Dojjecho 4:1 - Kafa Linguistics Project

¹ Wottoo hini showee toommooch tuneebeeti xuꞌo bullin beeggeho; xukketi asheenaꞌo eeppii beeheete; tunebaani boonoshin goggiyemmo aalloone. Boonoshin xuqqii beetinaꞌo hakkechinaꞌo tunetoyich, boonoshin goggiyemmo aalloone.

Dojjecho 4:1 ပူးပေါင်းရင်းမြစ်များ

Iyoobi 16:4

Ta xaaꞌooch ittoshi tunemmo gaata, tawoo ittoshichoommon yibbaatoon hakkesho taane; yibbaatoon geechi genjiibee, qelloon qeeqqeriibee yibbaatoon hakkesho taane.

Iyoobi 35:9

“Neexaa boonoshi hajjeetoyich asheenaꞌo cookiyeete; giidechinaꞌo kishoochee keyoyich ‘Abeeta’ iyeete.

Iyoobi 6:29

Eke qayote; dayinnetaalloon yibbaateyaahote; cikki qayote; gondo ta toommooch aalloone.

Iyoobi 9:24

Showoo gonde asheenaꞌo kishooch beshiitaa bi ichee beetaa, bi nallechinaꞌo aafoon wolliihe. Ebin tuniito Yeeri tuno qayigaata, ishigaata konine?

Shoddo 12:5

“Girechinaꞌochi xuuxoyich, iritechinaꞌochi cookoyich and tiyemmo taane; boonoshi qaatiti diggoon boonoshich immemmo taane” iye Doono Yeeri.

Shoddo 142:4

Ta qanne badd ciinneho; tunebaani taan gaachemmo aallehe; taach deebo tunemmo ikkolla aalle; taach aaxxiyemmi asho aalle.

Shoddo 142:5

Doono Yeero, ne waan cookiyoye; “Ne, ta deebo neene; kashechinaꞌo beeti hini showoochaa ta qoodee iristo neene” iyoye.

Shoddo 42:3

Asheenaꞌo wochii wochii “Ne Nuggishoo aaye?” boonoshi immona, xumoonaa areddoonon, ta acimo taach maayoon tunehe.

Shoddo 42:9

Ta Deebe Xaqqo Yeerich, “Amoyich taan battenne? Ta etteenaꞌo taan xuuxiitaa, ayinoona ta shaꞌe beeyemmo amoyichiye?” gettemmo taane.

Shoddo 69:20

Naago ta mulloon buriccitone; ebina ta gibeno tahitone. Taach ariqqemmi ashoon qaawiyoye; tunebaani koniyoona aalloone; taan goggiyemmi ashoon qaawiyoye; tunebaani daneyaanoone.

Shoddo 69:21

Ta maayooch caamoon bacciyeete; ta shachewoyichoo kiikkeroon taach immiyeete.

Shoddo 80:5

Acimoon maayoochoommon boonoshich maanjihine; xoofee ceeni acimoon boonoshich uchihine.

Keyo 1:16

“Hibiree maacheenaꞌon yechii ittoshi shiijjii beegaata, shiijjeebeeti bushoo anaamo bi tunegaata, wuxibote. Maachee bi tunegaata, kashoona beebuye” iye.

Keyo 1:22

Aroochee Farooni bi asho bullich ishichiye: “Israꞌeeleenaꞌo waanee shiijjemmi anaami bushiishoo bullin Abbaayi aacooch dufote. Tunebaani maache bushiishoo boonoshi tunegaata, kashoona boonoshi beeyemmoyich qayote” iꞌi gettiye.

Shaahiyoo 19:7

Girechon bi maneenaꞌo bulli shixxiyeete; ishigaata, bi nuucheenaꞌo am shaahoon biyee wokkeheete! Boonoshin dabbii bi ceeggitaanolla, nuuchoon daneyaache.

Shaahiyoo 28:3

Girechon duꞌiibeeti ukkiroo, maayoon aalliibeeti amichi dudoommone.

Shaahiyoo 29:2

Cadiqeenaꞌo ukkirehooba maccoo emiriye; tunebaani gonde asheenaꞌo ukkirehooba maccoo gaashilliye.

Dojjecho 3:16

Wottoo hini showee toommooch dayinneto beeyi bede xaaꞌooch axaaxoo beemon, cadiqee shuunoo beeyi bede xaaꞌooch axaaxoo beemon beeggeho.

Dojjecho 5:8

Ikke showoochaa girecho xukketaa, dayinnetaalloon bi toommooch nalleeꞌi neexaa hajjee bi beetaa ne beegigaata, ebi mooyona worganeyaahine! Iraashoyich biin quyeebeeti, biyee dambee iraashoo beetone; wotta eboshich boonoshin quyeebeeti, boonoshiyee damboo tuneti bare iraashoo beetone.

Dojjecho 7:7

Xuꞌo shalligechi ashoon mullaallo tunii beetone; xucco mulloon xummii beetone.

Dojjecho 8:9

Hini showee toommooch tuneebeeti mooyon shalligaꞌa ebi mooyo bullin beeggeho. Asho giidecho tuneꞌi ashoon xuqqii beetone.

