Dojjecho 9:10 - Kafa Linguistics Project

¹⁰ Ebi ne hamma iyaabeeti maash shuunoonaa gaboona, ariyoonaa shalligoona aallo bi tunetoyich, ne shuunoo bullin neech beeti hakkoona shuunebe!

Dojjecho 9:10 ပူးပေါင်းရင်းမြစ်များ

Halloo 37:35

Bulli bi anaami bushiishoonaa maache bushiishoona biin goggiiya bi waan waaheete. Tunebaani goggemmon mawiihe. “Muushenebee ta bushoo waan, maash hammemmo taane” iye. Bi bushoyichoo eeppiye.

1 Kiinoo 22:19

Andoo ittoshi Nuggishoo Doono Yeer waan wottoyich ittoshi mulloonaa ittoshi gaboonon ikkochibote; tiyiree Nuggishoo Doono Yeerichi yaafee kexon ittoshi hagaa, Doono Yeerichi wogee taabootoonaa yaafeeti yaafee kechi qiiceenaꞌona Doono Yeerichi shigoyich hakkemmi yaafee kexooch gibeete” iye.

1 Kiinoo 28:20

Aroochee Daawiti bi bushoo Solomoonich ishichiye: “Illa kupphebe; maaci kuxo tunebe; shuunoonoo wonnibe; ta Nuggishoo Doono Yeeri neenna tookkii bi tunetoyich shattaahine; keqqiyaahine. Biyoo ebi yaafee kechi shuunoo ciiremmi wottoon neen qayaachemmone; neen dufaachemmone.

Nehimi 2:12

xumoona tiyeho; giisheche asheenaꞌo taanna tookkii beetinaꞌone. Yerusaalemich ta tuniyemmoyich, Yeeri ta mullooch kotiiti mooyon konichona kashaano taane. Ta yebbeti kuroyee besh, bare gijjoo taanna tookkii aalloone.

Nehimi 4:2

Bi maneenaꞌonaa Shamaaree ginee naayinaꞌonochi aafoochaa, “Hini yiingaalli Ayihudeenaꞌo, amooniye boonoshi shuuneebeeto? Uxeroon wochi uxereyane boonoshi ii beeto? Deejjoon giddiyane boonoshi ii beeto? Ikke qemona shuune ciicheheete? Ebi dolleeti guudoo miccitoochee xaqqeenaꞌon kichiꞌi, shuunoyich gaaccemmon tuniyoon hakkeheete?” iye.

Nehimi 4:6

Uxeroonoo uxerehon. Asheenaꞌo mulloochee tiijjiꞌi boonoshi shuunetoyich, uxeree neexo qatooch beddiye.

Iyoobi 10:21

Wotteyaanooch ta hamoyee shiichiree, manderoo tuneti, qitoo yiibbiꞌi beeti showooch,

Iyoobi 10:22

manderoonaa dulloona beeti showooch, dunne manderoo tuneti, bekko aalli showooch, hamaan beechi, ne qayaa kashebona’ gettemmo taane” iye.

Iyoobi 21:13

Ebi asheenaꞌo, gaannoona boonoshi yemeenoon ciichiyeete; qaaqqaalloon qitiꞌi maash hammiyeete.

Shoddo 6:5

Maashaa neen gabemmo aalloone; oppoochaa neen galletemmo konine?

Shaahiyoo 3:28

Ne immemmo beetaa, ne giyoon “Hami wobe; yaach neech immemmo taane” gettaahine.

Dojjecho 11:3

Qubo aaqqii manderegaata, amiyo dihiye; mixo deshi-waan, woyee dambi-waan bi dihigaata, are bi dihitooch beehe.

Dojjecho 11:6

Maaddoona ne yaroon shoohe; womikkoo shoohaanoon kasheyaahine. Ebiyoo guttiyona gaawichi collemmo bi tunoon, woyee gutteexi ikkoo beshoon gaawemmo bi tunoon, ariyaano ne tunetoyichiye.

Isiyaasi 38:10

Ta yemeenee dagg tatoochaa aallaa beeton, eche ta yemeenooch maash hammaa beeton taach shaahiye.

Erimiyaasi 29:13

Taan qaawemmo ittoshine; ittoshi ceeni mulloona taan qaawiree danemmo ittoshine.

Haddoo 13:30

Kaaleebi, asheenaꞌo Muusi aafoochaa cikki ellemmoyich tuniiꞌi, “Ikke wottoona tiyi keyone. Showoon woraashoyich kochaa yeshon hakkemmo noone” iye.

Maatiyoosi 20:7

“Boonoshiyoo wochiꞌi, ‘Noon shuuniyemmon muccaꞌaaniye no neexaabeeto’ iyeete. “Biyoo ‘Ishigaata, ittoshiyoo wotta ta woyinee goyee xaaꞌooch hamiree shuunebote’ iye.

Maatiyoosi 6:33

Tunebaani shiichi Yeerichi taatittineen, bi cadiqoonoo qaawibote. Arooba ebi bullin bi ittoshich daakkemmone.

Yowannisi 4:34

Yesuusi wochiꞌi boonoshich ishichiye: “Taach maayo geto, taan wochetochi daaggoon ceechoonaa bi shuunoon ciichoonane.

Yowannisi 5:4

Ikkikkoochaa Doonochi maraakoo ebi kote aacooch kindiꞌi aacon shuurikkii beehe. Ebi aaco shuuritoyee gubb shiichiꞌi are aacooch giyimmo amee biiyoocheenolla wodii beehe.]

Yowannisi 9:4

Areddoo beetaa, taan wocheti Yeerichi shuunoon tuniyoo nooch qaawiihe; koniyoona shuunoon hakkaachemmi xumo woyemmone.

Roomi 12:11

Ittoshi shuuneebeeti shuunoona kupphebotani beeneyaahote; qeeci mulloona Doonoyich maddebote.

1 Qorontoosi 15:10

Tunebaani and ta tuneton tunooch taan bechito Yeerichi wojjoone; Yeeri taach bi immiti wojjoo duubo toonoone. Ebich bare mishiraachechinaꞌo bulliyee beshoon aajjaabee shuuneto taane; tunebaani aajjiꞌi shuuneto, taanna tookkii beeti Yeerichi wojjoani, ta toono taane.

1 Qorontoosi 16:10

Ximootiyoosi taachoommon Doono Yesuusichi shuunoon shuunee beetone; ebich ittoshi waan bi waagaata, ittoshina tookkii bi beemmi wottoon gaabbaalloon bi beeyemmoyich tuniibote;

1 Qorontoosi 9:24

Woccii beshoon gajjiteeꞌi wocee beetinaꞌo daggoochee wocona beshiree naadee wojjoon danemmo ikke uro baach tunoon ariyaachote? Ebiyoommon naadee wojjoon ittoshi danemmoyich kuppheree gaaweti wocon wocebote.

1 Qorontoosi 9:26

Ebich shalligaanoon woccii beetinaꞌochoommon ta wocaache; yongoona qiiccee beetinaꞌochoommon duuboon qiicceyaache.

Efesooni 5:16

Hini yemeeno gondo bi tunetoyich, shuunoyich kelloon ittoshi danemmi aabo bullin gaaweton shuunebote.

Qolaasiyaasi 3:23

Ittoshi tuniibeeti mooyo bullin, ashich tuneyaanoon Doonoyich ittoshi tunii beetoommon, mulloochee tiijjiree shuunebote.

1 Saameeli 10:7

Ebi malleteenaꞌo ceeniyooba, Yeeri neenna tookkii bi tunetoyich, ne tuniiya bede mooyo bullin tuniibe.