Dojjecho 6:12 - Kafa Linguistics Project

¹² Kashoona bi beeti giisheche yemeenooch, yiirittoochoommon beshemmi duube bi yemeenooch, ashich gaaccemmi mooyon ariibeeto kone? Woyee hini showoon gawukkii bi hammitoyee gubb, hini showee toommooch tunemmi mooyon ashich geton hakkemmo konine?

Dojjecho 6:12 ပူးပေါင်းရင်းမြစ်များ

1 Kiinoo 29:15

Nowoo, wonnee no qaabbechinaꞌochoommon ne aafooch shiqqoonaa iibboona noone. No yemeeno showee toommooch gibeneyaani yiirittoommone.

Iyoobi 14:2

Mocee bungoochoommon kechiꞌi bekkech shuuqqiye; yiirittoochoommon yagaanoon beshee aallehe.

Iyoobi 14:21

Bi bushiisheenaꞌo oogoon danoon ariyaache; boonoshi giishoonoo beegaache.

Iyoobi 8:9

Ebiyoo no yemeeno qaminnitoyich, amoonolla ariyaano no tunetoyichiye; wotta hini showee toommeexi no beemo yiirittoommo bi tunetoyichiye.

Shoddo 102:11

Ta yemeeno womikkee yiirittoommone; tawoo mocoochoommon shoolliyoye.

Shoddo 109:23

Womikkee yiirittoochoommon, dooggeto taane; gechoochoommon oojjeto taane.

Shoddo 144:4

Asho hiinnoommone; bi yemeeno besheebeeti yiirittoommone.

Shoddo 16:5

Doono Yeero, ta qoodee iristo, ta xoofoo neene; ta ixoo ne kishoochiye.

Shoddo 17:15

Tunebaani ta, cadiqittinoona ne aafoon beeggemmo taane; tiyi qaalliree, ne oogee yiiroon beegi michemmo taane.

Shoddo 4:6

“Gaawe mooyon koni nooch bekkiiba!” ii beetinaꞌo meetinaꞌone; Doono Yeero, ne aafee biroo no toommooch birebe.

Shoddo 47:4

Bi shunniibeeti Yaaqobi yebeneebeeti, no iristoon nooch kaacciye.

Shoddo 89:47

Doono Yeero, ta eeno am shaahoon qamino gaata gabibe! Ashi bushiishoo bullin ne hallito duubooniye?

Dojjecho 10:14

Mullaalli asho yibbaatoon genjiihe; tunebaani gubb tunemmi mooyon ariibeeti asho koniyoona aalloone; bi qititoyee gubb tunemmon gettemmo koniyoona aalloone.

Dojjecho 12:13

Ebiyoche bulli mooyon waayeto neene; bulli moochi taco ebine: Yeerin shate; bi geteenaꞌonoo ceechibe; asho koniyoona tuniiya bede mooyo ebine.

Dojjecho 2:24

Ashich mamonaa uyonoyee, bi shuuneti shuunoona emiroonoyee besh, gaawe mooyo aalloone. Ebiyoo Yeer waanee bi ichoon beeggeho.

Dojjecho 2:3

Asheenaꞌo qamini boonoshi kashee yemeenooch boonoshi tuniyemmi gaawe mooyo amo gaata ta beeggemmi wottoon, ta shalligoona yaabeyaꞌa, ta ashittinoon woyinee uyoona emirikkoyich, yeexerittinoonoo yeshoyich ta mulloona qiicceho.

Dojjecho 3:22

Illa ebich, asho tuniiya bede beshe mooyo, bi shuuneebeeti shuunoona emiroo bi tunoon beeggeho; bi qoodoo ebi aroone. Bi qititoyee gubb, tunemmi mooyon ariyoon hakkemmo koniyoona aalloone.

Dojjecho 6:11

Yibbaatee woddooch wodde duube mooyo beetone; ishigaata, ebi ashich amoon gaaccehe?

Dojjecho 7:15

Hini duube ta kashee yemeenooch bulli mooyon beeggeto taane; cadiqe asho cadiqo bi tunetaanoona kaatee bi qitoon, gonde asho gondo bi tunetaanoona meeti yemeenoon bi beemon beeggeto taane.

Dojjecho 8:13

Tunebaani gondeenaꞌo Yeerin shato boonoshi qajjitoyich, boonoshich gaaweyaachemmone; boonoshi eeno yagaanoon yiirittoochoommon beshemmone.

Dojjecho 8:7

Gubb tunemmi mooyon koniyoona ariyaano bi tunetoyich, “Gubb tunemmi mooyo ebine” geton hakkemmo konine?

Dojjecho 9:6

Boonoshi shunoo, boonoshi kaaroonaa boonoshi qanaatoona boonoshina tookkii battee echetone. Hini showee toommooch tuneebeeti mooyo bulliichee boonoshich qoodoo amolla aalloone.

Dojjecho 9:9

Ne kashoonaa hini showee toommoochaa ne aajjeti aayonoyich, ne qoodoo ebi bi tunetoyich, Yeeri neech immiti hini showee toommeexi duube ne kashee yemeenooch ne shunnaabeeti ne mecheena tookki emiribe!

Mikiyaasi 6:8

Ashoocho, Doono Yeeri gaaweto tuneti mooyon gettitone! Doono Yeeri ne waanee bi qaawiibeeto, dayinnetoon ne dabiyaachemmoyich, shoodecho ne tunemmoyich, ne qelloon giishiiree ne Nuggishoona tookki ne beeyemmoyichiye.

Yaaqobi 4:14

Yaach tunemmon ariyaano ittoshine. Ittoshi kashe ameene? Ciinniyaa bekkeechii, bekkech aalleebeeti hiinneyoommi tooneene?