Dojjecho 2:22 - Kafa Linguistics Project

²² Ashoo showee toommoochaa bi aajjiibeeti aayonaa yulloonoochee bi danemmi gaaco amoone?

Dojjecho 2:22 ပူးပေါင်းရင်းမြစ်များ

Shoddo 127:2

Maaddii timonaa yagiꞌi tokketoona manjeyemmi koshoyich aayo gaacaalloone; Doono Yeeri bi shunnii beetinaꞌoyich, tokketooch boonoshi beetaa qanniihe.

Shaahiyoo 16:26

Shaacoo, shuunechon kupphe bi shuunemmoyich tuniihe; bi qettoo, bi shuunemmoyich biin shuurikkiye.

Dojjecho 1:3

Asho hini showee toommoochaa bi aajjiibeeti aayoochee, bi danemmi gaaco amoone?

Dojjecho 2:11

Ta shuuneti shuunoo bullin, shuunaa danoyichoo ta aajjeti aayo bullinoo gabaꞌa bulliyona duubo bi tunoon, yongoon yookkii dabboommo bi tunoonoo ariiho. Hini showee toommooch gaacechi amee mooyolla aalloone.

Dojjecho 3:9

Shuunecho bi aayoochee bi danemmi gaaco amoone?

Dojjecho 4:6

Aajjii yulloona daneebeeti gutte kishoyee, tooqqii kashoona daneebeeti ikke kishoo gaawiye; woddoo aayo yongoon yookkii dabboommone.

Dojjecho 4:8

ebiyoo bushaalli, manaalli shiqqe uroochi mooyone; ebi uro aajjiichii wotteyaanoone; biich beeti gaannoona michiꞌi tooꞌaanoone; biyoo “Ta qelloon emirikkaanoon ta aajjaabeeto konichiye?” iꞌi gabiye. Ebiyoo duubo, xuuxee beemone.

Dojjecho 5:17

Bi yemeeno bullin manderoo, eefo, ippo, biiyoonaa ayinoona biin giishi beeyemmone.

Dojjecho 8:15

Ashich hini showee toommoochaa mamo, uyonaa emiroonoyee beshe mooyo aallo bi tunetoyich, ebina emiribe iyoye. Ebich Yeeri biich immiti bi kashee yemeeno bulliich bi shuunoona emiroommone.

Maatiyoosi 16:26

Wotta asho showee toommooch beeto bullin biicho tuniichii bi kasheen bi muccegaata, amoon biich hallehe? Asho bi kasheen wochiꞌi danoyich amoon qoco hakkehe?

Maatiyoosi 6:11

Heeyi koshon hanaach nooch imbe.

Maatiyoosi 6:25

“Ebich ittoshich gettoye; ‘Amoon maayehone? Amoon uchehone? Amoon tahehone?’ getiree ittoshich qaawiibeeti mooyoyich xuuxeyaahote. Kasho maayoyee, ashittinoo tahoyee beshaache?

Maatiyoosi 6:34

Illa, yaach ittoshi toommooch woyemmi xuuxoyich yaach xuuxemmo ittoshine; ebich yaachich xuuxeyaahote. Hanaachi xuuxo hanaachich beddiye” iye.

Luqaasi 12:22

Ebichi hillooch Yesuusi bi dabbeenaꞌoyich ishichiye, “Ebich ittoshich gettoye: ‘Amoon maayehone?’ getiree ittoshi kashoyich woyee ‘Amoon tahehone?’ getiree ittoshi ashittinoyich qaawiibeeti mooyoyich xuuxeyaahote.

Luqaasi 12:29

Ittoshi gaboon ittoshi maayemmonaa ittoshi uchemmonoyich tuniyaahote. Ittoshi mulloon xuuxiyaahote.

1 Qorontoosi 16:16

And ittoshin ta qollemmi ikke mooyo beetone; ebiyoo eboshiyoommi asheenaꞌonaa boonoshina tookkii shuuneebee yullee beetinaꞌo bullinoyich ittoshi deꞌa gettemmoyichiye.

Filipphisiyoosi 4:6

Mooyo bullich corootibee, maaggebee, galletebeeshoo, Yeeri aafooch ittoshi qolloon arichiibotalli, ikke mooyoyichona xuuxeyaahote.

1 Ximootiyoosi 6:8

Ebich tahoonaa maayoona nooch beegaata, ebi nooch beddiye.

1 Pheexiroosi 5:7

Biyoo ittoshich gabiibeeto bi tunetoyich, ittoshin iritiibeeti mooyo bullin bi toommooch dufote.