Dojjecho 2:8 - Kafa Linguistics Project

⁸ Ta qellich aachoonaa birewoonon kiciyo; taateenaꞌonaa woraaferasheenaꞌona boonoshi gaannoon taach beshiiꞌi immiyeete. Shoddeebeeti anaaminaꞌonaa maacheenaꞌonon qannayiyo; ashoon emirikkiibeeti meeti naamacheenaꞌon kiciyo.

Dojjecho 2:8 ပူးပေါင်းရင်းမြစ်များ

2 Saameeli 19:35

And ta shinne nati asho taane. Illa ebiyee damba taan emirikkemmi mooyo beete? Ne guuno ta, ta maabeeti maayoonaa ta uchaabeeti uyoonochi shaawon ariyehote? Anaaminaꞌo tunebeeta maacheenaꞌochi duubbi qaaroon waayehote? Ishigaata, taatoo ta doono neech shaago ta tunemmo, amoyichiye?

1 Taateenaꞌo 10:10

Aroochee taatoyich awudde hume kiilo giraam bede aachoon, dofee qimaamoonaa aaxxe xaqqoonon immahan. Sheebee taatee, taatoo Solomoonich immetoommi dofee qimaamo aroyee gubb ciroona waataanoone.

1 Taateenaꞌo 10:14

Solomoonich nati natooch giyiibeeti aachoo, hiyaa keejje hume kiilo giraam bedoone.

1 Taateenaꞌo 10:21

Taatoo Solomooni uchiibeeti xoofoo bulli shuuneeto, aachoocheeniye. Libanoosi Shaaroo getteebeeti taatee kechi qiico bulli shuuneeto, xalle aachoocheeniye. Solomoonichi taatee yemeenooch birewoo qallayeeto bi tunetoyich, birewoochee shuuneeti qiico ciroona aalloone.

1 Taateenaꞌo 11:3

Biichoo taateenaꞌochi bushiisheenaꞌo tuneti shabaatte balle mecheenaꞌonaa keejje balle naamacheenaꞌona beetinaꞌone. Ebi bi mecheenaꞌo bi mulloon Yeer waanee bara wochiyeete.

1 Taateenaꞌo 14:27

Taatoo Roboꞌami eboshi keroon gooshee gaacheenaꞌon shuuniiꞌi, taatee kechi kelloon quyeebeeti kellechinaꞌochi ukkireenaꞌoyich quyiihe.

1 Taateenaꞌo 9:14

Kiraami taatoyich awudde hume kiilo giraam bede aachoon deejjitone.

1 Taateenaꞌo 9:28

Boonoshiyoo Ofiiree showooch hammiꞌi, aroochee aaraa awudde hume kiilo giraam bede aachoon taatoo Solomoonich deebiyeete.

1 Kiinoo 25:1

Daawitinaa bi ginee iraasheenaꞌona giishi ximboona, ooge ximboonaa qaaxilloona degeebee keemoon keemmemminaꞌon Asaafichi, Hemaaninaa Yedutuuninochi yaroochee kaacciꞌi shuunoon yechiiheete. Ebi maddoon maddemmi asheenaꞌochi shigo:

1 Kiinoo 25:6

Eboshi bulli, boonoshi nihoo kishooch tuneꞌi, Doono Yeerichi yaafee kexooch qaaxilloona, giishi ximboonaa ooge ximboona shoddeebee Yeerichi yaafee kexoochaa maddee beeheete. Asaafi, Yedutuuninaa Hemaanina beeto taatoo kishoochiye.

2 Kiinoo 9:11

Taatoo naddee mixoochee Doono Yeerichi yaafee kexonaa bi taatee kexonochi daqqelloon, wotta shoddechinaꞌoyich giishi ximboonaa ooge ximboonon shuunehe. Ebiyoommi qiiceenaꞌo Yihudee showooch ciroona bekkee ariyaaneenaꞌone.

Iziri 2:65

ebiyoo shabaatte humaa keejje ballaa shaashaa shabaatte gonneenaꞌonaa guuninaꞌonon daakkaanooniye. Wotta shoddechi gutte balle anaaminaꞌonaa maacheenaꞌona boonoshich beetinaꞌone.

Dojjecho 1:2

Dojjecho ishichiye: “Duubo, duubo, duubeexi duubo, bulli mooyo duuboone” iye.

Daaneeli 3:15

Andoo xurumbee qaaroon, tiree qaaroon, shumburee qaaroon, giishi ximbee qaaroon, ooge ximbee qaaroon, ebi duubbi qiiceenaꞌo bullichi qaaroon ittoshi waayemmona, ta neechiti misiloyich baroona guuferee goyinneya ittoshi qannigaata, gaawiye. Goyinno ittoshi qayigaata, aaxxeebeeti qaaqqee sheellooch bekkech duppeyemmo ittoshine. Ta kishoochee ittoshin wodiyemmi nuggishoo, konine?” iye.

Daaneeli 3:5

‘Xurumbee qaaroon, tiimbe qaaroon, tiree qaaroon, shumburee qaaroon, giishi ximbee qaaroon, ooge ximbee qaaroon, ebi duubbi qiiceenaꞌo bullichi qaaroon ittoshi waayegaata, ta neechiti, aachoochee shuuneeti misiloyich baroona guuferee goyinnebote!

Daaneeli 3:7

Ebich xurumbee qaaroon, tiree qaaroon, shumburee qaaroon, giishi ximbee qaaroon, ooge ximbee qaaroon, ebi duubbi qiiceenaꞌo bullichi qaaroon boonoshi waayehooba, ashi yaroo bulliichee, aagetoo bulliichee, asho yibbaateebeeti noonoo bulliicheenoo kiceeti asheenaꞌo bulli taatoo Nabukadinatsori neechiti, aachoochee shuuneeti misiloyich baroona guufeꞌi goyinneheete.

Amootsi 6:5

Daawitichoommon andire shoddoon kichiꞌi, ooge ximboon yexxii kaachiibeeti,