Dojjecho 6:3 - Kafa Linguistics Project

³ Asho balle bushiishoon bi shiyitaa, bi eeno genjetaa, meeti yemeenoon kashoona bi beetaa, bi hajjitona emiraano bi tunegaata, gaawichii duukkeyaano bi tunegaata, ta gaboochaa, biyee bi indee maacaa qicceꞌi shiijjetoyich gaawiye.

Dojjecho 6:3 ပူးပေါင်းရင်းမြစ်များ

Halloo 33:5

Aroochee Esayi kaameꞌi genneenaꞌonaa bushiisheenaꞌonon ciinniye. Biyoo “Ebi neenna tookkii beetinaꞌo koni konine?” iye. Yaaqobiyoo “Yeeri bi deꞌittinoona ne guuno taach immiti ta bushiishoone” iye.

Halloo 47:9

Yaaqobiyoo Faroonich wochiꞌi, “Showee toommooch iibbittinoona ta beshiiti nato, balli shaashe natone. Ebiyoo ta qaabbechinaꞌo iibbittinoona beebee echeti yemeenoona tookkii bi tacheegaata, taacho qaminone; wotta iritoo woddeti yemeenoone” iye.

2 Taateenaꞌo 10:1

Akaabich Shamaara shabe bushiisheenaꞌo beetinaꞌone. Ebich Yehi Yezireeli katemee ukkireenaꞌoyich, geeneenaꞌonaa Akaabi bushiisheenaꞌon dichechinaꞌonoyich Shamaara koorichoon kooriꞌi daachiihe. Bi daachiiti koorichoo ishichii beetone:

2 Taateenaꞌo 9:35

Tunebaani duukka boonoshi hammaahaa, bi qelli koofoo, bi baatoonaa bi kishoonoyee besh, amoonolla daneyaaneenaꞌone.

1 Kiinoo 28:5

Doono Yeeri meeti bushiishoon taach immitone; ta bushiishoo bulliichee Israꞌeelee showooch taateree Doono Yeerichi taatittinee showoon bi qeejjemmoyich Solomoonin kaaccitone.

2 Kiinoo 11:21

Roboꞌami bi mecheenaꞌonaa bi naamacheenaꞌona bulliyee beshoon Abisoloomi bushee Maꞌakin shunniye. Biichoo aaraa shimitte mecheenaꞌonaa shiche naamacheenaꞌona beetinaꞌone. Hiyaa shimitte anaami bushiisheenaꞌonaa shiche maache bushiisheenaꞌononoo shiyitone.

Asteeri 5:11

oogeti gaanno biich beemon, bi anaami bushiishee meeton, ebiyoommon wotta taatoo biin bi oogiyoon, iraasheenaꞌo bulliyee beshiti oogee xaaꞌoon biich bi imonoo naadeebee gettiye.

Asteeri 7:10

Ebich Mordokiyoosich bi qanniiti giimbooch Hamaanin yooddiyeete. Aroochee taatoochi ippo aqqehe.

Iyoobi 3:11

“Wondoo ta shiijjehooba, qicceshoo getona! Ta indee maacoochee ta kechehooba, qitishoo getona!

Iyoobi 3:16

Qitii shiijjeꞌi duukketi bushoon, areddee aaboon beegaani gaggereenaꞌon, tuneshoo getona!

Shoddo 58:8

Hammiibee muujjiibeeti gengexxoon shaahibeete; bi indee maacaa qicceꞌi shiijjeti, aaboon beeggii ariyaani bushoon shaahibeete.

Shaahiyoo 17:6

Geeneenaꞌoyich, bushaa bushiisheenaꞌo gubbichoomminaꞌone; bushiisheenaꞌoyichoo boonoshi niheenaꞌo oogee yiireenaꞌone.

Dojjecho 4:3

Tunebaani ebi gutteenaꞌoyee batt shiijjeyaanoyich, hini showee toommooch tuneebeeti gonde mooyonoo beegaanoyich gaawiye.

Dojjecho 6:4

Ebiyoo ebi bushoo nooch giyaani gommona shiijjeꞌi manderooch wottee bi hammitoyichiye; bi shigoo manderooch batteehe.

Erimiyaasi 22:19

Yerusaalemi katemee uxeree kelloyee maach kichaa duppeyemmone; kuro duukkoommon duukkemmone” iye.

Erimiyaasi 36:30

Ebich Yihudee taatoo Yoyaqiimichon Doono Yeeri ta ishichiyoye: Daawitichi taatee qeenooch kotemmo biich beetaachemmone; bi dubeno maach dupperee areddee gaamoonaa xumee doshoonoyich tunemmone.

Erimiyaasi 8:2

Boonoshi shunnii maddeti, boonoshi qaawii dabbiti, goyinneenoo iti aabeenaa ageneenochi, wotta shimaajji xojjeneenaꞌo aafooch boonoshin yachemminaꞌone; boonoshi shaawusho ikkooch kicaa duukkeyaachemmone; showee toommooch guudoochoommon qixeyemminaꞌone.

Maatiyoosi 26:24

Ashi Bushoo biicho bi kooreetoommon, qitemmone; tunebaani Ashi Bushoon beshiiree immemmi are uroyich woowo! Are uro shiijjeyaanoon bi dooggito gaata, biich gaawiye” iye.