Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efesooni 1:17 - Kafa Linguistics Project

17 Oogee yiirecho tuneti Nihoo, biyoo no Doono Yesuus Kiristoosichi Nuggishoo biin ariyoona shalligechon ittoshin tuniyemmi, biin ittoshich bekkiyemmi Yaafe Ayaanoon ittoshich bi immemmoyich qollaabeeto taane.

အခန်းကိုကြည့်ပါ။ ကော်ပီ




Efesooni 1:17
56 ပူးပေါင်းရင်းမြစ်များ  

Doono Yeero, shimaayoonaa showoonooch beeto bulli neecho bi tunetoyich, oogo, giidoo, oogee yiiroonaa wudoona neechone; taatittinoo neechone. Newoo bulliyee beshiti taatoo neene.


Neen ta ariyaabeeto, ashi waanee ta waayetona baachiye; tunebaani and ta aafoona neen beeggeto taane.


Ebi oogechi Taatoo konine? Beshe Mawe Doono Yeerine; aroo oogechi Taatoone.


Kelleenaꞌote, ittoshi qelloon kaama tiijjibote; wonnee kelleenaꞌote, ittoshi qecheetaa oogechi Taatoo gibe.


Doono Yeerichi qaaro baharee toommoochaa waayeehe; oogechi Nuggishoo gigehe; Doono Yeeri ooge baharee toommoochaa gigehe.


Bariti hakkoo boonoshich bi beeyemmoyich ta tuniiti, kishee shuunee ariyechi asho bullin ceegiree, Harooni qeeshoo tuneree taach maddeya bi yaafeyemmoyich, ebi tahoon boonoshi shuunemmoyich gete.


Beelloochi mullo ariyoon hajjiye; mullechochi waamoo ariyoon qaawiye.


Ebin ne tuniigaata, Doono Yeerin shato amo gaata ariyemmo neene; ne Nuggishoon ariyee gommon danemmo neene.


Doono Yeerichi Ayaano, shalligoonaa gabii deꞌonochi Ayaano, ciicoonaa hakkoonochi Ayaano, ariyoonaa Doono Yeerin shatonochi Ayaano, bi toommooch kotemmone.


Nuggishoon tuno boonoshi qajjitaanona, boonoshi nuggisheenaꞌon shadditi asheenaꞌo beeteete? Tunebaani ta asheenaꞌo, boonoshich oogoon immeti boonoshi Nuggishoo taan, gaacaalli mooyona shadditinaꞌone.


Ta, Doono Yeeri ta tunoon ariyemmi mulloon boonoshich immemmo taane; boonoshi ceeni mulloona ta waan wottemminaꞌo boonoshi tunetoyich, ta asheenaꞌon tunemminaꞌone; tawoo boonoshich Nuggishoo tunemmo taane.


Asho bi ikkikkoona bi giyoon, asho bi ikkikkoona bi manoon ‘Doono Yeerin ariibe’ geti dojjaachemmone; ebiyoo giishoochee oogooch beddaahaa, bulliyona taan ariyemmo bi tunetoyichiye. Boonoshi xuꞌoon maaremmo taane; boonoshi axaaxoonoo gabaachemmo taane” iye Doono Yeeri.


tunebaani degeyemmo, shoodoon, dayinnetoonaa cadiqoonon showee toommooch tuniyaabeeto ta tunoon bi ariyoonaa bi digenoona, ebina degeebe; ebiyoo ebi mooyinaꞌo taan boonoshi emirikkii beetoyichiye” iye.


Faariisee taatoo Qiroosi taatehoobee keejjinnee natooba, Belxesoori getteeti Daaneelich Yeeri ikke mooyon bekkiihe. Ebi mooyo iberoone; ebiyoo ooge ginee mooyone. Ebi mooyon bi shalligemmoyich yaaꞌoona biishaa getteehe.


Ne taatee showee daggooch yaafe nuggisheenaꞌochi ayaano bi toommooch beeti ikke uro beetone. Ebi uro, ne nihoo taatittinee yemeenooba, yaaꞌecho, ariyechonaa nuggisheenaꞌochi shalligoommi shalligechona tuneꞌi daneti uroone. Ebich ne nihoo, taatoo Nabukadinatsori biin kaayechinaꞌo toommooch, yiiteenaꞌo toommooch, allaameenaꞌonaa xojjenee hiddechinaꞌonochi toommooch ukkiriihe.


Arooba Yesuusi ishichiye: “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye.


Wotta Yesuusi asheenaꞌoyich, “Ta Nihoo bulli mooyon taach immitone. Nihoo Yeeriyee damba Yeerichi Bushoo taan ariibeeto aalloone; Yeerichi Bushoo tayee besh, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeerin ariibeeto aalloone.


Yesuusiyoo wochiꞌi ishichiye: “Yoonichi bushoo Simoono, ebin neech bekkiito shimaayooch beeti ta Nihoani asho toonoone; ebich diireeto neene.


“No Doonocho, no aafoon ne ciichiyemmoyichiye” iyeete.


Gondoochi nihoo kishoochee noon quyeballi, bi dachooch noon geddaahine. [Taatittino, giidoo, oogee yiiroo bulli yemeenoon neechone. Ameena.’]


“Shimaajji shimaayooch beeti Yeerich oogee yiiroo tunebe! Showoochoo Yeeri boonoshina emiriti asheenaꞌoyich diggoo tunebe” iyeete.


Biyoo iberoon bekkiibeeti Ayaanoone; alemo biin beegaanoonaa ariyaanoona bi tunetoyich, bi mullooch qeejjiꞌi biich hajjeyoon hakkaache; tunebaani ittoshi waan beeyemmone; ittoshi mulloochoo qeyemmone; ebich biin ariibeeto ittoshine.


