Dojjecho 7:2 - Kafa Linguistics Project

² Eeppi kexooch hamo, gifiree kexooch hamoyee gaawiye; ebiyoo qitoo heeyaani mooyo bi tunoon, kashecho bullich bi shalligichii beetoyichiye.

Dojjecho 7:2 ပူးပေါင်းရင်းမြစ်များ

Shoddo 90:12

Shalligechi mullechon no tunemmoyich, no eenon aabichi no haddemmo gaata nooch dojjibe.

Dojjecho 2:14

Mullechi asho gommon ciinniꞌi shaꞌehe; tunebaani mullaallo manderoona shaꞌehe. Ebi tunetaa boonoshi gutti ciiro hajjaa shaahoo bi tunoon shalligiyo.

Dojjecho 2:16

Mullechi asho tuneba mullaalli asho bulli aaboon shalligee betaachemmone; waabeeti yemeenooch bulliyona batteyemmone. Wuche, wuche! Mullechoo mullaallo qitoommon bi qitemmo aabichireeshiye!

Dojjecho 3:19

Ashi bushiisheenaꞌochi ciiroonaa cooxochi woyee gijjoochi ciiroona ikkoone. Ikkoo qitoommon baroo qitiye. Gutteenaꞌochi kashee hiinnolla shaahoone. Bulliyona duubo bi tunetoyich, asho cooxoyee bi beshiti mooyo aalloone.

Dojjecho 3:20

Bulliyona ikke xaaꞌooch hammemmone. Bulliyona halleeto showoochee bi tunetoyich, showooch wottemmone.

Dojjecho 6:6

Asho gutte hume naton kashoona beeꞌi, beemona emiraano bi tunegaata, bulliyona boonoshi hammemmo ikke xaaꞌooch toone?

Dojjecho 9:2

Cadiqoonaa xuꞌechonoyich, deꞌoonaa gondoonoyich, xalloonaa eeꞌoonoyich, deejjoo giddii beetonaa giddiyaanoonoyich, asho bulli toommooch shaggemmi ixoo ikkoone. Deꞌe ashich axaaxechoyee beshe gaawe ixoo aalloone; wogoon shattii beetonaa wogo giyii beetona barbariitaa ciicheyaachemmone.

Dojjecho 9:3

Kashecho bullichi ciiro ikke shaahoo tuno, ebi hini showee toommooch tuneebeeti gonde mooyone. Asheenaꞌochi mullooch gondo ceennitone; boonoshi kashee yemeeno bulliich boonoshi mullooch geyo beetone; ciiroochaanoo qitemminaꞌone.

Dojjecho 9:5

Kashoona beetinaꞌo qitemminaꞌo boonoshi tunoon ebi ikke mooyon arii beetinaꞌone; tunebaani qititinaꞌo amoonolla ariyaaneenaꞌone; illa bare gaaco boonoshich aalloone. Ebiyee gubboo boonoshin shalligemmo koniyoona aalloone.

Isiyaasi 47:7

‘Bulli yemeenoon taatee tuneree beeyemmi taane’ itine; ebi mooyon ne mullooch kotiyaane neene; bi ciiroonoo shalligaane neene.

Erimiyaasi 16:8

“Gifiree kexooch giyiree mamonaa uyonoyich boonoshina tookki koteyaahine.

Haagi 1:5

“And illa Beshe Mawe Doono Yeeri ta gettaa beeton waayebote: Eke ittoshi toommooch shaggiti mooyon shalligibote.

Haddoo 23:10

Mattiqutte Yaaqobichi shiijjeroon hakki haddemmo, kone? Israꞌeelichi shiijjeree heecoon hakki haddemmo, kone? Tawoo cadiqo qitoommon qitibone; ta ciiroo wotta bi ciiroon shaahibe” iye.

Maatiyoosi 5:4

Tuummii beetinaꞌo diireetinaꞌone; Yeeri boonoshin goggiyemmone.

Yibbaatoo 32:29

Shalligechinaꞌo gaata, ebin shalligeshinaꞌone; boonoshi ciiro amo bi tunemmo gaata gabeshinaꞌone.

Yibbaatoo 32:46

boonoshich ishichiye: “Ittoshi toommooch miixoo bi tunemmoyich hanaach ittoshich ta gettaabeeti qaaro bullin manjiiree ittoshi mullooch yeshote. Hini sheeree qaaro bullin ittoshi bushiisheenaꞌo gibeneetinaꞌo tuneree boonoshi quyemmoyich, boonoshich dojjibote.

Filipphisiyoosi 3:19

Boonoshi ciiro aallooch hamone; boonoshi meechi qaatoo boonoshich nuggishoone; yeelliibeeti mooyo boonoshich oogoone; boonoshi gaboo showee toommeexi mooyoyich baachiye.

Hibireena'o 9:27

Ikke wottoon qitemmo bi tuno asho bullich echeyaani mooyone; aroyee gubb Yeeri boonoshi toommooch nallemmone.