Efesooni 1:1 - Kafa Linguistics Project

¹ Yeerichi daaggoona Kiristoos Yesuusichi mishiraachecho tuneti Phawuloosi waanee, Kiristoos Yesuusina gibeneetinaꞌo tuneti Efesoon beeti yaafeenaꞌoyich:

Efesooni 1:1 ပူးပေါင်းရင်းမြစ်များ

Haddoo 12:7

Tunebaani ta guuno Muusina ta yibbaateebeeto ebiyoommona toonoone; Bi, ta kexo bulliich gibeneetone.

Luqaasi 16:10

“Giisheche mooyona gibeneeto oogeti mooyona wotta gibeneyemmone; giisheche mooyona gibeneyaano oogeti mooyona gibeneyaachemmone.

Mishiraachechinaꞌo 16:15

Biinnaa bi kechi asheenaꞌona aacona boonoshi afaalleetoyee gubb, “Doono Yesuusi toommooch ta mulloon ta tooꞌiyoo iberoo bi tuno ittoshich bekkegaata, ta kexooch giyiree noonna tookki beebote” iyaꞌa noon manjii qollahan.

Mishiraachechinaꞌo 18:19

Hammiibee Efesoon shaggiꞌi, Phirisqilinaa Aqilinon arooch geddiichii, bi ikkeeto Ayihudeenaꞌo kiceebeeti kexooch giyiꞌi, boonoshina tookkii gajjiteehe.

Mishiraachechinaꞌo 18:21

Tunebaani “Yeeri getigaata, wotteree woyemmo taane” iꞌi diggiichii, markaboona Efesoonee tiyii hammiye.

Mishiraachechinaꞌo 9:13

Tunetaa Hanaani wochiꞌi, “Ta Doonocho, hini uro Yerusaalem beeti yaafeeti ne asheenaꞌo toommooch ambiche gondoon bi shuuneto gaata meeti asheenaꞌo waanee waayeto taane;

Roomi 1:1

Keemechinaꞌochi noonoona Yaafe Macaafooch shiichiꞌi gibenikkiti Yeerichi mishiraachee qaaroyich baraꞌa kaacheto, mishiraachecho tunoyich ceekketo, Yesuus Kiristoosichi guuno Phawuloosi taane.

Roomi 1:7

Yeerina shucheti, yaafoo ittoshi tunemmoyich Yeerina ceekketi, Room beeti ittoshi bullich: No Nihoo Yeerinaa Doono Yesuus Kiristoosinochi wojjoonaa diggoona ittoshich tunebe.

Roomi 8:1

Illa Kiristoos Yesuusina beetinaꞌo toommooch and Yeerichi naxo kindaache.

1 Qorontoosi 4:12

No hajjee kishoona shuunaabee maraataabeeto noone; ufenoo diiraabeeto noone; duꞌiitenoo haaꞌiibeeto noone;

1 Qorontoosi 4:17

Ebichi naboyich shucheti, gibeneeti, Doono Yesuusina ta bushoo tuneti Ximootiyoosin ittoshi waan wochaabeeto taane. Bulli xaaꞌooch beeti kittinnee guuphinaꞌo bullich ta dojjaabeeti doyoommon, Kiristoos Yesuusina taach beeti kashee gommon aroo ittoshich shalligichemmone.

2 Qorontoosi 1:1

Yeerichi daaggoona Kiristoos Yesuusichi mishiraachecho tuneti Phawuloosinaa no manoo Ximootiyoosina waanee, Qorontoosi kittinnee guuphonaa Akaayee showoo bulliich beeti yaafeenaꞌonoyich:

Galaati 1:1

Ashi waanee woyee asho koninolla tuneyaanoon Yesuus Kiristoosinaa qitoochee biin tiijjiti Nihoo Yeerina kaacheti Phawuloosi waanee,

Galaati 3:26

Ittoshi mulloon Kiristoos Yesuusi toommooch ittoshi tooꞌiyee naboona ittoshi bulli Yeerichi bushiishoo ittoshine.

Galaati 3:28

Ittoshi bulli Kiristoos Yesuusina, ikkoo tuneto ittoshine. Ebich Ayihudee asho geto woyee Giriikee asho geto aalloone; guuchi yaroo geto woyee doonji yaroo geto aalloone; anaamo geto woyee maachee geto aalloone.

Galaati 3:9

Eboshi mulloon Yeeri toommooch tooꞌiitinaꞌo, mulloon tooꞌiiti Abrahamina tookkii diireetinaꞌone.

Efesooni 1:15

Ebich ta wotta Doono Yesuusi toommooch ittoshich beeti mullee tooꞌiyoonaa yaafeenaꞌo bullich ittoshich beeti shunoonon waayaꞌa,

Efesooni 2:10

Yeeri halliti halloo noone; Kiristoos Yesuusina and noon bi hallito, shiichiꞌi bi qanniiti gaawe shuunoon shuunebee no beeyemmoyichiye.

Efesooni 2:13

Tunebaani ebiyee aaf wokkiꞌi beeti ittoshi, Kiristoos Yesuusina tuneꞌi, Kiristoosichi damoona and katinnito ittoshine.

Efesooni 2:6

Woyemmi yemeenooch Kiristoos Yesuusina nooch bi bekkiiti deꞌittinoona bulliyee beshiti bi wojjee woddoon bekiiya, Kiristoos Yesuusina noon kashecho tuniiꞌi biinna tookkii qitoochee tiijjiye; shimaajji xaaꞌoochoo biinna tookkii noon kotiihe.

Efesooni 6:21

Ittoshi wotta aabichaꞌa ta beeto gaata ta beemichon ittoshi ariyemmoyich, shucheti no manoonaa Doono Yesuusichi shuunoyich gibeneeti maddechona tuneti Tikiqoosi bullin ittoshich gettemmone.

Qolaasiyaasi 1:2

Qolaasiyaas beeti, Kiristoosina yaafeetinaꞌonaa gibeneetinaꞌona tuneti maneenaꞌoyich: No Nihoo Yeeri waanee wojjoonaa diggoona ittoshich tunebe.

Yaaꞌoo 17:14

Eboshiyoo Bagoona koyemminaꞌone; tunebaani Bago boonoshin koyi wochemmone; ebiyoo Bago dooninaꞌochi Doono, taateenaꞌochi Taatoo bi tunetoyichiye; biinna tookkii beeti ceekkeetinaꞌo, kaaccitinaꞌonaa gibeneetinaꞌona wotta koyi wochemminaꞌone” iye.

Yaaꞌoo 2:10

Ne toommooch shaggemmi iritoon shattaahine; ebiyoche, Yeeri toommooch mulloon ittoshi tooꞌiyoo iberoo bi tunoonaa tunee qayona bi bekkemmoyich, daabiloosi ittoshi daggoochee ikkikkeenaꞌon cuyee kexooch gedda ii beetone; aashire qemi duꞌoon beeggemmo ittoshine. Qitooch beddaahaa taach gibeneeton tunebe; kashee gubbichoon neech immemmo taane.

Yaaꞌoo 2:13

Ne beeto Sheexaanoo taateꞌi beeti xaaꞌooch bi tunoon ariibeeto taane; tunebaani ta toommooch mulloon tooꞌiyoona manjito neene. Sheexaanoo beeti ittoshi katemoochaa taach gibeneeto tuneꞌi taachon miixeti Antiphaasi wuxeehoobee yemeenoobolla, ta toommooch mulloon tooꞌiyoon nookkeyaano neene.