Dojjecho 3:11 - Kafa Linguistics Project

¹¹ Bulli mooyon bi gooroona malletechon tuniiꞌi shuunehe. Bulli yemeenee mooyon gaboon ashi mullooch kotiihe; tunebaani Yeeri shiichoochee ciirooch beddaahaa bi tuniiton asheenaꞌo ciichii ariyoon hakkaacheete.

Dojjecho 3:11 ပူးပေါင်းရင်းမြစ်များ

Halloo 1:31

Yeeriyoo bi hallito bullin bi ciinaa, oogeton gaaweto bi tunetoyich emiriye. Showoo xumeꞌi hariye; ebiyoo shirittinnee qemone.

Iyoobi 11:7

“Yeerichi maacee mooyon maqqiꞌi ariyoon hakkenne? Beshe Hakkechi Yeerichi moochi ciiroon ariyoon hakkenne?

Iyoobi 37:23

Beshe Hakkechi Yeeri oogeti giidecho bi tunetoyich, bi waan katinon hakkaachone; kaamoonaa cadiqoona bi tunetoyich, koninolla xuꞌaache.

Iyoobi 5:9

Bi tuniibeeti giidechi mooyon asho ariyoon hakkaache; haddaa ciyaani worganikkiti mooyon tuniihe.

Shoddo 104:24

Doono Yeero, ne shuunoo am shaahe woddoone! Bullin ne ariyoona shuuneto neene; ne halliti mooyo showoona ceennitone.

Shaahiyoo 16:4

Doono Yeeri halliti mooyo bulli nabechone; biyoo gondeenaꞌon aallee aaboyich qanniitone.

Dojjecho 1:13

Showee toommooch shuuneebeeti mooyo bullin shalligoona qaawaa haattoyich ta mulloon qanniiho. Ebi, ashi bushiisheenaꞌo aajjemmoyich Yeeri immiti magge shuunoone.

Dojjecho 11:5

Kasho bi indee maacooch beeti bushoo waan aabichiꞌi bi giyiibeeto gaata ariyee ne qayoommon, bulli mooyon halliti Yeerichi shuunoon shalligoo hakkaachine.

Dojjecho 7:13

Yeerichi shuunoon ciine! Bi xummiiton koni kaachoon hakkehe?

Dojjecho 7:23

Ebi bullin shalligoona yexiiho; tawoo “Mullecho tunemmo taane” iyo; tunebaani ebi ta gaboyee damboone.

Dojjecho 7:29

Ikke mooyon baach ariiho: Yeeri asheenaꞌon kaamoo tuniiꞌi halliye; tunebaani asheenaꞌo wodde acon qaawiyeete” iye.

Dojjecho 8:17

Aroochee Yeerichi shuunoon beeggeho. Hini showee toommooch tuneebeeti mooyon asho koniyoona ariyoon hakkaache; qaawii danoyich bi qiiccetaanona danoon hakkaache. Shalligechi asho “Ebin ariito taane” bi itaanona ciichii ariyoon hakkaache.

Maatiyoosi 11:27

Wotta Yesuusi asheenaꞌoyich, “Ta Nihoo bulli mooyon taach immitone. Nihoo Yeeriyee damba Yeerichi Bushoo taan ariibeeto aalloone; Yeerichi Bushoo tayee besh, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeerin ariibeeto aalloone.

Maatiyoosi 13:22

Ebiyoommon angichi xuppo beeti showooch holliti yaroon shaahii beetinaꞌo, Yeerichi qaaroon boonoshi waayetaa, hini showeexi beemon gaboonaa gijjee shaawona dacheyoona boonoshi mullooch naaxiꞌi boonoshi waayeti qaaroon maa beetone; ebichi naboona aafeyaanoon dobberee echemminaꞌone.

Maariqoosi 7:37

Ishin waayeti asheenaꞌo oogichii worganeꞌi, “Bullin gaawichitone; ulleenaꞌo waayemmoyich, heciya tippeenaꞌo yibbaatemmoyich tunii beetone” iyeete.

Roomi 1:28

Yeerin ariyoon gaacaallo shaahiiꞌi boonoshi gabitoyich, tuneyaani mooyon boonoshi hallemmoyich, Yeeri boonoshin qajjiye; ebich xumme gaboon baach gabiyeete.

Roomi 11:33

Yeerichi wojjee gaanno, shalligoonaa ariyoona am shaahoon woddete! Tuniiya bi maacciti mooyon koniyoona maqqiꞌi ariyoon hakkaache; bi gommonoo qaawii danoon hakkemmo aalloone.

Yibbaatoo 32:4

Biyoo Xaqqee Inderoone; bi shuunoo muricaalloone; bi gommo bulliyoo kaamoone. Muricaalli gibeneeti Nuggishoo, kaamoonaa cadiqoonane.