Dojjecho 4:12 - Kafa Linguistics Project

¹² Giidecho bi giidoon ikkoo toommooch bi bekkiigaata, gutteꞌi wochoon hakkiyeete. Naayeeti (yoohiyeeti) woderoo kaatee kuxeyaache.

Dojjecho 4:12 ပူးပေါင်းရင်းမြစ်များ

2 Saameeli 23:16

Ebina ebi giidechi keejje asheenaꞌo Filsixeemeenaꞌochi kaambee gutte daggoona kuxxii besheꞌi, Beetilehemi uxeree kellooch beeti aachi oppoochee aacon kittii, Daawitich deebiyeete. Tunebaani Daawiti uchemmon qajjiichii, Doono Yeerich deejjoon tunii ukkiꞌi,

2 Saameeli 23:23

Shaasheenaꞌo daggooch aricheton tunehe; tunebaani ohe keeminaꞌona tookkii tateyaanoone. Daawiti bi quyee naayinaꞌo toommooch biin ukkiriihe.

2 Saameeli 23:9

Keejje ginee anaaminaꞌo daggoochee guttinnoo wotta Ahoohichi yaroo, Doodi bushoo Elazaarine. Israꞌeelee ginee naayinaꞌo gubb shokiichaa, Daawitinaa biinna, koyeya kiceeti Filsixeemeenaꞌona manjii neexeꞌi koyeheete.

Dojjecho 4:11

Gutteenaꞌo ikkooch boonoshi tokketegaata qeecciye. Ikkoo baach bi tokketegaata aabichi qeeccehe?

Dojjecho 4:13

Ciicoon waayeyaani mullaalli geene taatoyee, mullechi girechi gurimaashoo gaawiye.

Efesooni 4:3

Ittoshinaa ittoshina diggittinoona yesheree Yeerichi Ayaano immiibeeti ikkittinoon quyoyich kupphebote.