Dojjecho 5:18 - Kafa Linguistics Project

¹⁸ Ta beeggeti beshe gaawe mooyo bi beegaata, asho hini showee toommoochaa Yeeri biich immiti qamini bi kashee yemeeno bulliich mamo, uyonaa bi aajjitona emiroonane; bi qoodoo ebine.

Dojjecho 5:18 ပူးပေါင်းရင်းမြစ်များ

Shoddo 42:8

Doono Yeeri bi shoodoon areddoona bekkiihe; xumoonoo bi shoddo ta waan beetone; ta kasheechi Nuggishoo waan corootemmo taane.

Dojjecho 11:9

Gurimaashoocho, ne gurimaashittinee yemeenooch emiribe; ne gurimaashittinee yemeenooch ne mullo emiribe; ne aafo ciinnimmonaa ne mullo qaatimmonon, tuniibe; tunebaani ebi mooyo bullich Yeeri nallooch neen giddiyemmo bi tunoon batteyaahine!

Dojjecho 2:10

Ta aafo ciinniꞌi qaatito bullin daneho; ta mulloyichoo emiroon bayaano taane; ta shuuneto bullina ta mullo emiriye; ebiyoo ta aayo bullichi gatiyoone.

Dojjecho 2:24

Ashich mamonaa uyonoyee, bi shuuneti shuunoona emiroonoyee besh, gaawe mooyo aalloone. Ebiyoo Yeer waanee bi ichoon beeggeho.

Dojjecho 2:3

Asheenaꞌo qamini boonoshi kashee yemeenooch boonoshi tuniyemmi gaawe mooyo amo gaata ta beeggemmi wottoon, ta shalligoona yaabeyaꞌa, ta ashittinoon woyinee uyoona emirikkoyich, yeexerittinoonoo yeshoyich ta mulloona qiicceho.

Dojjecho 3:22

Illa ebich, asho tuniiya bede beshe mooyo, bi shuuneebeeti shuunoona emiroo bi tunoon beeggeho; bi qoodoo ebi aroone. Bi qititoyee gubb, tunemmi mooyon ariyoon hakkemmo koniyoona aalloone.

Dojjecho 6:2

Yeeri ashich gaannoon, gijjoonaa oogoonon immiye; biich qaawii beetoochee shappiti mooyo aalloone. Tunebaani ebi aroon bi maayemmoyich Yeeri hakkoon biich imaanoone; aroon maayemmo baroone; ebiyoo duuboonaa ayinikkiti mooyonane.

Dojjecho 8:15

Ashich hini showee toommoochaa mamo, uyonaa emiroonoyee beshe mooyo aallo bi tunetoyich, ebina emiribe iyoye. Ebich Yeeri biich immiti bi kashee yemeeno bulliich bi shuunoona emiroommone.

Dojjecho 9:7

Ebich and illa, ne maayoon emiroona mame; ne woyinee uyoonoo emiroona uye; ebiyoo Yeeri ne tuniyemmoyich bi qaawiti mooyone.

Erimiyaasi 52:34

Kashoona bi beeti yemeeno bulliich, Baabloonee taatoo biich qaawiibeeti mooyon qemi qemona immii beehe.

1 Qorontoosi 16:16

And ittoshin ta qollemmi ikke mooyo beetone; ebiyoo eboshiyoommi asheenaꞌonaa boonoshina tookkii shuuneebee yullee beetinaꞌo bullinoyich ittoshi deꞌa gettemmoyichiye.

Yibbaatoo 12:18

Ne Nuggishoo Doono Yeeri kaaccimmi xaaꞌoochaa ne, ne anaami bushiishoonaa ne maache bushiishoona, ne guunonaa ne gonneena, ne beeti katemooch koteti Lewee asheenaꞌoo ne Nuggishoo Doono Yeeri aafoochaa maayemmo ittoshine. Ne kishoona ne shuuneti mooyo bullina ne Nuggishoo Doono Yeeri aafoochaa emiremmo neene.

Yibbaatoo 12:7

Ebi aroochaa, ittoshi Nuggishoo Doono Yeeri aafoochaa ittoshinaa ittoshi kechi asheenaꞌona maayemmo ittoshine. Ittoshi kishoona ittoshi shuuneto bullin Doono Yeeri diiritoyich ittoshi bulli oogichi emiremmo ittoshine.

Yibbaatoo 26:11

Aroochee ne, Lewee asheenaꞌonaa ne waan waa koteti shiqqeenaꞌona ne Nuggishoo Doono Yeeri neennaa ne kechi asheenaꞌonoyich bi immiti gaawe mooyoyich emiremmo ittoshine” iye.

1 Ximootiyoosi 6:17

And hini yemeeneexi gaannechi kittinneenaꞌoyich ishichibe: “Qelloon yeepphaahote; bulli mooyon nooch ceechiꞌi bi imaa, ebina no emiremmoyich tuniibeeti Yeerin gibenebotalli, gibeneyaani gaannoon gibeniyaahote.