Dojjecho 6:2 - Kafa Linguistics Project

² Yeeri ashich gaannoon, gijjoonaa oogoonon immiye; biich qaawii beetoochee shappiti mooyo aalloone. Tunebaani ebi aroon bi maayemmoyich Yeeri hakkoon biich imaanoone; aroon maayemmo baroone; ebiyoo duuboonaa ayinikkiti mooyonane.

Dojjecho 6:2 ပူးပေါင်းရင်းမြစ်များ

1 Taateenaꞌo 3:13

Wotta ne echeyaani gaannoonaa oogoonon neech immemmo taane. Ebich kashoona ne beemmi yemeeno bulliich neenna tatemmi taatoo beetaachemmone.

1 Kiinoo 29:25

Doono Yeeriyoo Solomoonin Israꞌeeleenaꞌo bulli aafoochaa oogichiꞌi oogiihe. Biyee aaf taateti Israꞌeelee taateenaꞌoyich bi imaani oogee yiiroon biich immiye.

1 Kiinoo 29:28

Gaannoonaa oogoonon daneꞌi, geenee baayeꞌi qitiye. Bi bushoo Solomooniyoo bi xaaꞌooch kereeꞌi taatehe.

2 Kiinoo 1:11

Yeeriyoo biich ishichiye: “Ne mullee qaatoo ebi bi tunetoyich, gaannoon, gijjoon, oogoon, ne etteenaꞌochi kashoon woyee ne eeno genjoon qolleyaanoon, boonoshi toommooch neen ta taatiiti, ta asheenaꞌon nallii qeejjoyich shalligoonaa ariyoonon ne qolletoyich,

Shoddo 17:14

Doono Yeero, asheenaꞌo waanee, boonoshi ixee qoodoo showee toommeexi kasho baach tuneti asheenaꞌo kishoochee, ne kishoona taan wodiibe. Ne shunnaa beetinaꞌo michemmoyich tuniibe; boonoshi bushiisheenaꞌoyich, boonoshi bushaa bushiisheenaꞌoyichoo wodde maayo beeyemmoyich tuniibe.

Shoddo 39:6

asho yiirittoommone; bi aajjiibeeto duubooniye; konich bi tunemmo gaata, ariyaanoon gaannoon kiciye.

Shoddo 73:7

Boonoshi aafo aangiꞌi maach curixehe; gonde mooyo boonoshi mullooch ceennii aphirehe.

Dojjecho 4:4

Wottoo aayonaa shuunee ariyoona asho bi giyoon qanaatoochee tiyitona bi tuniibeeto tunoon beeggeho; ebiyoo wotta duubo, yongoon yookkii dabboommone.

Dojjecho 4:8

ebiyoo bushaalli, manaalli shiqqe uroochi mooyone; ebi uro aajjiichii wotteyaanoone; biich beeti gaannoona michiꞌi tooꞌaanoone; biyoo “Ta qelloon emirikkaanoon ta aajjaabeeto konichiye?” iꞌi gabiye. Ebiyoo duubo, xuuxee beemone.

Dojjecho 5:13

Hini showee toommoochee ayinikkiti gonde mooyon beeggeho; asheenaꞌo duꞌiyoobich gijjoon kotiiheete;

Dojjecho 5:16

Ebi wotta ayinikkiti gonde mooyone; asho shokkaachoon shiijjeꞌi shokkaachoon wottee hammiye; bi aajjiibeeto yongoyich bi tunegaata, bi gaaco amoone?

Dojjecho 5:18

Ta beeggeti beshe gaawe mooyo bi beegaata, asho hini showee toommoochaa Yeeri biich immiti qamini bi kashee yemeeno bulliich mamo, uyonaa bi aajjitona emiroonane; bi qoodoo ebine.

Dojjecho 5:19

Yeeri ashich gaannoonaa gijjoonon bi immiibeeto, bi maayemmonaa bi qoodoon bi danemmonoyich, bi aajjiti aayonoo bi emiremmoyichiye; ebiyoo Yeerichi wojjoone.

Isiyaasi 55:2

Maayo tuneyaani mooyoyich ittoshi gijjoon ittoshi shacciibeeto amoyichiye? Michiyaani mooyoyich ittoshi giidoon ittoshi ciichiibeeto amoyichiye? Ta waanee waayebote, waayebote! Gaawe mooyon mamote; awuyon mamona emiribote.

Shoosho 5:2

No iristo bare showee asheenaꞌoyich, no kexo dallaaweenaꞌoyich tunehe.

Daaneeli 5:18

“Taatoocho, Beshe Nuggishoo Yeeri ne nihoo Nabukadinatsorin taatiiꞌi, oogoon, giidoonaa oogee yiiroonon biich immitone.

Hosee'i 7:9

Dallaaweenaꞌo bi giidoon maaheete. Biyoo ebin ariyaanoone; bi qelloo bukkehe; tunebaani bi ebin shalligaanoone.

Yibbaatoo 28:33

Ne aajjaa yulletaa ne showooch shaggiti maayoon ne ariyaani bare showee asho maayemmone. Neech danemmo bulli aaboon xuuxoonaa xukkoona baach tunemmone.

Yibbaatoo 28:43

“Ne showooch koteti shiqqoo beshi beshi hammemmone; tunebaani ne giishe gittemmo neene.

Woraaferasheenaꞌo 18:10

Arooch shagiree diqqeꞌi beeti asheenaꞌon danemmo ittoshine; showoo gaminoone. Ashich qaawiibeeti mooyo amolla shappaani showoon Doono Yeeri ittoshi kishooch beshiiꞌi immitone” iyeete.