11 Gaanno woddegaata, maayecho meettiye; aafoona ciinoyee besh, bi doonoyich bi gaaccemmi gaaco amolla aalloone.
Taatoo ureechi naboona Abraamich gaawe mooyon tuniihe; biichoo bageenaꞌon, miiminaꞌon, kureenaꞌon, gaaleenaꞌon, wotta gonneenaꞌonaa guuninaꞌonon immiye.
Abraami gijjoon, birewoonaa aachoonon hajjiꞌi oogichii gaannetone.
Gaannoon aafoon waaxxaa ne ciinigaata, aallemmone; shimaayooch yoobbiibeeti booyochoommon bi qellich qoshoo kichi aallemmone.
Gurimaashoocho, ne gurimaashittinee yemeenooch emiribe; ne gurimaashittinee yemeenooch ne mullo emiribe; ne aafo ciinnimmonaa ne mullo qaatimmonon, tuniibe; tunebaani ebi mooyo bullich Yeeri nallooch neen giddiyemmo bi tunoon batteyaahine!
Ebina tayee aaf Yerusaalem beebee echetinaꞌo bulliyee beshoon oogeho. Andoo ta shalligoo ta waan manjiꞌi beetone.
Giishechoon mame woyee oogeton, shuunecho gaawichii tokketee qeyii beetone; tunebaani gaannechon bi gaanno tokketoo muccii beetone.
Qaatoona qaawillii beemoyee nooch beetona emiroo gaawiye; ebiyoo duubo, yongoon yookkii dabboommone.
Tateyaani gommona gaannoon kiciibeeti asho, bi gabexeyaanoon guuppaabeeti akkeyoommone; bi eeni gutte daggaa, ebi gaannoon muccemmone; tuushoo bi tuno ciiroochaa xalla bekkemmone.
Ittoshi kochii yechiti aageteenaꞌo haggito bullin qaaqqoo maa aalliyemmoyich, boonoshi aajjito bulliyoo gaacaallo bi tunemmoyich tuniito, Beshe Mawe Doono Yeeri toone?