Tunebaani Nihoo Yeeri ta shigoona bi deejjemmi Yaafe Ayaano tuneti Kupphiyecho, aroo bulli mooyon ittoshich dojjemmone; ittoshich ta getteto bullin ittoshich shalligichemmone.


Ebin ittoshi toommooch boonoshi tuniyemmo, Nihoo Yeerinoo taanoo boonoshi tuushitoyichiye.


Ibere Nuggishoo ne baach tuneti neen boonoshi ariyoo, wotta ne deejjiti Yesuus Kiristoosin boonoshi ariyoo, ebi bulli yemeenee kashoone.


Yesuusiyoo “Taan yechaahine; batt Nihoo Yeer waan keyaan beeto taane. Tunebaani hamiree ta maneenaꞌoyich ‘ “Ta, ta Nihoonaa ittoshi Nihoona waan, ta Nuggishoonaa ittoshi Nuggishoona waan kechemmo taane” itone’ gete” iye.


Tunetaa bi gettiibeeti ariyoonaa Ayaanoonon habbiyoon hakkaaneenaꞌone.


Isxifanoosi wochiꞌi ishichiye: “Ta maneenaꞌonaa ta niheenaꞌonote, waayebote. Oogee yiirechi Nuggishoo, no nihoo Abrahami Karaan hammii koteyaan bi beetaa, Mesopotaamee showoochaa biich bekkeꞌi,


Yeerin ariyoon gaacaallo shaahiiꞌi boonoshi gabitoyich, tuneyaani mooyon boonoshi hallemmoyich, Yeeri boonoshin qajjiye; ebich xumme gaboon baach gabiyeete.


Yaafe Ayaano ikke kittinnoyich shalligee yibbaatee hakkoon immiye; wotta are Yaafe Ayaano ariyee yibbaatee hakkoon baroyich immiye.


Ta maneenaꞌote! And ittoshi waan waaꞌa Yeeri taach bekkiiti mooyon woyee ariyoon woyee keemoon woyee kittinnittinee doyoon getaanoon baribare noonoona ta yibbaategaata, ta womo ittoshich amoon hallehe?


Ebichi naboyich Yaafe Ayaano Yeerichi maacee moochi tuggooch beddaahaa, ikkoonolla echiyaanoon maqqii bi arii beetoyich, ebi bullin Yeeri bi Yaafe Ayaanoona nooch bekkiitone.


Hini showee iraasheenaꞌo daggoochee ikkolla ebi shalligoon ariito aalloone; boonoshi ariito gaata, oogee yiiree Doono Yesuusin yoodaacheshinaꞌone.


Geecoo gaacaallo bi tunetaanoona, geecoo taach qaawii beetone; eke and Doono Yesuus waanee taach bekketi yaaꞌeecho waan wottebon.


Kiristoosicho no tunetoyich shimaajji xaaꞌooch beeti Ayaanee diiroo bullina noon diiriti, no Doono Yesuus Kiristoosichi Nuggishoonaa Nihoona tuneti Yeeri galleteebe.


Ebiyoo wonnee yemeenooch bare shiijjereenaꞌo waan ashi bushiishoyich aricheyaanoone; tunebaani and yaafeeti bi mishiraachechinaꞌonaa keemechinaꞌonoyich bi Ayaanoona gaxxitone.


Ebiyoo no bulli Yeeri Bushoo toommooch mullee tooꞌiyoonaa biin ariyoona daneebeeti ikkittinooch shagiree, kachiti ashoon tunoona, bullina Kiristoosin shaahooch no beddemmi wottooniye.


Illa manjii kuppheti kittinnoo no bulli ebin gabibone; ittoshin barbarii beeti gaboo ittoshi daggooch bi beegaata, ebi gaboon Yeeri ittoshich gaxxi bekkiyemmone.


Bi dojjiibeeti mooyon happiya qiiccee beetinaꞌon shiimoona dojjibee ciice. Diqq Yeeri iberoon boonoshi ariyemmoyich, axaaxee gommoocheenoo bi waan boonoshi wottemmoyich bi daaggigaata,


Yeeri kaaccitinaꞌo Kiristoosi toommooch mullee tooꞌiyoona boonoshi kupphemmoyich, wotta Yeerin oogiibeeti beemon beemooch bechiibeeti iberoon boonoshi ariyemmoyich tuniyoyich wocheeti, Yeerichi guuno, Yesuus Kiristoosichi mishiraachecho tuneti Phawuloosi waanee:


Ta maneenaꞌote! Oogee yiirecho tuneti no Doono Yesuus Kiristoosi toommooch mulloon tooꞌiito ittoshine; ebich ashoon barbariiree heppiyaahote.


Yesuus Kiristoosi bi oogee yiiroonaa bi deꞌittinoonoochee no qoodeyemmoyich, noon ceeggiton no ariyoona yaafeeti kashoonaa Yeerin oogiibeeti qocoona no beeyemmoyich bi Nuggishittinee giidoona qaawiibeeti mooyo bullin nooch immiye.


Wotta no Doononaa noon Wodiyechona tuneti Yesuus Kiristoosi immiibeeti wojjoon danoonaa biin ariyoona dicote. Biich andoo, bulli yemeenoonoo oogee yiiroo tunebe. Ameena.


“Ameena, galleto, oogee yiiroo, shalligoo, naadoo, oogo, giidoonaa hakkoona bulli yemeenoon no Nuggishoyich tunebe. Ameena” iyeete.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