Dojjecho 9:3 - Kafa Linguistics Project

³ Kashecho bullichi ciiro ikke shaahoo tuno, ebi hini showee toommooch tuneebeeti gonde mooyone. Asheenaꞌochi mullooch gondo ceennitone; boonoshi kashee yemeeno bulliich boonoshi mullooch geyo beetone; ciiroochaanoo qitemminaꞌone.

Dojjecho 9:3 ပူးပေါင်းရင်းမြစ်များ

Halloo 6:5

Doono Yeeri asheenaꞌochi gondo showee toommo bulliich bi woddoon, ashi mullee gaboonaa qaatoona bulli aaboon gondo baach bi tunoonoo beeggiꞌi,

Halloo 8:21

Doono Yeeriyoo ebi deejjee cinnoona emiriye. Biyoo bi mulloona ishichiye: “Bi bushittinoochee tiijjiꞌi ashi mullee gaboo gondo bi tunetoyich, showoon ashi naboona wochinnoon ufaache; wotta ebi and ta tuniitoommon, kashechi halleenaꞌo bullin wochinnoon aalliyaache.

Iyoobi 15:16

ishigaata, axaaxoon aaco uyoommon uchiibeeti, tiyaariiti, eeꞌeti asho, aabichiree gibeneeyehe!

Iyoobi 21:26

Boonoshi guttiyona qitii duukkeheete; hipperoo boonoshi qeddoon bullehe.

Iyoobi 9:22

‘Yeeri axaaxechonaa ikke oonaalli ashoonon ikkochii bi aallii beetoyich, bariti mooyo amolla aalloone’ ta ito ebichiye.

Shoddo 51:5

Ta shiijjoochee tiijjaꞌa gondeto taane; ta indee maacooch ta xifeetoochee tiijjaꞌa axaaxecho taane.

Shoddo 64:7

Tunebaani Yeeri bi shangoona boonoshin kochemmone; boonoshiyoo diqqoona mayemminaꞌone.

Shaahiyoo 14:32

Gondeenaꞌo boonoshi gonde shuunoona dihiyeete; tunebaani cadiqeenaꞌo boonoshi gibeneyoona deeboon daneheete.

Dojjecho 1:17

Ebich shalligoon, geyoonaa tuushoonon ariyoyich ta mulloon qanniiho. Ebiyoo wotta yongoon yookkii dabboommo bi tunoon shalligiyo.

Dojjecho 12:7

showoo bi showa wotteyaan beetaa, kashe biin halliti Nuggishoo Yeer waan wotteyaan beetaa, neen Halliton gabibe!

Dojjecho 2:14

Mullechi asho gommon ciinniꞌi shaꞌehe; tunebaani mullaallo manderoona shaꞌehe. Ebi tunetaa boonoshi gutti ciiro hajjaa shaahoo bi tunoon shalligiyo.

Dojjecho 7:2

Eeppi kexooch hamo, gifiree kexooch hamoyee gaawiye; ebiyoo qitoo heeyaani mooyo bi tunoon, kashecho bullich bi shalligichii beetoyichiye.

Dojjecho 7:25

Shalligoonaa mooyinaꞌo tuneebeeti naboonon ariyoon qaawii danoonoyich, axaaxoo tuushittino, tuushittino wotta geyo bi tunoon ariyoyich, ta mulloon wochiyo.

Dojjecho 8:11

Gondoon shuunee beetinaꞌo toommooch kaatee nalleyoo bi qajjitoyich, asheenaꞌochi mullo gondoon shuunoyich kupphehe.

Dojjecho 9:11

Hini showee toommoochee bare mooyon beeggeho; ebiyoo, woco afaafinechinaꞌoyich, koyoo ginee anaaminaꞌoyich, kosho mullechinaꞌoyich, gaanno beelleenaꞌoyich, gaawe aafoona ciicheyoo ariyechinaꞌoyich, tunee bi qayoniye. Bulli mooyon daniibeeto deconaa ixoonane.

Dojjecho 9:2

Cadiqoonaa xuꞌechonoyich, deꞌoonaa gondoonoyich, xalloonaa eeꞌoonoyich, deejjoo giddii beetonaa giddiyaanoonoyich, asho bulli toommooch shaggemmi ixoo ikkoone. Deꞌe ashich axaaxechoyee beshe gaawe ixoo aalloone; wogoon shattii beetonaa wogo giyii beetona barbariitaa ciicheyaachemmone.

Dojjecho 9:4

Tunebaani kashoona beeti ashich gaawe gibeno beetone; qititi daaheroyee kashoona beeti kunaanoo gaawiye.

Erimiyaasi 16:12

Ittoshiyoo ittoshi qaabbechinaꞌoyee beshe gondoon tuniito ittoshine; ittoshi bulliyolla babbereꞌi ittoshi gonde gaboo waan wotteto ittoshine; taachonoo waayeyaano ittoshine.

Erimiyaasi 17:10

Asho bullich bi gommi gommoommona, bi shuuni shuunee aafoommona imoyich, Doono Yeeri ta, gaboon huushii, mulloonoo boshaabeeto taane” iye.

Erimiyaasi 17:9

“Ashi mullo, bulliyee beshe marecho, wottoo oogeti gondoone; ebin koni shalligoo hakkehe?

Luqaasi 15:17

“Batt ciiroochaa bi mullo yeshaa, ishichiye: ‘Ambiche ta nihoochi gichechinaꞌo maa michiꞌi boonoshi wochiibeeti maayo beetaa, amoyichiye ta hiniich kotaachaa shaacoona qitaa gittaꞌa ta beeto!

Luqaasi 6:11

Ebi mooyo Muusichi Sheeree dojjechinaꞌonaa Fariseenaꞌonon ippii shiniihe; boonoshinaa boonoshina “Hini uro toommooch amoon hallibona?” iꞌi echeeheete.

Mishiraachechinaꞌo 12:23

Taatoo Heroodisi “Oogoo Yeerine” iꞌi Yeerich oogoon imo bi qajjitoyich, bekkech Doonochi maraakoo kindiꞌi, biiyoona biin yexxiye; aroo hippereꞌi qitiye.

Mishiraachechinaꞌo 26:11

Meeti areddoon Ayihudeenaꞌo kiceebeeti kexo bulliich deebaa sheeraabee, Yesuusin boonoshi nookkemmoyich qiiccaa beehoye. Oogichaa kaaraꞌa Ayihudee showoyee maach tuneti katemeenaꞌooch beddaahaa hammaꞌa boonoshin duꞌii beehoye” iye.

Mishiraachechinaꞌo 26:24

Ishichiꞌi Phawuloosi bi qellichon bi taggee beetaa, iraashoo Fisxoosi oogeti qaaroona “Phawulooso, geyehine amoone! Meeti doyoo neen geyiitone” iye.

Titoosi 3:3

Ebiyee aaf no wotta mullaallo, deꞌa getaano, muriccaabeeto, baribare meechi qaatoonaa meenon emirikkoonoyich guunochoommon hajjeebeeto, gonde moochecho, ashi wodoon shixxaabeeto, ashoona shichaa beeto, noonnaa noonna mateebeeto noone.

2 Pheexiroosi 2:16

Tunebaani Balaami Yeerichi getoon bi shaaddetoyich, noonaalli miime kure ashi qaaroommi qaaroona yibbaataꞌa are keemechon kaaraa bi geyee shuunoochee wochiyane.