1 Gaawe shigo gaawe shittoyee beshiye; qitee aabo shiijjee aaboyee gaawiye.
Ebi aroochaa, gondeenaꞌo boonoshi gonde shuunoon qajjemminaꞌone; ebi aroochaa, hakka guuteenaꞌo kashemminaꞌone.
Shimboochee ishaanooch beddaahaa toolliibeeti, Harooni ishaanoochee bi tahee qettee xappooch toolliibeeti, cinnechi zayitoommone.
Bire aafo mulloon emirikkiye; mishiraachoo shaawushoon kupphiihe.
Gaawe shigo meeti gaannoyee gaawiye; gaawe aafoona ciicheyoo aachoonaa birewoonoyee beshiye.
Ebin ne tuniigaata, ebin waayemmo neen gondiyemmone; ne shigoo shaaꞌi beeyemmone.
Shittoonaa ixaanoona mulloon emirikkoommon, shunechi ashi ciico kashoon emirikkiye.
Qititi yaamminaꞌo cinnechi shittoon boonoshi shaaꞌiyoommon, giisheche tuushoo ooge shalligoon giishiihe.
Tawoo “And kashoona beetinaꞌoyee qitii beshetinaꞌoyich gaawiye” iyo.
Moochi wonnoyee moochi taco gaawiye; geececho tunoyee haaꞌiyecho tuno gaawiye.
Ne huutaabeeti shitto cinnechone; ne shigo ufeebeeti shittoommone; ebich gidiideenaꞌo neen shunniyeete.
Ta manee ta woꞌeene, ne shunoo am shaahoon emirikkiye! Ne shunoo woyinoyee am shaahoon beshiye! Ne shittee cinno shitto bulliyee am shaahoon beshiye!
ta kexonaa ta uxeree daggoonoochee anaami bushiishoonaa maache bushiishoonoyee beshe shalligeyoonaa shigoonon boonoshich immemmo taane; bulli aabooch batteyaani shigoon boonoshich immemmo taane” iye.
Andoo Doono Yeero, beemoyee qitoo taach gaaweto bi tunetoyich, ta kasheen ne daammemmoyich neen qollehoye” iye.
Tunebaani ittoshi shigo shimaayeexi macaafooch bi kooreetoyich emiribotalli, yinneenaꞌo ittoshich boonoshi yittiꞌi hajjee beetoyich emiriyaahote” iye.
Yesuusinaa bi dabbeenaꞌona gifiroon maa beeheete; daabiloosiyoo shiichiꞌi Asqorootechi Simoonichi bushoo Yihudi Yesuusin beshiiree bi immemmoyich gonde shalligoon bi mullooch giijjitone.
Bashoommi hini showeexi no kexo, ebiyoo no meeno, bi happee gaata, ashi kishoona shuuneyaani, bulli yemeenee kexo, ebiyoo Yeeri haggiti kexo, shimaayooch nooch beemon ariibeeto noone.
Gibenaꞌa, hini beeyi kexo tuneti no meenoochee bariꞌi Doono Yesuus Kiristoosina tookkii beemon shunnaabeeto noone.
Wonnee yemeenooch beeti asheenaꞌo naadoon boonoshi daneto ebinane.
Eboshi bulli Yeeri toommooch mulloon boonoshi tooꞌiyee naboona Yeer waanee naadoon danetinaꞌone; tunebaani Yeeri gibenikkiti mooyon daneyaaneenaꞌone.
Aroochee “Ebiyee damba Doonona tuneꞌi qitii beetinaꞌo diireetinaꞌone, getiree kooribe” immi qaaroon shimaayoochee waayeho. Yeerichi Ayaano wochiꞌi, “Iberoone; boonoshi shuuneti shuunoo gibeneetinaꞌo boonoshi tunoon miixee bi beetoyich, boonoshi maraatoochee kashemminaꞌone” iye.
Ruutiyoo harimmi wottoon, Boꞌaazi baata tokketehan. Boꞌaaziyoo maache ure ebi sheqoo bucheebeeti xaaꞌooch waati bi tunoon asho koniyoona ariyemmoyich qaawaanoone. Ebich Ruuti haree gaargaarooch hamma tiyahan.