Dojjecho 7:13 - Kafa Linguistics Project

¹³ Yeerichi shuunoon ciine! Bi xummiiton koni kaachoon hakkehe?

Dojjecho 7:13 ပူးပေါင်းရင်းမြစ်များ

Iyoobi 11:10

“Yeeri waa neen cuchiꞌi, nallee gabberooch bi giddiigaata, biin bajjemmo konine?

Iyoobi 12:14

Yeeri happiton koniyoona hagon hakkaache; bi cuchii hicciton koniyoona qechii kichoon hakkaache.

Iyoobi 34:29

Asho tuneba aagetoo, Yeeri cikkii qayigaata, biin ittibatemmo konine? Bi qelloon bi aachigaata, biin beeggemmo konine?

Iyoobi 37:14

“Iyoobo, andoo ebin ellebe; eke cikkiree, worganikkiti Yeerichi shuunoon gabibe.

Iyoobi 9:12

Bi qaawiton bogi bi daamaa, bayon hakkemmo konine? ‘Ebi amooniye ne tuniyaabeeto?’ gettemmo konine?

Shoddo 107:43

Ariyecho tuneto bulli ebi mooyon gabibe; Doono Yeerichi shoodoon shalligibe.

Shoddo 8:3

Ne halliti, shimaayoon ta beeggemmona, boonoshi xaaꞌi xaaꞌooch ne kotiiti ageneenaa xojjeneenaꞌonon ta beeggemmona,

Dojjecho 1:15

Wuuqqeeto kaamoon hakkaache; aalli mooyoo haddeyoon hakkaache.

Dojjecho 3:11

Bulli mooyon bi gooroona malletechon tuniiꞌi shuunehe. Bulli yemeenee mooyon gaboon ashi mullooch kotiihe; tunebaani Yeeri shiichoochee ciirooch beddaahaa bi tuniiton asheenaꞌo ciichii ariyoon hakkaacheete.

Dojjecho 8:17

Aroochee Yeerichi shuunoon beeggeho. Hini showee toommooch tuneebeeti mooyon asho koniyoona ariyoon hakkaache; qaawii danoyich bi qiiccetaanona danoon hakkaache. Shalligechi asho “Ebin ariito taane” bi itaanona ciichii ariyoon hakkaache.

Isiyaasi 14:27

Beshe Mawe Doono Yeeri ishichii gabitone; konine bajjemmo? Bi mochoonoo tiijjitone; konine wochemmo?

Isiyaasi 43:13

“Wonna beddaahaa, ta Nuggishoo taane; koniyoona ta kishoochee wodiyoon hakkaache; shuunemmo taane; bajjemmo konine?” iye.

Isiyaasi 5:12

Boonoshi gifiree xaaꞌooch ooge ximboonaa giishi ximboona, kamboonaa shumburoona, woyinee uyoo beetone; tunebaani Doono Yeeri tuniiton, bi shuuneti shuunoonoo gabaaneenaꞌone.

Daaneeli 4:35

Showooch beeti asheenaꞌo bulli bi aafoochaa am bedaaneenaꞌone; shimaayooch beeti maraakeenaꞌo toommooch, showooch beeti asheenaꞌo toommoochoo bi shunnimmon tuniihe. Biin bajjemmo, woyee “Ebi ne tuniibeeto, amoone?” gettemmo aalloone.

Luqaasi 12:26

Illa ebiyoommi giisheche mooyonona tuniyoon hakkaachemmo ittoshi tunetoye, amoyichiye bare mooyoyich ittoshi xuuxeebeeto?

Roomi 9:15

Yeeri Muusich “Ikke uroon maariya ta qaawigaata, maaremmo taane; ikke uroyichoo ariqqeya ta qaawigaata, ariqqemmo taane” bi itoommoniye.

Roomi 9:19

Illa Yeeri eechiibeeto tuneechii, “And beddaahaa amoyich ashoon gondiihe? Yeerichi daaggoon ‘Tato toonoone’ geton hakkemmo, konine?” getiree diqqich echemmo neene.

Efesooni 1:11

Wotta Yeeri bi daaggoona shiichiꞌi bullin tuniiya gabiꞌi bi maaccitoommon, bi gaboommona, biicho no tunemmoyich Kiristoosina noon kaacciye.