Dojjecho 3:8 - Kafa Linguistics Project

⁸ shunoyich gooroo beete; shixoyich gooroo beete; koyoyich gooroo beete; diggoyich gooroo beete.

Dojjecho 3:8 ပူးပေါင်းရင်းမြစ်များ

1 Taateenaꞌo 5:4

Tunebaani and ta Nuggishoo Doono Yeeri ta guudo bullina beetinaꞌo waanee taan kashiitone; etto tuneba, irite mooyo taach aalloone.

2 Taateenaꞌo 9:22

Yoraami Yehin, “Yeho, ne waato, diggoochiye?” iye. Biyoo, “Ne indee Elizabeelichi shahalloonaa qaaxoona wodde beetaa, amee diggoo beete?” iꞌi wochiye.

2 Kiinoo 19:2

Hanaani bushoo yaaꞌechi Yehi biinna daneya hammiꞌi, taatoo Yoshafaaxich ishichiye: “Gonde ashoon gaachenne? Doono Yeerin shixxii beeton shunnenne? Ebich Doono Yeeri kaaro ne toommooch waatone.

Shoddo 101:3

Gonde shuunoon ciinibee cikki qayaachemmo taane; Yeeriyee kechiti asheenaꞌo mooyon shixxehoye; boonoshina tookkishoo ciroona guuphaache.

Shoddo 105:25

Bi asheenaꞌon Gibitseenaꞌo shixxemmoyich, bi guuninaꞌon boonoshi maremmoyich tuniihe.

Shoddo 139:21

Doono Yeero, neen shixxii beetinaꞌon shixaano taane? Ne toommooch tiyii beetinaꞌon ciigeyaano taane?

Shaahiyoo 13:5

Cadiqe asho kooton shixxiye; tunebaani gonde ashi yibbaatoo yeellii cooniihe.

Hiziqeeli 16:8

“ ‘Wochinnoon ne gaꞌoona beshaabee neen ciinnaꞌa, shaakkeya ne bedon beeggeho; tawoo ta tahoon ne toommooch yaggii, ne achoon qeriyoye; wogaa neenna tookkii wogoon giyaꞌa neen taachi tuniihoye, iye Nuggishoo Doono Yeeri.

Luqaasi 14:26

“Ta waan woyemmo koniyoona bi beegaata, bi nihoonaa bi indeenoyee, bi mecheenaa bi bushiisheenaꞌonoyee, bi anaami maneenaꞌonaa bi maache maneenaꞌonoyee, bi hajjee kashoyeenolla beshiiꞌi taan shuno bi qayigaata, taan dabboon hakkaache.

Efesooni 3:19

Wotta ariyoyee beshiti Kiristoosichi shunoon ittoshi ariyemmoyich, ebina Yeerin ciroona shaahoyich ittoshi beddemmoyich corootaabeeto taane.

Efesooni 5:25

Keneenaꞌote, Kiristoosi kittinnee guuphon bi shunoommon, biicha iꞌi bi kashoon beshii bi imoommon, ebiyoommon ittoshi mecheenaꞌon shunote.

Titoosi 2:4

Ebin boonoshi tuniigaata, Yeerichi qaaro naakkeyaachemmoyich, gurimaashe genneenaꞌon dojjemminaꞌone; boonoshi dojjemmoo boonoshi keneenaꞌonaa boonoshi bushiisheenaꞌonon shunnii beetinaꞌo, boonoshi qellee ariyechinaꞌo, kiinaalli xalleenaꞌo, boonoshi kexooch shuunee beetinaꞌo, maaci deꞌeenaꞌo, boonoshi keneenaꞌoyich deꞌa ii beetinaꞌo boonoshi tunemmoyichiye.

Yaasi 11:23

Ebina Doono Yeeri Muusich gettitoommon, Yaasi showoo bullin kochii yechiye; boonoshi yoodi yoodee haddoona qoodiꞌi, Israꞌeeleenaꞌoyich maacciye. Aroochee showoo ginoochee kashehe.

Yaaꞌoo 2:2

Ne shuunoonaa ne aayonon, ne haaꞌiyoonoo ariibeeto taane; gondeenaꞌon haaꞌiyaache ne getonaa ebiyoommon wotta mishiraachechinaꞌo tuneyaanoon ‘Mishiraachecho noone’ ii beetinaꞌon boshaa kichaꞌa koote dojjechinaꞌo boonoshi tunoon ne danoonon ariibeeto taane.