Efesooni 1:13 - Kafa Linguistics Project

¹³ Ittoshiyoo wotta iberee qaaroon, ebiyoo ittoshi woditi mishiraachee qaaroon, waayeꞌi ittoshi mulloon Kiristoosi toommooch ittoshi tooꞌiitaa, Yeeri bi gibenikkiti Yaafe Ayaanoona biicho ittoshi tunee xiishee maatemoon ittoshi toommooch geddiye.

Efesooni 1:13 ပူးပေါင်းရင်းမြစ်များ

Shoddo 119:43

Ne sheeroon ta gibenetoyich, ibere ne qaaroon ta noonoochee kuxxaahine.

Yoꞌeeli 2:28

Doono Yeeri ishichiye: “Ebiyee bekk, ta Ayaanoon meeno taheti asho bulli toommooch woniyemmo taane; ittoshi anaami bushiisheenaꞌonaa maache bushiisheenaꞌona keemoon keemmemminaꞌone; ittoshi daggeexi geeneenaꞌo gumon gummemminaꞌone; gurimaasheenaꞌoo yaaꞌoon beeggemminaꞌone.

Luqaasi 11:13

Gondo ittoshi tunetaanoona, ittoshi bushiisheenaꞌoyich deꞌe mooyon imon ariibeeto ittoshine. Illa shimaayooch beeti ittoshi Nihoo Yeeri biin qollee beetinaꞌoyich Yaafe Ayaanoon am shaahoon beshaa beshiiree immehe!” iye.

Luqaasi 24:49

Illa ebiyoche, ta Nihoo Yeeri gibenikkiti gibenoon ta ittoshich deejjemmo taane; ebich damba Yeer waanee giidoo ittoshi toommooch bi kindimmi wottoon Yerusaalem quyebote” iye.

Yowannisi 1:17

Yeerichi sheeroo Muus waanaa nooch ichehe; tunebaani wojjoonaa iberoona Yesuus Kiristoos waanaa nooch ichehe.

Yowannisi 14:26

Tunebaani Nihoo Yeeri ta shigoona bi deejjemmi Yaafe Ayaano tuneti Kupphiyecho, aroo bulli mooyon ittoshich dojjemmone; ittoshich ta getteto bullin ittoshich shalligichemmone.

Yowannisi 15:26

“Nihoo Yeer waanee ittoshich ta deejjemmi Kupphiyecho, iberoon bekkiibeeti Ayaano, Nihoo Yeer waanee kechiꞌi bi waahooba, aroo taachon miixemmone.

Yowannisi 3:33

Bi miixee beeton iberiito, Yeeri iberoo bi tunoon miixetone.

Yowannisi 6:27

Bulli yemeenee kashoon immemmi maayoyich shuunebotalli, aallemmi maayoyich shuuneyaahote. Hini besheyaani koshon ittoshich immemmo Ashi Bushoone. Ebiyoo Nihoo Yeeri taanna bi emiroon bi miixetoyichiye” iye.

Mishiraachechinaꞌo 1:4

Wotta boonoshina tookkii beebee boonoshich ishichiye: “Yerusaalemee bara kechaahote. Tunebaani ta waanee ittoshi waayeti ta Nihoo gibenikkiti gibenoon quyebote.

Mishiraachechinaꞌo 13:26

“Andoo hini Abrahamichi yaroo tuneti ta maneenaꞌote, wotta no daggooch beeti, Yeerich hajjeebeeti Aageteenaꞌote, Yeeri hini no wodemmi qaaroon nooch deejjitone.

Mishiraachechinaꞌo 2:33

Andoo Yeerichi qanne badd oogoona koteꞌi bi Nihoo Yeeri gibenikkiti Yaafe Ayaanoon bi waanee deqqiꞌi, hini and ittoshi beeggii beetonaa waayee beetonon ukkiye.

Roomi 1:16

Mishiraachee qaaroona yeelleyaache. Yesuus Kiristoosichi mishiraachee qaaro boonoshi mulloon Kiristoosi toommooch tooꞌii beetinaꞌo bullin, shiichiꞌi Ayihudeenaꞌon, aroochee Ayihudo tuneyaaneenaꞌon Yeeri wodiibeeti giidoone.

Roomi 4:11

Dokireyaan beebee, mulloon Yeeri toommooch bi tooꞌitoyich cadiqoon danehe. Aroyee gubboo bi dokireyoo bi cadiqoon miixeebeeti malletoo tunehe. Ebich boonoshiyoo wotta cadiqeenaꞌo tuneree boonoshi haddeyemmoyich, dokireyaanoon mulloon Yeeri toommooch tooꞌii beetinaꞌo bullich nihoone.

