Dojjecho 8:3 - Kafa Linguistics Project

³ Taatoo aafoochee wohoyich afaafineyaahine; bi shunnito bullin tuniyoon hakkiibeeto bi tunetoyich, bi toommooch koceyaahine!

Dojjecho 8:3 ပူးပေါင်းရင်းမြစ်များ

Halloo 47:9

Yaaqobiyoo Faroonich wochiꞌi, “Showee toommooch iibbittinoona ta beshiiti nato, balli shaashe natone. Ebiyoo ta qaabbechinaꞌo iibbittinoona beebee echeti yemeenoona tookkii bi tacheegaata, taacho qaminone; wotta iritoo woddeti yemeenoone” iye.

Shaahiyoo 14:29

Haaꞌiyecho goommii deqqiibeeti ashoone; tunebaani kaarecho bi tuushoon bekkiihe.

Shaahiyoo 24:21

Ta bushoocho, Doono Yeerinaa taatoonon shate; boonoshi toommooch hukkee beetinaꞌona bacceyaahine.

Shaahiyoo 30:31

bekeekiibeeti baakkee wuro, emmishee baaddoonaa bi ginee naayinaꞌona tookkii hammiibeeti taatoonane.

Dojjecho 10:4

Ne ukkiroo neen kaarehooba, ne xaaꞌoon gawukkiyaahine! Cikkaa ne haaꞌiyoo oogeti bi ippoon aqqiihe.

Isiyaasi 48:4

Getaa giyaani, xuuroommi gajjechonaa gooshoommi barechona, ittoshi tunoon ariyaabeeto taane.

Daaneeli 4:35

Showooch beeti asheenaꞌo bulli bi aafoochaa am bedaaneenaꞌone; shimaayooch beeti maraakeenaꞌo toommooch, showooch beeti asheenaꞌo toommoochoo bi shunnimmon tuniihe. Biin bajjemmo, woyee “Ebi ne tuniibeeto, amoone?” gettemmo aalloone.

Daaneeli 5:19

Ebi shaahe oogoon biich bi immitoyich, ashi yaroo bulliichee, aagetoo bulliichee, asho yibbaateebeeti noonoo bulliicheenoo tuneti asheenaꞌo bulli biin shattiꞌi qewetinaꞌone. Wuxiya bi qaawiton wuxii, wodiiya bi qaawitonoo wodii beehe. Oogiiya bi qaawiton oogii, giishiiya bi qaawitonoo giishii beehe.