Efesooni 1:18 - Kafa Linguistics Project

^18-19 Wotta ta qollaabeetoo, ittoshi mullee aafo gaxxeeree ciinaa, ittoshin bi ceeggiti gibeno amo gaata, bi yaafeenaꞌoyich bi immemmi worganikkiti iristo amoommo gaata, no mulloon Kiristoosi toommooch tooꞌiibeeti nooch shuuneebeeti bi giidoo am shaahe ooge giidoo gaata ittoshi ariyemmoyichiye.

Efesooni 1:18 ပူးပေါင်းရင်းမြစ်များ

Iyoobi 42:5

Neen ta ariyaabeeto, ashi waanee ta waayetona baachiye; tunebaani and ta aafoona neen beeggeto taane.

Shoddo 119:18

Ne sheeroochee worganikkiti mooyon ta beeggemmoyich, ta aafoon gaxxibe.

Isiyaasi 11:2

Doono Yeerichi Ayaano, shalligoonaa gabii deꞌonochi Ayaano, ciicoonaa hakkoonochi Ayaano, ariyoonaa Doono Yeerin shatonochi Ayaano, bi toommooch kotemmone.

Isiyaasi 29:10

Doono Yeeri tokketee ayaanoon ittoshi toommooch minjitone; keemechinaꞌo aafoon kaappitone; yaaꞌoon beeggii beetinaꞌochi qelloon oppetone.

Isiyaasi 29:18

Ebi arooba, ulleenaꞌo boonoshich shemmeebeeti macaafoon waayemminaꞌone; manderooch beebee echeti aaf doogeenaꞌoo boonoshi aafo qecheetaa ciinnemminaꞌone.

Isiyaasi 32:3

Ebiyee bekk, ciinniibeeti asheenaꞌo aafo oppeyaachemmone; waayeebeeti asheenaꞌochi waamo gaawichiree ellemmone.

Isiyaasi 42:7

Ebina aaf doogeenaꞌochi aafoon gaxxemmo neene; qoppeenaꞌon cuyee kexoochee, manderooch kotetinaꞌon aroochee, kichemmo neene.

Isiyaasi 6:10

Boonoshi aafoona boonoshi ciinaachemmoyich, boonoshi waamona boonoshi waayeyaachemmoyich, boonoshi mulloona boonoshi shalligaachemmoyich, ta waan wotteree boonoshi wodaachemmoyich, ebi asheenaꞌo mulloon muumiibe; boonoshi waamon ulliibe; boonoshi aafoon kaafe” iye.

Maatiyoosi 13:15

Boonoshi aafoona boonoshi ciinaachemmoyich, boonoshi waamona boonoshi waayeyaachemmoyich, boonoshi mulloona boonoshi shalligaachemmoyich, ta waan boonoshi wottetaa boonoshin ta wodiyaachemmoyich, boonoshi mulloon muumiitinaꞌone; boonoshi waamon ulliitinaꞌone; boonoshi aafoonoo oppetinaꞌone’ iꞌi bi keemmiti keemo boonoshi toommooch ceennitone.

Maariqoosi 10:17

Yesuusi aroochee tiyiꞌi bi hammii beetaa, ikke uro bi waan woccii waaꞌi bi baatooch goyinneechii, “Deꞌe Dojjechocho, bulli yemeenee kashoon ta danemmoyich amoon hallibote?” iꞌi echehe.

Luqaasi 24:45

Areegaata Yaafe Macaafooch kooreeton boonoshi xiishemmoyich, boonoshi mulloon qechiye.

Mishiraachechinaꞌo 16:14

Kiceeꞌi waayeebeeti genneenaꞌo daggooch Liidi getteebeeti, Yeerich qeyaabeeti ikke ure beehan. Biyoo Tiyaxirooni katemoochee waaꞌa, aaxxe gatiyechi damere qoreddoon giixaa beetine. Arooba Phawuloosi gettii beeton manjiiree bi ellemmoyich, Yeeri bi mulloon qechiye.

Mishiraachechinaꞌo 26:18

Neen ta daachiibeeto, boonoshi aafoon qechiree manderoochee bekkooch, Sheexaanoyich hajjeyoochee Yeerich hajjeyooch ne wochemmoyichiye. Arooba boonoshi axaaxoyich maaroon danemminaꞌone; wotta ta toommooch mulloon tooꞌiyoona yaafeeti asheenaꞌo deqqemmi wojjooch boonoshi ixoo haddeyemmone’ iye.

