Efesooni 1:14 - Kafa Linguistics Project

¹⁴ Ebi Yaafe Ayaano Yeeri biicho tunetinaꞌo bullin bi biishemmi wottoon bi asheenaꞌoyich imma bi gibenikkiti iristoyich yechiyoone; ebiyoo Yeeri bi oogee yiiroyich bi galleteyemmoyichiye.

Efesooni 1:14 ပူးပေါင်းရင်းမြစ်များ

Shoddo 74:2

Wonna ne kaacceti ne iiteenaꞌon, ne biisheti ne iristee yoodee asheenaꞌon, ne beeyi xaaꞌoo ne tuniiti Tsiyooninoo, gabibe.

Shoddo 78:54

Bi qanne kishoona koyeꞌi bi yechiti guudooch, yaafeeti bi showooch, boonoshin deebiye.

Luqaasi 21:28

Ebi mooyinaꞌo tiyiyooba, Yeeri ittoshin biisheree bi wodiyemmi aabo bi katinnitoyich, kaama neexeechi damba wochiree ciinote” iye.

Mishiraachechinaꞌo 20:28

Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi kittinnee guuphon quyebote.

Mishiraachechinaꞌo 20:32

“Andoo ittoshin kupphiyoonaa yaafeeti asheenaꞌo bullichi daggooch iristoon imonon hakkiibeeti Yeerinaa bi wojjeechon gettiibeeti qaaroonoyich adereto taane.

Roomi 8:23

Halleenaꞌo ikkeetinaꞌo baach tooneenaꞌone; shiichiti wojjoon tuniiꞌi nooch Yeeri immiti Yaafe Ayaano nooch beeti no, no qelloona wotta no ashittinee biicheyoon, ebi getoo Yeeri bi bushoo no tunoon bi bekkiyoon quyaabee, no maacoona gaashillaabeeto noone.

1 Qorontoosi 1:30

Tunebaani Yeeri ittoshin Kiristoos Yesuusina tookkii ikkochitone; ebich Yeeri biin nooch shalligoo, cadiqoo, yaafoonaa biishechona tuniitone.

2 Qorontoosi 1:22

Wotta biicho no tunee xiishee malletoon no toommooch geddito, gubb nooch bi immemmi wojjoonoo bekkiibeeti Yaafe Ayaanoon yechiyoo tuniiꞌi no mullooch kotiitoo, biine.

2 Qorontoosi 5:5

Ebi mooyoyich noon hallito Yeerine; woyemmi mooyon manjiibeeti yechiyoo tuniiꞌi Yaafe Ayaanoon nooch immito biine.

Galaati 4:6

Ittoshiyoo Yeerichi bushiishoo ittoshi tunetoyich, “Taabbo, ta Nihoocho!” getiree ittoshi ceeggemmi bi Bushoochi Ayaanoon ittoshi mullooch deejjitone.

Efesooni 1:11

Wotta Yeeri bi daaggoona shiichiꞌi bullin tuniiya gabiꞌi bi maaccitoommon, bi gaboommona, biicho no tunemmoyich Kiristoosina noon kaacciye.

Efesooni 1:12

Ebin bi tuniito, Kiristoosin gibenoona shiichoo tuneti noonna bi oogee yiiroyich bi galleteyemmoyichiye.

Efesooni 4:30

Yeeri ittoshin biishemmi aabo woyemmo tunoon xiishiibeeti yechiyoo, ebiyoo ittoshi toommooch malletoon tuniiꞌi Yeeri gedditi bi Yaafe Ayaanoon ayinikkiyaahote.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.