Dojjecho 3:2 - Kafa Linguistics Project

² Shiijjoyich gooroo beete; qitoyich gooroo beete; bechoyich gooroo beete; waaxoyich gooroo beete;

Dojjecho 3:2 ပူးပေါင်းရင်းမြစ်များ

Halloo 17:21

Tunebaani waabeeti natooch ebi goora Saari neech shiyemmi bushoo Yisaaqichiye ta wogoon ta manjiyemmo” iye.

Halloo 47:29

Israꞌeeliyoo bi qitemmi aabo katinaa, bi bushoo Yooseefin ceeggii deebiꞌi ishichiye: “Taan shunnaabeeto ne tunegaata, ne kishoon ta doshee dechiich gediree, deꞌittinoonaa iberittinoonon taach ne bekkiyemmoyich wogebe. Gibitsee showooch taan duukkaahine.

1 Taateenaꞌo 13:2

Ebi uro Doono Yeeri biich gettitoommon deejjee gudee toommooch bunneꞌi ishichiye: “Hini deejjee gudoocho, hini deejjee gudoocho, Doono Yeeri ishichiye: ‘Yosiyaasi getteebeeti bushoo Daawiti yaroochee shiijjemmone. Biyoo ne toommooch deejjoon deejjiibeeti, guudi toommeexi goyinnee xaaꞌee qeesheenaꞌon ne toommoochaa deejjemmone; asheenaꞌochi shaawushoonoo ne toommoochaa michemmone’ itone” iye.

2 Taateenaꞌo 4:16

Elisayiyoo ureyich, “Waabeeti natooch, ebi goora anaami bushoon shiyiree tiqqemmi neene” iye. Ureyoo, “Ebi toonoone, Yeer ashoocho, ta doonocho, ne gonnee taach koottaahine” iyan.

Iyoobi 14:14

Asho bi qititoyee gubb, tiyiree kashoona beemon hakkehe? Ta kashemmi aabo waammi wottoon, ginee koyeexi beemoommon tuneti ta yemeenoon, haaꞌii beeyemmo taane;

Iyoobi 14:5

Asho beeyemmi aabo shiichiꞌi maachetone; bi beeyemmi ageneenaꞌo ne waanaa haddeetinaꞌone; biich ne daareti yemeenoon beshemmo aalloone.

Iyoobi 7:1

“Hini showee toommooch ashi beemo yeshaa ginooch hammiti ashi beemoommo toone? Boonoshi shuunoo gichechi ashi shuunoommo toone?

Shoddo 113:9

Xaafeen bushiishoochi indee tuniiꞌi, emiroona bi kexooch bi beeyemmoyich tuniihe. Haleluya!

Shoddo 52:5

Ebich Doono Yeeri bulli yemeenoon neen tiichemmone; ne kexoochee neen shotte kichiree aalliyemmone; kashechinaꞌo beeti hini showoochee neen waaxxemmone.

Shaahiyoo 24:27

Maaxeexi ne shuunoon shuunebe; bulli mooyon budooch ne qellich qanniibe; aroyee gubb ne kexon hage.

Isiyaasi 28:24

Gochecho maayoon shoohoyich wochii wochii gochii beetone? Dugoon buricoyich bi budon wochii wochii qofii beetone?

Isiyaasi 38:1

Ebiyooba Hiziqiyaasi biiyee mawiiꞌi qitooch beddiye. Amootsi bushoo keemechi Isiyaasi biin beegga waaꞌi, “Doono Yeeri ‘Hini biiyoochee wodaachemmo neene; qitemmo neene; ebich ne kexon tachibe’ itone” iye.

Isiyaasi 38:5

“Hamiree Hiziqiyaasich ishichibe: Ne qaabbechi Daawitichi Nuggishoo Doono Yeeri ishichiye: ‘Ne corootoon waayeto taane; ne acimoon beeggeto taane; ne eeni toommooch aaraa uuche naton daakkito taane.