Roomi 11:29

Yeeri ashoon bi waan ceeggiꞌi bi wojjoon bi immitoyee gubb, “Aakkiya ebin tuniitote?” getaache.

Roomi 2:4

Woyee Yeeri bi ariqqoona axaaxee gommoochee bi waan neen wochiya bi yaaboon ariyaanoon, Yeerichi ariqqittinee woddoonaa kaatee nallaanoon yagii bi haaꞌiyoonon qallayinne?

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

2 Qorontoosi 4:6

“Manderooch bekko bekkebe” iti, Kiristoosichi barooch wacciibeeti bi oogee yiiree ariyoon bekkiibeeti bekkoon imma no mullee daggooch aaxxiito, Yeerine.

Galaati 5:5

No, Yaafe Ayaano immiibeeti giidoona no mulloon Yesuus Kiristoosi toommooch tooꞌiibee Yeeri nooch gibenikkiti cadiqoon quyaabeeto noone.

Efesooni 1:11

Wotta Yeeri bi daaggoona shiichiꞌi bullin tuniiya gabiꞌi bi maaccitoommon, bi gaboommona, biicho no tunemmoyich Kiristoosina noon kaacciye.

Efesooni 1:7

Yeerichi wojjoo woddetoyich, bi Bushoochi damoona biicheto noone; ebi getoo no xuꞌoyich maaroon daneto noone getone.

Efesooni 2:12

Aroobee yemeenooba, Yeeri kaacciti Israꞌeeleenaꞌoyee wokkiꞌi, gibenee qaaree wogoyich dallaawoon tuneꞌi, hini alemooch gibenoon mucceꞌi, Yeeri aalli ashoon tuneꞌi, Kiristoosiyee bariꞌinoo beehote.

Efesooni 3:16

Maaci ittoshi ashittino manjemmoyich, Yeeri worganikkiti bi oogoochee bi Ayaanoona giidoon ittoshich bi wojjemmonaa Kiristoosi bi toommooch ittoshi mullee tooꞌiyoona ittoshi mullooch bi beeyemmonoyich, corootaabeeto taane; Yeerinaa ashoonon ittoshi shunnii beetoyich bulli mooyon tuniibee, yaafeenaꞌo bullina tookki Kiristoosichi shunee gamino, gidoo, neexoonaa duchoona ebine getiree ittoshi shalligemmi hakkoo ittoshich bi beeyemmoyich corootaabeeto taane.

Efesooni 3:8

Yaafeenaꞌo bulliyee desho taane; tunebaani koniyoona maqqiꞌi ariyoon hakkaani Kiristoosichi wojjeechon Aageteenaꞌoyich ta gettemmoyich, bullinoo halliti Yeeri wonnee yemeenoochee aacheeti, shuuneya bi gabiti mooyo amo gaata asho bullich gaxxi ta gettemmoyich, hini wojjoon taach immiye.

Efesooni 4:1

Illa Doono Yesuusichi maddecho ta tunetoyich, cuchaꞌa beeti ta, Kiristoosi toommooch mulloon ittoshi tooꞌiyemmoyich Yeeri ittoshin bi ceegiyooba bi gettitoommon, mooyo bullina biin emirikkiya biich bedditon tuneree ittoshi beeyemmoyich ittoshin qollaabeeto taane.

Efesooni 4:4

Yeeri ittoshin bi ceegiyooba ikke gibenoyich bi ceeggitoommon, ittoshi bullich ikke Yaafe Ayaano beetoyich ikke ashittinee quumo ittoshine.

Efesooni 5:8

Ebiyee aaf manderoo ittoshine; tunebaani and Doono Yesuusina, bekko ittoshine; bekko aafeebeeti aafo deꞌittino, cadiqittinoonaa iberittino bullinane; ebich Doono Yeerin emirikkemmo aabi gaata bariiree, bekkee bushiisheenaꞌochoommon beebote.

Filipphisiyoosi 3:14

Yeeri Kiristoos Yesuusina, damba beeti kashoyich taan bi ceeggiti naadee wojjoon ta danemmoyich, tuggooch shagga woccaabeeto taane.

Qolaasiyaasi 1:23

Ebi bi tunemmo, Kiristoosi toommooch mullee tooꞌiyoona manjiꞌi ittoshi waayeti mishiraachee qaaree gibenoochee shokaanoon ittoshi beegaatane. Are mishiraachoo shimaayoyee desh beeti halleetinaꞌo bullich getteetone; ta Phawuloosiyoo ebi mishiraachee qaaree maddechon tunehoye.

