookkii diireetinaꞌone.

Efesooni 1:10

Ebiyoo yemeeno bedaa tuniiya bi gabiti mooyo, shimaayoonaa showoonooch beeto bulli ikkoo tuneree Kiristoosich bi hajjeyemmoyichiye.

Efesooni 1:17

Oogee yiirecho tuneti Nihoo, biyoo no Doono Yesuus Kiristoosichi Nuggishoo biin ariyoona shalligechon ittoshin tuniyemmi, biin ittoshich bekkiyemmi Yaafe Ayaanoon ittoshich bi immemmoyich qollaabeeto taane.

Efesooni 1:20

Are giidoona Kiristoosin qitoochee tiijjiꞌi shimaajji xaaꞌooch bi qanne badd kotiitone.

Efesooni 2:6

Woyemmi yemeenooch Kiristoos Yesuusina nooch bi bekkiiti deꞌittinoona bulliyee beshiti bi wojjee woddoon bekiiya, Kiristoos Yesuusina noon kashecho tuniiꞌi biinna tookkii qitoochee tiijjiye; shimaajji xaaꞌoochoo biinna tookkii noon kotiihe.

Efesooni 3:10

Bi gabiton and kittinnee guupho waanaa bi shuunetaa, meeti baribare bi shalligoon shimaajji xaaꞌooch beeti iraasheenaꞌonaa ukkireenaꞌona ariyemmoyichiye;

Efesooni 6:12

No koyaabeeto, shimaajji xaaꞌooch beeti yinnee ginechinaꞌona tookkaa, ukkireenaꞌonaa iraasheenaꞌona tookkaa, hini manderee yemeenooch asheenaꞌon hajjiibeeti gonde ayaaneenaꞌona tookkaanalli, ashoona tookkaa toonoone.

Filipphisiyoosi 2:11

heciyoo bulli Nihoo Yeerin oogiyoyich Yesuus Kiristoosi Doono bi tunoon bi miixemmonoyichiye.

Hibireena'o 8:5

Boonoshi maddeto shimaayooch beeti yaafee kechi shaahiyoonaa yiirittoona tunetoochaaniye; ebiyoo Muusi duukkaanoon shuuneya bi tiyihooba Yeeri biich, “Siini guudoochaa neech ta bekkiiti shaahoommon bullin ceechi ne tuniyemmoyich neen ariibe” bi itoyichiye.

Hibireena'o 9:23

Illa shimaayooch beeti mooyinaꞌochi shaahiyeenaꞌo ebiyoommi gommona xallo boonoshich qaawiihe; tunebaani shimaayooch beeti mooyinaꞌo boonoshi qelloona ebi aroyee beshe deejjoona xallo boonoshich qaawiihe.

1 Pheexiroosi 1:3

No Doono Yesuus Kiristoosichi Nuggishoonaa Nihoona tuneti Yeeri galleteebe. Yesuus Kiristoosi qitoochee timona, gibenoona ceenniti kasho nooch bi beeyemmoyich, bi maaree beshoona guttinnoon no shiijjemmoyich tuniitone.