Isiyaasi 5:7

Beshe Mawe Doono Yeerichi woyinee goyo, Israꞌeelee asheenaꞌone; Yihudee asheenaꞌo, bi emiriibeeti becheenaꞌone. Dayinnetoon boonoshi waanee qaawiye; tunebaani damee ukkoo tunehe. Cadiqee shuunoon qaawiye; tunebaani xuꞌee naboona cookoo tunehe.

Isiyaasi 51:23

Ebi aroon, neen xuuxii beetinaꞌo kishooch, ‘Ne toommona no beshemmoyich yite’ ii beetinaꞌo kishooch, geddemmo taane; newoo ne gubboon, neecheebeeti showoommon, hammeebeeti gommoommon, tuniiti neene” iye.

Isiyaasi 59:7

Boonoshi baatoo gondooch wocciye; xalle damoon ukkoyich afaafineheete; boonoshi gaboo gonde gaboone; aalliyoonaa happoona boonoshi gommooch beetone.

Erimiyaasi 16:7

Koniyoona ayiniton goggiyoyich aakkee koshon deebaachemmone; bi nihoo woyee bi indee qititoyich, goggiiya uyoon deebaachemmone.

Shoosho 1:16

“Ta eeppaabeeto, ta aafoo acimoon qaphillii bi beeto, taan goggiyemmo, taan kupphiyemmoo, aalletoyichiye. Ta etteenaꞌo sharitoyich, ta bushiisheenaꞌo gitteheete” iyan.

Shoosho 1:17

Tsiyooni bi kishoon yaggiyan; tunebaani biin goggiyemmo aallehe; Yaaqobichi yareenaꞌo toommooch, bi giyeenaꞌo etto tunemmoyich, Doono Yeeri getoon beshiitone; Yerusaalemi boonoshi daggooch eeꞌe mooyooch haddeetine.

Shoosho 1:2

Xumoona oogichii eeppahan; acimo bi gaakkoona gederehe; bi shunechinaꞌo bulliichee, biin goggiyemmo aallehe; bi nuucheenaꞌo biin beshii immitinaꞌone; biichoo ettoon tunetinaꞌone.

Shoosho 1:9

Bi eeꞌo bi qamisee toommooch bekkehe; bi ciiro amo gaata ariyaaneene; ebich gonde dihoon dihiyan; biin goggiyemmonoo muccahan. Biyoo “Doono Yeero, ta duꞌoon beege! Etto taan kochii wochitone” iyan.

Amootsi 3:10

Doono Yeeri ishichiye: “Ebi asheenaꞌo ashoon xuqqii, boggiꞌi boonoshi deebiti qiicoona boonoshi taatee kexinaꞌooch ceechitinaꞌone; deꞌe mooyon tuniyoon ciroona ariyaaneenaꞌone.

Amootsi 3:9

Ashidoodee showoonaa Gibitsinooch beeti taatee kexinaꞌooch beetinaꞌoyich awaajjibote; boonoshich ishichibote: “Shamaari geppeenaꞌooch waaree, katemee daggooch beeti xuꞌoonaa oogeti dulloonon beegote” getote!

Milikiyaasi 2:13

Ittoshi tuniyemmi bare mooyo ebine: Doono Yeeri ittoshi deejjoon ciinaachemmo bi tunetoyich, ittoshi kishoocheenoo deꞌaachemmo bi tunetoyich, Doono Yeerichi deejjee gudoon acimoona, eefonaa ayinoona qeremmo ittoshine.

Milikiyaasi 3:18

Ebiyooba cadiqoonaa axaaxechonochi, Doono Yeeri taach maddeebeetonaa maddaanoonochi daggooch beeti barbarittinoon beeggemmo ittoshine” iye.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Maatiyoosi 26:56

Tunebaani ebi bulli bi tuneto, keemechinaꞌo kooriti Yaafe Macaafee qaaro bi ceennemmoyichiye” iye. Arooba bi dabbeenaꞌo bulli biin duppiichii aalleheete.

Yibbaatoo 28:33

Ne aajjaa yulletaa ne showooch shaggiti maayoon ne ariyaani bare showee asho maayemmone. Neech danemmo bulli aaboon xuuxoonaa xukkoona baach tunemmone.

Yibbaatoo 28:48

Ebich neen koyiree yechemmi etteenaꞌon bi deejjaa, newoo shaace shachewebee, ne tahemmon muccebee, oogetonoo girebee boonoshich maddemmo neene. Doono Yeeri neen bi aalliimmi wottoon, xuuree waanjoon ne qettooch haxxemmone.

Yaaqobi 5:4

Ittoshi maayoon qecciti shuunechinaꞌochi shumaayoon bajjii boggito ittoshine. Ittoshi toommooch boonoshi cookii beeton eke elebote. Ebi ittoshi maayoon qeccii beetinaꞌochi qaaroon Beshe Mawe Doono Yeeri waayetone.

Woraaferasheenaꞌo 4:3

Yabiinich yiixiye balle xuuree gaari beetone. Biyoo hiye naton Israꞌeeleenaꞌon neexxii hajjiye. Ebich Israꞌeeleenaꞌo Doono Yeer waan cookiyeete.