Dojjecho 8:1 - Kafa Linguistics Project

¹ Shalligechi ashoon shaahoo hakkemmo konine? Moochi biishoon ariyemmo konine? Shalligoo ashi aafoon biriihe; ippoon are ashi aafoochee bajjiye.

Dojjecho 8:1 ပူးပေါင်းရင်းမြစ်များ

Halloo 40:8

Boonoshiyoo “No qelli qellee gumon gummehone; tunebaani ebi gumon biishiree nooch gettemmi ashoon muccehone” iyeete. Yooseefiyoo “Gumon biichi ariyoon ashich immiibeeto Yeerine. Ebich ittoshi gummiti gumon taach getote” iye.

Iyoobi 33:23

“Tunebaani tate mooyon ashoyich bekkiyoyich, biich shoobbecho tunoyich, hume maraakeenaꞌoochee ikkoo danemmo gaata,

Keyo 34:35

bi baroo wacciibeeto bi tunoon beeggii beeheete. Aroochee Muusi Doono Yeerina tookki yibbaateya wottee bi hammimmi wottoon, bi baroon kaappii beehe.

Shaahiyoo 1:6

Ebin tuniyoona, aacheeti shaahiyee mooyon, mullechi asheenaꞌochi yibbaatoonaa turitoonon asho ariyemmoyich tuniiheete.

Shaahiyoo 12:8

Asho bi ariyoona galleteehe; tunebaani xumme gabechi asho hoxeehe.

Shaahiyoo 17:24

Mullechi asho bi aafoon shalligoo waan wochiye; tunebaani mullaalloochi aafo showee tuggooch beddaahaa qaawilliye.

Shaahiyoo 21:29

Gonde asho aafoon kupphehe; tunebaani kaame asho bi gommon manjii ciinniye.

Shaahiyoo 24:5

Mullechi asho giidechone; ariyechi asho kupphee kupphee hammiye.

Daaneeli 2:22

Yeeri maggoo tunetonaa aacheeti mooyonon gaxxii bekkiihe; Yeeri manderooch aacheeti mooyon ariihe; biyoo bekkoochiye bi beeto.

Daaneeli 2:47

Daaneelich taatoo “Ebi aacheeti mooyon gaxxii bekkiyoon ne hakkitoyich, ittoshi Nuggishoo iberoon nuggisheenaꞌo bulliyee beshe Nuggishoo, taateenaꞌochi Doono, aacheeti mooyonoo gaxxii bekkiyechone” iye.

Maatiyoosi 17:2

Aroochaa boonoshi aafooch shaddeehe; bi aafo aabeechoommon aaxxehe; bi taheti qoreddoo oogichii naccee wacwacciye.

Mishiraachechinaꞌo 4:13

Arooba kiceeti Ayihudee nallechinaꞌo Pheexiroosinaa Yowannisina aafoon kuppheꞌi boonoshi yibbaatoon beeggiꞌi, dojjechona tookkii boonoshi dicci qayonaa ogooge asheenaꞌo boonoshi tunee qayonon shalligiꞌi worganeheete; ebiyee aaf Yesuusina tookkii boonoshi beemon ariiheete.

Mishiraachechinaꞌo 4:29

Andoo Doonocho, boonoshi miichoon ciine; aafoon kuppheree ne qaaroon no gettemmoyich, ne guuno noon kupphiibe.

Mishiraachechinaꞌo 6:15

Areegaata nalloyich koteti Ayihudeenaꞌo bulli Isxifanoosin manjii boonoshi ciinnimmona, bi aafo maraakee aafoon shaahiye.

Roomi 13:5

Ebich naxoon ne shattetoyich baach tuneyaanoon, wotta ne mullo neen bi ittibateyaachemmoyich iraasheenaꞌoyich deꞌa gete.

Efesooni 6:19

Wotta mishiraachee qaaree maacee mooyon aafee kupphoona getoyich ta noonoon ta qechaa qaaroon taach Yeeri immemmoyich qollebote.

Yibbaatoo 28:50

Boonoshiyoo geenoon oogiyaani, bushoyichoo ariqqeyaani maacmanje asheenaꞌone.

2 Ximootiyoosi 4:17

Tunebaani mishiraachee qaaroon bechee shuunoo taanna bi ceennemmonaa Aageteenaꞌo bulli waayemmonoyich, Doono Yesuusi ta gaꞌooch neexeꞌi taan kupphiihe; daaheree gammoocheenoo taan wodiihe.

2 Pheexiroosi 1:20

Bulliyee shiichiree ebin shalligibote: Asheenaꞌo Yaafe Ayaanoona yaabeeꞌi Yeeri boonoshich immiti wochoon gettiyeetalli, keemo ciroona ashi daaggoona waataanoone. Ebich asho koniyoona Yaafe Macaafooch kooreeti keemoon bi hajjee gaboona tachiꞌi biishoon hakkaache.