Roomi 6:17

Tunebaani shiichiꞌi axaaxoyich hajjeebeeti guuno ittoshi tunetaanoona, ittoshich icheti doyoochee daneti iberoyich mulloochee tiijjiꞌi ittoshi deꞌa itoyich, axaaxee guuchittinoochee kechiꞌi cadiqoyich ittoshi hajjeetoyich, Yeerich galleto bede.

2 Qorontoosi 1:22

Wotta biicho no tunee xiishee malletoon no toommooch geddito, gubb nooch bi immemmi wojjoonoo bekkiibeeti Yaafe Ayaanoon yechiyoo tuniiꞌi no mullooch kotiitoo, biine.

2 Qorontoosi 6:7

ibere yibbaatoona, Yeerichi hakkoona shuunoona, no qanne kishoonaa yooche kishoonooch ginee koyee qiicoommo tuneti cadiqoon yeshona, Yeerichi maddecho no tunoon bekkiibeeto noone.

Galaati 3:14

Bi biisheto, Yeeri Abrahamich immiti diiroo Kiristoos Yesuusina Aageteenaꞌoyich bi shaggemmoyichiye; nowoo bi toommooch no mulloon tooꞌiyoona Yeeri gibenikkiti Yaafe Ayaanoon no deqqemmoyichiye.

Efesooni 4:21

Iberoon biichon waayeto ittoshine; Yesuus waan beeti iberoon biinna tuneꞌi doyito ittoshine.

Efesooni 4:30

Yeeri ittoshin biishemmi aabo woyemmo tunoon xiishiibeeti yechiyoo, ebiyoo ittoshi toommooch malletoon tuniiꞌi Yeeri gedditi bi Yaafe Ayaanoon ayinikkiyaahote.

1 Tasaloonqi 2:13

Wotta kuxaanoon Yeerin no galletaabeeti bare mooyo beete: No waanee ittoshi waayeti Yeerichi qaaroon ittoshi iberiihooba, ittoshi mulloon Yesuusi toommooch tooꞌiiti ittoshi waanaa shuuneebeeti ebi qaaroon ittoshi iberiito, Yeerichi qaaroommonalli ashi qaaroommon toonoone; iberoochaa Yeerichi qaaroone.

2 Ximootiyoosi 2:15

Iberee mishiraachee qaaroon tachiꞌi gettiibeeti, bi shuuneti shuunoona yeelleyaani shuunechon tuneree, Yeer waanee galletoon danoyich kupphebe.

2 Ximootiyoosi 2:19

Tunebaani koniyoona shuurikkoo hakkaani kechi giimboon Yeeri neechitone; are giimboo “Yeeri biichinaꞌon arii beetone”, wotta “ ‘Ta, Doono Yeericho taane’ ii beeto bulli gondoochee wohe” ii beeti maatemechone.

2 Ximootiyoosi 3:15

Kiristoos Yesuusi toommooch mullee tooꞌiyoona wodoo daneebeeti shalligoon neech imon hakkiibeeti Yaafe Macaafeenaꞌon ne bushittinoochee tiijjaꞌa ariito neene.

Titoosi 2:11

Ebiyoo, asho bullin wodiyoon hakkemmi Yeerichi wojjoo bi gaxxeetoyichiye.

Hibireena'o 2:3

Ebich nowochi, ebiyoommi worganikkiti wodoon no qayenegaata, aabichiree muricon hakkehone? Ebi wodeechon shiichiꞌi gettito Doono Yesuusine; waayetinaꞌoo ebi iberoo bi tunoon nooch manjiitinaꞌone.

Yaaqobi 1:18

Bi hallitinaꞌo daggooch qaabboo no tunemmoyich, bi hajjee daaggoona iberee qaaroona noon shiyihe.

Yaaqobi 1:21

Ebich tiyaariibeeti shuunoo bullinaa gonde qoco bullinon bayiichi, ittoshi kashoon wodiyoon hakkiibeeti, Yeeri ittoshi mullooch bechiti qaaroyich ittoshi qelloon yittiiree deꞌa getote.

1 Pheexiroosi 2:10

Ebiyee aaf Yeerichi yoodo toono ittoshine; tunebaani and Yeerichi yoodo tuneto ittoshine; ebiyee aaf Yeerichi ariqqittinoon ariyaano ittoshine; tunebaani and bi ariqqittinoon ariito ittoshine.

Yaaꞌoo 7:2

Beeyechi Nuggishoo Yeerichi maatemoon yechiti bare maraakoo aabi-keyo waanee kechii bi beetaa beeggeho. Biyoo showoonaa baharee aaconochi toommooch gonde mooyon boonoshi tuniyemmoyich daaggeeti awudde maraakeenaꞌoyich oogeti qaaroona cookiꞌi,