Isiyaasi 54:1

“Hini shiyaani xaafeene, shoddebe! Haane maaxoo manjaa ariyaaneene, ne qaaroon oogichiree ililibe! Kenechi ureechi bushiishoyee beshoon, kenaallechi bushiishoo meettitone” iye Doono Yeeri.

Erimiyaasi 1:10

Ne waaxxemmonaa ne happemmonoyich, ne aalliyemmonaa ne guuppemmonoyich, ne haggemmonaa ne bechemmonoyich, aageteenaꞌonaa taatittineenaꞌonochi toommooch, hanaach neen ukkiriito taane” iye.

Erimiyaasi 45:4

“Baaruukich Doono Yeeri ishichiye: ‘Ebiyoche ta haggeton happemmo taane; ta bechiton waaxxemmo taane; ebinoo showee toommo bulliich tuniyemmo taane.

Maatiyoosi 13:41

Ashi Bushoo bi maraakeenaꞌon deejjemmone; asheenaꞌoyich xugo tunee beetinaꞌonaa hukkoon shuunee beetinaꞌo bullinon bi taatittinee daggoochee macemminaꞌone;

Maatiyoosi 15:13

Tunetaa bi wochiꞌi, “Shimaajji ta Nihoo Yeeri bechaano bulli waaxemmone.

Luqaasi 1:13

Tunebaani are maraakoo ishichiye: “Zakaariyaaso, shattaahine; Yeeri ne corootiti corootoon waayetone. Ne mechee Elsabeexi anaami bushoon neech shiyemmine; bi shigoonoo Yowannisi getiree shigiyemmo neene.

Luqaasi 1:20

Tunebaani ne, ebi aabo ceenaa Yeeri ceechemmi, ta getteti qaaroon iberiyaache ne itoyich, hini mooyo ceennimmi aabee wottoon yibbaateyaani miimeto tunemmo neene; yibbaatoonoo hakkaachemmo neene” iye.

Luqaasi 1:36

Ebiyoommon ne xibee Elsabeexiyolla wotta geenoochaa anaami bushoon yeqqefetine; xaafee getteeti and bi yeqqefeto shirittinnee agen bedditone.

Yowannisi 16:21

Shiyemmi ure maaxoo biin maammona maacerahane; tunebaani bushoon bi shiyetoyee gubb, bushoo hini alemooch bi shiijjetoyich emiraꞌa, aafi bi xuuxoon battahan.

Yowannisi 7:30

Ebich asheenaꞌo daggoochee ikkikkeenaꞌo biin yecha qaawii beeheete; tunetaa bi aabo batt shagaano bi tunetoyich koniyoona biin yeshaanoone.

Mishiraachechinaꞌo 7:17

“Aroyee gubb Yeeri Abrahamich bi gibenikkiti yemeeno katinnimmona, Yooseefin ariyaani bare taatoo Gibits bi taatemmi wottoon, Gibits beeti no macceenaꞌo shiijjee meettiyeete.

Mishiraachechinaꞌo 7:20

“Arooba Muusi shiijjehe; aroo Yeeri biinna emiriti bushoone. Biyoo bi nihoo kexooch keejje agenoon dicciye;

Galaati 4:4

Tunebaani Yeeri noon bi bushiishoon tuniiya iꞌi sheeroyich hajjeeꞌi beetinaꞌon biishe bi kichemmoyich, yemeeno shagiyooba bi Bushoon wochehe; wochee waa maachee waanee shiijjeꞌi sheeroyich deꞌa iibee beehe.

Yibbaatoo 34:5

Ebina Doono Yeeri gettitoommon, Doono Yeeri guuno Muusi ebi are Moꞌabee showoochaa qitiye.

Hibireena'o 9:27

Ikke wottoon qitemmo bi tuno asho bullich echeyaani mooyone; aroyee gubb Yeeri boonoshi toommooch nallemmone.

1 Saameeli 2:5

Michitinaꞌo maayoon mucceꞌi gichetinaꞌone; tunebaani shaacetinaꞌo maayoon michiyeete. Xaafee shabaatte bushiishoon shiyahan; meeti bushiishoon shiyeti bi ikkeeti echahan.