Dojjecho 12:13 - Kafa Linguistics Project

¹³ Ebiyoche bulli mooyon waayeto neene; bulli moochi taco ebine: Yeerin shate; bi geteenaꞌonoo ceechibe; asho koniyoona tuniiya bede mooyo ebine.

Dojjecho 12:13 ပူးပေါင်းရင်းမြစ်များ

Halloo 22:12

Maraakoo “Bushoochi achooch shaggaahine. Bi toommooch amoonolla halliyaahine. Ne bushoon, ikke mixxe ne bushoon, taach woonaano ne tunetoyich, Yeerin shattaabeeto ne tunoon and ariito taane” iye.

1 Taateenaꞌo 2:3

Ne Nuggishoo Doono Yeerichi getoon quyebe. Ne tuniyaabeeti mooyonaa ne hammaabeeti gommo bullina neech bi kaamemmoyich, bi gommona hambe; Muusichi Sheerooch bi kooreetoommon, bi doyeenaꞌon, bi geteenaꞌon, bi sheereenaꞌonaa bi qociyeenaꞌonon quyebe.

Iyoobi 28:28

Biyoo ashich, ‘Illa ebiyoche, shalligoo geto, Doono Yeerin shatone; gonde mooyoochee wohoo, ariyoone’ itone” iye.

Shoddo 111:10

Ariyoo bulliyee shiichoo Doono Yeerin shatone; biin shattii beetinaꞌo gaawe shalligechinaꞌone; biyoo bulli yemeenoon galletee beeyemmone.

Shoddo 145:19

Biin shattii beetinaꞌochi qaatoon ceechemmone; boonoshi cookoon waayeꞌi boonoshin wodiihe.

Shoddo 147:11

Tunebaani Doono Yeeri emiriibeeto, biin shattii beetinaꞌona, bi shoodoon gibenee beetinaꞌonane.

Shaahiyoo 1:7

Doono Yeerin shato ariyee shiichoone; tunebaani tuusheenaꞌo shalligoonaa sheeroonon hoxeheete.

Shaahiyoo 19:23

Doono Yeerin shato kasho waan yaabiye; biin shattiibeeto digaayoona beehe; gonde mooyo bi waan shagaache.

Shaahiyoo 23:17

Ne mullo axaaxechinaꞌon qanaataaye; heeyo bullin Doono Yeerin shatona beebe.

Dojjecho 2:3

Asheenaꞌo qamini boonoshi kashee yemeenooch boonoshi tuniyemmi gaawe mooyo amo gaata ta beeggemmi wottoon, ta shalligoona yaabeyaꞌa, ta ashittinoon woyinee uyoona emirikkoyich, yeexerittinoonoo yeshoyich ta mulloona qiicceho.

Dojjecho 3:14

Yeeri tuniito bulli, bulli yemeenoon beeyecho bi tunoon ariiho; ebichi toommooch amoonolla daakkoo woyee amoonolla shappayoo hakkeyaache; Yeeri ebin bi tuniito asheenaꞌo biin boonoshi shattemmoyichiye.

Dojjecho 5:7

Wodde gumonaa wodde yibbaatoona duuboone; ebich Yeerin shate!

Dojjecho 6:12

Kashoona bi beeti giisheche yemeenooch, yiirittoochoommon beshemmi duube bi yemeenooch, ashich gaaccemmi mooyon ariibeeto kone? Woyee hini showoon gawukkii bi hammitoyee gubb, hini showee toommooch tunemmi mooyon ashich geton hakkemmo konine?

Dojjecho 7:18

Hininoo ne yesho ohinoo gawukkee ne qayo gaawetone; ebiyoo Yeerin shattii beetoyich kaamemmo bi tunetoyichiye.

Dojjecho 8:12

Axaaxecho balle wottoon gondoon shuuneebee bi eeno genjetaanona, mooyo bi kaamemmo Yeerin shattii beetinaꞌonaa biin oogii beetinaꞌonoyich bi tunoon ariiho.

Dojjecho 8:5

Taatoochi getoon ceechiibeeto gonde moochi daggooch bacceyaache; shalligechi asho deconaa gommonon arii beetone.

Mikiyaasi 6:8

Ashoocho, Doono Yeeri gaaweto tuneti mooyon gettitone! Doono Yeeri ne waanee bi qaawiibeeto, dayinnetoon ne dabiyaachemmoyich, shoodecho ne tunemmoyich, ne qelloon giishiiree ne Nuggishoona tookki ne beeyemmoyichiye.

Luqaasi 1:50

Shiijjeroochee shiijjerooch beddaahaa Yeerichi ariqqo biin shattii beetinaꞌoyich beeyemmone.

Yibbaatoo 10:12

“Andoo Israꞌeelo, ne Nuggishoo Doono Yeeri ne waanee bi qaawiibeeto, amooniye? Ne Nuggishoo Doono Yeerin ne shattemmoyich, bi gommo bullina ne hammemmoyich, biin ne shunnemmoyich, ceeni ne mulloonaa ceeni ne kashoona biich ne goyinne maddemmoyich,

Yibbaatoo 10:20

Ne Nuggishoo Doono Yeerin shate. Biich baach goyinne maddebe. Biinna tookki ikkottebe. Bi shigoonoo wogebe.

Yibbaatoo 4:2

Ebi ittoshich ta gettaabeeti qaaree toommooch amoonolla daakkiyaahote. Aroochee amoonolla shappiiyaahote. Ebi ittoshich ta gettaabeeti no Nuggishoo Doono Yeerichi getoon quyebote.

Yibbaatoo 6:2

Kashoona ittoshi beemmi yemeeno bullin ittoshi, ittoshi bushiisheenaꞌonaa bushaa bushiisheenaꞌona ittoshi Nuggishoo Doono Yeerin shatote. Ittoshich ta immaabeeti qociyoo bullinaa geto bullinon quyebote. Ebin ittoshi tuniigaata, are showooch koteree yagemmo ittoshine.

1 Pheexiroosi 2:17

Asho bullin oogiibote; kittinnee ittoshi maneenaꞌon shunote; Yeerin shatote; taatoon oogiibote.

Yaaꞌoo 19:5

Aree hillooch taatee qeenoochee qaaro kechiꞌi, “Bi guuninaꞌo ittoshi bulli, biich shattiibeeti gishiisheenaꞌonaa ogoogeenaꞌonote! No Nuggishoon galletebote!” iye.

1 Saameeli 12:24

Ittoshi baach Doono Yeerin shatote; biich gibeneeton tuneree, ceeni ittoshi mulloona biich goyinne maddebote; ittoshich bi tuniiti worganikkiti mooyinaꞌon shalligibote.