Dojjecho 9:11 - Kafa Linguistics Project

¹¹ Hini showee toommoochee bare mooyon beeggeho; ebiyoo, woco afaafinechinaꞌoyich, koyoo ginee anaaminaꞌoyich, kosho mullechinaꞌoyich, gaanno beelleenaꞌoyich, gaawe aafoona ciicheyoo ariyechinaꞌoyich, tunee bi qayoniye. Bulli mooyon daniibeeto deconaa ixoonane.

Dojjecho 9:11 ပူးပေါင်းရင်းမြစ်များ

2 Saameeli 17:14

Aroochee Abisoloominaa Israꞌeeleenaꞌo bullina, “Akixofeeli boyeti boyoyee, Arikee asho Hushayi boyeto gaawiye” iyeete. Doono Yeeri Abisoloomi toommooch gonde mooyon tuniiya iꞌi gaaweto tuneti Akixofeeli boyo waayeyaachemmon tuniihe.

2 Saameeli 17:23

Akixofeeli bi boyeti boyoon Abisoloomi tuniyaanoon qayon beeggiꞌi, bi kuree toommooch koroon haxxiꞌi tiyii, bi kexo beeti bi beeyi katemooch hammiye; mooyo bullin tachiichii, yoodee qitiye. Biyoo bi nihoochi maashooch duukkehe.

2 Kiinoo 20:15

Biyoo ishichiye: “Taatoo Yoshafaaxo, Yihudee showoonaa Yerusaaleminooch beetinaꞌote, bull waayebote. Doono Yeeri ittoshich ishichii beetone: ‘Hini dofee ginee naayinaꞌon shati keqqiyaahote. Koyo Yeeri taachoani ittoshicho toonoone.

Iyoobi 34:29

Asho tuneba aagetoo, Yeeri cikkii qayigaata, biin ittibatemmo konine? Bi qelloon bi aachigaata, biin beeggemmo konine?

Shoddo 76:5

Beelle ginee naayinaꞌo boonoshi kiciton bokkeheete; qitee tokketoon tokketeheete; ginee anaamo bulliichee, bi kishoon tiijjoo hakkito aalloone.

Shaahiyoo 1:5

Mullechi asheenaꞌo waayeree beshoon mullechinaꞌo boonoshi tunemmoyich, mooyon goommii deqqechinaꞌoo ariyoon aroochee boonoshi danemmoyich tuniiheete.

Dojjecho 2:12

Tawoo shalligoo, geyoonaa tuushoona amo gaata ariiya qaawiyo. Aafi taatoo tuniitoyee besh digeni taatoo amoon tuniyoon hakkehe?

Dojjecho 3:14

Yeeri tuniito bulli, bulli yemeenoon beeyecho bi tunoon ariiho; ebichi toommooch amoonolla daakkoo woyee amoonolla shappayoo hakkeyaache; Yeeri ebin bi tuniito asheenaꞌo biin boonoshi shattemmoyichiye.

Dojjecho 3:17

Tawoo ta mulloona “Mooyo bullinaa shuunoo bullinoyich taajjeeti aabo bi beetoyich, Yeeri cadiqo toommooch tuneba axaaxecho toommooch nallemmone” iyaꞌa gabiyo.

Dojjecho 4:1

Wottoo hini showee toommooch tuneebeeti xuꞌo bullin beeggeho; xukketi asheenaꞌo eeppii beeheete; tunebaani boonoshin goggiyemmo aalloone. Boonoshin xuqqii beetinaꞌo hakkechinaꞌo tunetoyich, boonoshin goggiyemmo aalloone.

Dojjecho 4:4

Wottoo aayonaa shuunee ariyoona asho bi giyoon qanaatoochee tiyitona bi tuniibeeto tunoon beeggeho; ebiyoo wotta duubo, yongoon yookkii dabboommone.

Dojjecho 7:13

Yeerichi shuunoon ciine! Bi xummiiton koni kaachoon hakkehe?

Dojjecho 9:2

Cadiqoonaa xuꞌechonoyich, deꞌoonaa gondoonoyich, xalloonaa eeꞌoonoyich, deejjoo giddii beetonaa giddiyaanoonoyich, asho bulli toommooch shaggemmi ixoo ikkoone. Deꞌe ashich axaaxechoyee beshe gaawe ixoo aalloone; wogoon shattii beetonaa wogo giyii beetona barbariitaa ciicheyaachemmone.

Dojjecho 9:3

Kashecho bullichi ciiro ikke shaahoo tuno, ebi hini showee toommooch tuneebeeti gonde mooyone. Asheenaꞌochi mullooch gondo ceennitone; boonoshi kashee yemeeno bulliich boonoshi mullooch geyo beetone; ciiroochaanoo qitemminaꞌone.

Erimiyaasi 46:6

Afaafinecho xuuphon hakkaachemmone; ginee anaamo muricaachemmone; dambi-waan, Efiraaxisi aachi gashooch tepheeꞌi dihiyeete.

Erimiyaasi 48:14

“Ittoshi aabichiꞌi, ‘Hakkecho noone; koyoochaanoo giidecho noone’ iyote?

Erimiyaasi 9:23

Doono Yeeri ishichiye: “Ariyecho bi ariyoona yebenaaye; hakkecho bi hakkoona yebenaaye; gaannecho bi gaannoona yebenaaye;

Daaneeli 4:35

Showooch beeti asheenaꞌo bulli bi aafoochaa am bedaaneenaꞌone; shimaayooch beeti maraakeenaꞌo toommooch, showooch beeti asheenaꞌo toommoochoo bi shunnimmon tuniihe. Biin bajjemmo, woyee “Ebi ne tuniibeeto, amoone?” gettemmo aalloone.

Zakaariyaasi 4:6

Aroochee taach ishichiye: “Zerubabeelich getteeti Doono Yeerichi qaaro ebine: ‘Zerubabeelo, ebin ne tuniyemmo ta Ayaanoonalli hakkoona woyee giidoona toonoone’ iye Beshe Mawe Doono Yeeri.

Milikiyaasi 3:18

Ebiyooba cadiqoonaa axaaxechonochi, Doono Yeeri taach maddeebeetonaa maddaanoonochi daggooch beeti barbarittinoon beeggemmo ittoshine” iye.

Efesooni 1:11

Wotta Yeeri bi daaggoona shiichiꞌi bullin tuniiya gabiꞌi bi maaccitoommon, bi gaboommona, biicho no tunemmoyich Kiristoosina noon kaacciye.

Yibbaatoo 8:17

Ebich ne mulloona ‘Ebi bulli gaannoon taach daniito, ta giidoonaa ta hakkoonane’ getiree ne gabaachemmoyich, ne qelloon ariibe!

Yibbaatoo 8:18

Gaannoon ne danemmoyich neech giidoon immiibeeti ne Nuggishoo Doono Yeerin batteyaahine. Ebin bi tuniibeeto, ne qaabbechinaꞌoyich bi wogeti wogoon ceechoyichiye; ebinoo hanaach beddaahaa tunii beetone.

1 Saameeli 17:50

Ebiyoommi gommona Daawiti xeppelloonaa xaqqoona baach are Filsixeemoon yexxii wuxiye. Daawiti kishooch goraado aalloone.

1 Saameeli 6:9

manjii ciinote. Bi showoo waan, ebiyoo Beet Shemeesh waan bi hamigaata, ebi naxoon no toommooch deebito, Israꞌeelee Nuggishoone getone. Tunebaani ebi tuno qayigaata, hini mooyo no toommooch bi shaggito baad cikkiinani, bi noon naxetaa tunee bi qayon ariyemmo noone” iyeete.