20 Are giidoona Kiristoosin qitoochee tiijjiꞌi shimaajji xaaꞌooch bi qanne badd kotiitone.
Doono Yeeri ta Doonoyich ishichiye: “Ne etteenaꞌon ne baatee dechiich ta tuniimmi wottoon ta qannooch kotebe” iye.
Biichoo hakkoo, oogoonaa taatittinoona ichetoyich, ashi yaroo bulliichee, aagetoo bulliichee, asho yibbaateebeeti noonoo bulliicheenoo tuneti asheenaꞌo bulli biich goyinneheete. Bi taatemmo, bulli yemeenooniye; bi taatittinoo besheyaachemmi taatittinoone.
Yesuusi wochiꞌi, “Ne getteto neene; tunebaani ittoshich gettoye: Ebiyee damba Ashi Bushoo Giidechi Yeerichi qanne badd bi kotetaa, wotta shimaajji qubee toommoochoo koteree bi waataa beeggemmo ittoshine” iye.
Yesuusi boonoshi waan giddeꞌi boonoshich ishichii gettiye: “Showoonaa shimaayoonooch beeti ukkirittino bulli taach ichetone.
Yesuusi wochiꞌi, “Eeha, taane. Ashi Bushoo Giidechi Yeerichi qanne badd bi kotetaa, wotta shimaajji qubee daggoona bi waataa beeggemmo ittoshine” iye.
Doono Yesuusi ishin bi dabbeenaꞌoyich bi gettitoyee gubb, shimaajj kechiꞌi Yeerichi qannooch kotehe.
Ta shuniree qitehoani, ta shunaanoon taan wuxemmo aalloone. Qitoonaa qitoochee timonoyich hakkoo taach beetone; ta Nihoo ‘Ebin tuniibe’ itone” iye.
Taannaa Nihoo Yeerina ikkoo noone” iye.
tunetaa biin Yeeri keejje qemooba qitoochee tiijjiꞌi bekkiihe.
‘Yeeri qititinaꞌon tiijjoon hakkaachemmone’ iꞌi amoyich gabii beetote?
ittoshi yooddiiti, Yeeriyoo qitoochee bi tiijjiti, Naazireetechi Yesuus Kiristoosichi shigoona wodiꞌi ittoshi aafooch bi neexo ittoshi bullinaa Israꞌeeleenaꞌo bullinoyich aricheto tunebe. Biyoo,
Biinoo Yeeri axaaxee gommoochee bi waan wottoonaa maaroonon Israꞌeeleenaꞌoyich bi immemmoyich, bullichi Shimboonaa Wodiyechonon tuniiꞌi bi qanne badd kotiitone.
Boonoshi toommooch nallemmo konine? Qitito, ebiyeenoo qitoochee tiyito, Yeerichi qanne badd koteꞌi beeti Kiristoos Yesuusi no qoodoon Yeerin nooch qollee beetone.
Kiristoosicho no tunetoyich shimaajji xaaꞌooch beeti Ayaanee diiroo bullina noon diiriti, no Doono Yesuus Kiristoosichi Nuggishoonaa Nihoona tuneti Yeeri galleteebe.
Qitoochee tiyemmo ta tunoon gibenaꞌa Kiristoosinaa qitoochee biin tiijjiti giidoonon ta ariyemmoyich, bi xuuxoon ta qoodeyemmoyich, bi qitoonoo biin ta shaahemmoyich qaataabeeto taane.
bekkee beetinaꞌonaa bekkeyaaneenaꞌona, taatittino tuneba woyee doonjittino tuneba woyee iraashittino tuneba woyee ukkirittino tuneba showoonaa shimaayoonooch beetinaꞌo bulli biinna halleetinaꞌone. Bulli mooyo biinna halleetone; biichoo halleetone.
Illa Kiristoosina tookkii qitoochee ittoshi tiyitoyee, Yeerichi qanne badd Kiristoosi koteꞌi beetooch damba shimaajj beeti mooyon gabibote.
Biyoo worganikkiti Yeerichi oogee yiiree bekkoonaa bi shuriyoonochi shaahoona tuneechii, bulli mooyon giidechi bi qaaroona deggii yechitone; no axaaxoon bi xalliitoyee gubb, shimaayooch Yeerichi oogee yiiree qannooch kotehe.
Tunebaani Kiristoosi bulli yemeenoon axaaxoon wokkiyoon hakkemmi ikke deejjoon, ebiyoo bi qelloon deejjoo tunii giddiiꞌi, Yeerichi qanne badd kotehe.
Ufeti bi damoona bulli yemeenee wogoon manjiiti, bi bageenaꞌochi ooge Qiddoo tuneti no Doono Yesuusin qitoochee tiijjiti Diggee Nuggishoo,
Tunebaani Yeerichi wojjoona asho bullich bi qitemmoyich, giisheche wottoon maraakeenaꞌoyee bi shappemmoyich tuneti Yesuusin, qitee xuuxoon bi beeggitoyich, oogoonaa oogee yiiroonochi gubbichoon uketon beeggehone.
No Doono Yesuus Kiristoosichi Nuggishoonaa Nihoona tuneti Yeeri galleteebe. Yesuus Kiristoosi qitoochee timona, gibenoona ceenniti kasho nooch bi beeyemmoyich, bi maaree beshoona guttinnoon no shiijjemmoyich tuniitone.
Biin ta beegiyooba, qititi ashoommon shaahaꞌa bi baatooch dihiyo. Biyoo bi qanne kishoon ta toommooch kotiihe; ishichiinoo iye: “Shattaahine! Shiichoonaa Tacona taane.