Qolaasiyaasi 1:27

Boonoshichoo Yeeri ebi maacee mooyo Aageteenaꞌo daggooch am shaahoon worganikkiibeeto gaata bi tunoon arichiyoyich shunniye; ebi maacee mooyo Yeerichi oogee yiiroon danee gibeno tuneti Kiristoosi ittoshi mullee daggooch beemone.

Qolaasiyaasi 2:2

Ta qiiccaabeeto, boonoshi mullo kupphemmonaa shunoona boonoshi ikkottemmonoyich, ceeni shalligoon daneree Yeerichi maacee mooyo tuneti Kiristoosin boonoshi ariyemmoyichiye.

Qolaasiyaasi 3:15

Kiristoosichi diggoo ittoshi mullooch taatebe; ikke ashittinoochoommon ittoshi ceekketo ebi diggoyichiye; Yeerinoo galleteebeeto tunebote.

1 Tasaloonqi 5:8

Tunebaani areddee asho no tunetoyich, mullee tooꞌiyoonaa shunoonon getee ginee tahoochoommon gediree, “Yeeri noon wodiyemmone” imi gibenoon xuuree ukoochoommon ukeree no qelloon quyoona beebone.

2 Tasaloonqi 1:11

Ebich wotta no Nuggishoo bi ceeggiti gaboyich bedditon ittoshin bi tuniyemmoyich, tuniyoyich ittoshi gabiibeeti gaawe gaboon bi giidoona ceechiree, Kiristoosi toommooch mullee tooꞌiyoona ittoshi tuniibeeti shuunoyich ittoshin bi gaachemmoyich, bulli aaboon ittoshich corootaabeeto noone.

2 Tasaloonqi 2:16

Bi qelloona no Doono Yesuus Kiristoosinaa noon shunniti, bi wojjoona bulli yemeenee goggoonaa manje gibenoonon nooch immiti no Nihoo Yeerina ittoshi mulloon goggiibeete; gaawe mooyo bullin ittoshi shuunemmonaa yibbaatemmonoyich ittoshin kupphiibeete.

1 Ximootiyoosi 6:12

Kiristoosi toommooch mullee tooꞌiyoona koniyoona qiiccee dichaani kuppho tuneree, bulli yemeenee kashee wojjoon yeshe. Yeeri hini bulli yemeenee kashoon ne danemmoyich neen ceegaa, meeti miixeenaꞌo aafoochaa Kiristoosichon gaawichaꞌa miixeto neene.

Titoosi 2:13

Ebina diireeti no gibeno tuneti ooge no Nuggishoo, noon Wodiyechi Yesuus Kiristoosi oogee yiiroona bi bekkoon quyaabeeto noone.

Titoosi 3:7

ebin bi tuniito, bi wojjoona cadiqiree gibenoona no quyeebeeti bulli yemeenee kashoon no woraashemmoyichiye.

Hibireena'o 10:32

Tunebaani mishiraachee qaaree bekko ittoshich bekketoyee gubb, xuuxo tunetaa oogeti qiiccoona haaꞌiibee ittoshi beshiiti wonnee yemeenoon gabibote.

Hibireena'o 6:4

Ikke wottoon Yeerichi wocho iberoo bi tunoon ariitinaꞌon, Yeerichi wojjoochee quupphii beeggitinaꞌon, Yaafe Ayaanoochee qoodeyecho tunetinaꞌon,

1 Pheexiroosi 1:3

No Doono Yesuus Kiristoosichi Nuggishoonaa Nihoona tuneti Yeeri galleteebe. Yesuus Kiristoosi qitoochee timona, gibenoona ceenniti kasho nooch bi beeyemmoyich, bi maaree beshoona guttinnoon no shiijjemmoyich tuniitone.

1 Pheexiroosi 3:9

Asheenaꞌo ittoshi toommooch gondoon boonoshi shuunegaata, gondoon gaaccaahote; boonoshi naagigaata, boonoshin diiribotalli, wochiree naaggaahote; ittoshi ceekketo ebin tuniyoona diiroon ittoshi woraashemmoyichiye.

1 Pheexiroosi 5:10

Bulli yemeenee bi oogee yiiroochee ittoshi qoodeyemmoyich Kiristoosina ittoshin ceeggiti, wojjoo bullin immiibeeti Nuggishoo, giisheche aaboon xuuxoon ittoshi beeggitoyee gubb, bi qelloona bi, ittoshich mooyo bullin tachemmone; ittoshin manjiyemmone; ittoshin kupphiyemmone; Kiristoosi toommooch mulloon tooꞌiyoochee ittoshi shuuraachemmoyich ittoshin neechemmone.