10 Gutteenaꞌoochee ikkoo dihigaata ikkoo tiijjiye; tunebaani ikkoo bi ikkeeto beechii bi dihigaata biin tiijjemmo aallo bi tunetoyich biich woowo!
Aroyee gubb, ikke areddoon Qayeeli bi manoo Abeelin “Ne waataa gadd hambone” iye. Hammiꞌi arooch boonoshi beetaa, Qayeeli bi manoo Abeeli toommooch tiyiꞌi wuxiye.
Eeppi aabo beshemmona Daawiti wochiiꞌi, bi kexooch bi woyemmoyich tuniihe. Biichoo mechee tunehan; anaami bushoonoo biich shiyahan. Tunebaani Daawiti shuuneti shuunoo Doono Yeerin emirikkaanoone.
Ta ne gonneyich gutte anaami bushiisheenaꞌo beeheete. Boonoshiyoo ikke areddoon gaddoochaa yexeheete. Boonoshin shoobbemmo koniyoona arooch aallo bi tunetoyich, ikkoo baroon xoobbii wuxiye.
Aroochee Muusi Haroonin “Ebi shaahe magge axaaxoon boonoshi shuunemmoyich ne tuniito, ebi asheenaꞌo neen aabicheenane?” iye.
Gutteenaꞌo ikkooch boonoshi tokketegaata qeecciye. Ikkoo baach bi tokketegaata aabichi qeeccehe?
Boonoshi aayo gaawe gaacecho bi tunetoyich ikkoo baach tunoyee guttoo tuno gaawiye.
Ta maneenaꞌote! Ittoshi daggoochee ikkoo toommooch amee xuꞌolla bi danegaata, Yaafe Ayaanoona yaabeebeeti ittoshi ebiyoommi ashoon shiimoona kaachibote. Newoo wotta ebiyoommi mooyona geecheeree ne dihaachemmoyich ne qelloon ariibe.
Ebich ittoshinaa ittoshina ebi qaaroona ikkoo baroon goggii kupphiibe.
Ebich and ittoshi wotta tunii beetoommon, ittoshinaa ittoshina ikkoo baroon goggiibe; ikkoo baroon eenniibe.
Saaꞌooli bushoo Yonaataani Daawit waan, Horeesh hammiꞌi, Yeerin gibenoona bi manjemmoyich biin kupphiihe.