Dojjecho 8:14 - Kafa Linguistics Project

¹⁴ Hini showee toommooch tuneebeeti duube mooyo beete: Gonde asheenaꞌo toommooch tun bede mooyo cadiqeenaꞌo toommooch tunehe; deꞌe asheenaꞌoyich tun bede mooyoo gondeenaꞌoyich tunehe; ebiyoo wotta duuboone.

Dojjecho 8:14 ပူးပေါင်းရင်းမြစ်များ

Iyoobi 1:22

Ebi bulli tunetaanoona Iyoobi axaaxoon shuuneyaanoone; Doono Yeerinoo gondiyaanoone.

Iyoobi 21:7

Gonde asheenaꞌo eeno genje, gaanne miyiree, kashoona boonoshi beeyemmoyich, Yeeri tuniibeeto amoyichiye?

Iyoobi 27:12

Ittoshi bulli ebin beeggito ittoshine; ishigaata, amoyich ebiyoommi duube yibbaatoon yibbaatehote?

Shoddo 73:3

Ebiyoo gonde asheenaꞌoyich mooyo kaamoon beegona, ebi geecechi asheenaꞌon ta qanaatetoyichiye.

Dojjecho 10:5

Hini showee toommoochee gonde mooyon beeggeho; ebiyoo ukkireenaꞌo waanee kechiibeeti muricoone.

Dojjecho 2:14

Mullechi asho gommon ciinniꞌi shaꞌehe; tunebaani mullaallo manderoona shaꞌehe. Ebi tunetaa boonoshi gutti ciiro hajjaa shaahoo bi tunoon shalligiyo.

Dojjecho 4:4

Wottoo aayonaa shuunee ariyoona asho bi giyoon qanaatoochee tiyitona bi tuniibeeto tunoon beeggeho; ebiyoo wotta duubo, yongoon yookkii dabboommone.

Dojjecho 4:8

ebiyoo bushaalli, manaalli shiqqe uroochi mooyone; ebi uro aajjiichii wotteyaanoone; biich beeti gaannoona michiꞌi tooꞌaanoone; biyoo “Ta qelloon emirikkaanoon ta aajjaabeeto konichiye?” iꞌi gabiye. Ebiyoo duubo, xuuxee beemone.

Dojjecho 7:15

Hini duube ta kashee yemeenooch bulli mooyon beeggeto taane; cadiqe asho cadiqo bi tunetaanoona kaatee bi qitoon, gonde asho gondo bi tunetaanoona meeti yemeenoon bi beemon beeggeto taane.

Erimiyaasi 12:1

Doono Yeero, neenna ta taggeti aabo bullin, ne cadiqo neene; tunebaani ne dayinnetee mooyon eke echebona; axaaxechinaꞌochi gommo kaameebeeto amoyichiye? Dawushechinaꞌo bullich beemo gaaweebeeto amoyichiye?

Milikiyaasi 3:15

Illa and, geecechinaꞌo diireetinaꞌone; gonde shuunechinaꞌoyich mooyo kaamee beetone; Doono Yeerin phiree beetinaꞌo muriccii beetinaꞌone’ ito ittoshine” iye.