Dojjecho 7:9 - Kafa Linguistics Project

⁹ Kaaroochi kote xaaꞌoo, mullaalleenaꞌochi mullo bi tunetoyich, kaaroyich afaafineyaahine!

Dojjecho 7:9 ပူးပေါင်းရင်းမြစ်များ

Halloo 4:8

Aroyee gubb, ikke areddoon Qayeeli bi manoo Abeelin “Ne waataa gadd hambone” iye. Hammiꞌi arooch boonoshi beetaa, Qayeeli bi manoo Abeeli toommooch tiyiꞌi wuxiye.

2 Saameeli 13:22

Abisoloomi Aminoonich gondoon tuneba deꞌoon, amoonolla qaareyaanoone. Ebiyoo bi maneen giidoona bi yechitoyich, Aminoonin bi shixxitoyichiye.

2 Saameeli 13:28

Biyoo bi aafee bushiisheenaꞌoyich ishichiye: “Aminooni woyinee uyoon uchii michiꞌi, bi ashittino qeecon manjii ciinote; tawoo ‘Aminoonin wuxibote’ ta getigaata, wuxibote. Ebin ittoshi tuniyemmoyich getteto ta tunetoyich, shattaahote; maac kuxo tunebote; kupphebote” iye.

2 Saameeli 13:32

Tunebaani Daawiti manoo Shimeꞌichi bushoo Yonadaabi ishichiye: “Ta doonocho, ne bushiisheenaꞌo bullin wuxitinaꞌone getiree gabiyaahine. Aminooni baachiye qitito. Ebiyoo Aminooni bi manee Tamaarin giidoona bi yechiti aaboochee tiijjiꞌi, Abisoloomi gabii kuxxiti mooyo bi tunetoyichiye.

2 Saameeli 19:43

Israꞌeeleenaꞌo wochiꞌi ishichiyeete: “Taatoo waanee, ittoshichoyee besho tuneti, aashire kishee qoodoo nooch beetone. Ishigaata, noon ittoshi qallayito amoyichiye? Taatoon wochiꞌi deebichi mooyon shiichaꞌa tiijjito, no toono noone?” iyeete. Tunebaani Yihudee asheenaꞌochi yibbaatoo Israꞌeeleenaꞌochoyee beshe kuppho tunehe.

Shaahiyoo 14:17

Kaatee kaareebeeti asho, tuushe ashi shuunoon shuunehe; tunebaani ariyecho haaꞌiihe.

Shaahiyoo 14:29

Haaꞌiyecho goommii deqqiibeeti ashoone; tunebaani kaarecho bi tuushoon bekkiihe.

Shaahiyoo 16:32

Ginee anaamoyee haaꞌiyechi asho gaawiye; katemoon kochii yechitoyee bi qelloon hajjito beshiye.

Shaahiyoo 25:8

afaafineree miixeya addibaabooch hammaahine. Ne miixetoyee gubb ne giyoo, neen kootiiꞌi bi miixegaata yeellemmo neene.

Dojjecho 7:10

“Hini yemeenoyee besheti yemeeno aabichii gaawehe!” gettaahine. Ebiyoommi echo tuushe asho ne tunoon bekkiyemmone.

Yoonaasi 4:3

Andoo Doono Yeero, beemoyee qitoo taach gaaweto bi tunetoyich, ta kasheen ne daammemmoyich neen qollehoye” iye.

Yoonaasi 4:8

Aabe kechemmona, Yeeri aabi-keyo waanee gaame yongoon deejjiye. Aabeyoo Yoonaasichi shimboon michaa kashooch qeechehe. Ebich qitiya qaatiꞌi, “Beemoyee qitoo taach gaawiye” iye.

Yoonaasi 4:9

Tunebaani Yeeri Yoonaasich, “Ebi botoyich kaar beddenne?” iye. Biyoo “Iberoon qitooch beddaahaa kaar beddoye” iye.

Maariqoosi 6:19

Heroodiyaadiyoo Yowannisich qummaꞌa bi wuxeyemmi gommon qaawaa beehan; tunetaa hakkaaneene.

Maariqoosi 6:24

Ebich bushee kexoochee kechaꞌa hammaa bi indeech “Taatoon amoon qollebote?” iyaꞌa echahan. Indeyoo “ ‘Aacona Afaallechi Yowannisi qelloon taach imbe’ getiree qollebe” iyan.

Yaaqobi 1:19

Ta shunnaabeeti ta maneenaꞌote! Ebin shalligibote. Asho bulli waayoyich afaafinecho, yibbaatoyich nibbecho, kaaroyichoo nibbecho tunebe.