Dojjecho 11:9 - Kafa Linguistics Project

⁹ Gurimaashoocho, ne gurimaashittinee yemeenooch emiribe; ne gurimaashittinee yemeenooch ne mullo emiribe; ne aafo ciinnimmonaa ne mullo qaatimmonon, tuniibe; tunebaani ebi mooyo bullich Yeeri nallooch neen giddiyemmo bi tunoon batteyaahine!

Dojjecho 11:9 ပူးပေါင်းရင်းမြစ်များ

Halloo 3:6

Ureyoo ebi michi aafo mamoyich shaawiibeeto, ciinoyich dakiibeeto, ariyoon imoyichoo gaaweto bi tunoon ciinnahan; ebi michi aafoochee daammaa maahan; wotta bi kenoyichoo immahan; aroo maahe.

Halloo 6:2

Yeerichi bushiisheenaꞌo, asheenaꞌochi maache bushiisheenaꞌo mallet gaaweenaꞌo boonoshi tunoon beeggiꞌi, boonoshi shunnii shunnitinaꞌon daammii shaaggiyeete.

1 Taateenaꞌo 18:12

Neyee giishechoon ta wokkemmona, Doono Yeerichi Ayaano ta ariyaani xaaꞌooch neen daammemmone. Ebina hammaa Akaabich ta getaa, neen bi muccegaata, taan wuxemmone. Ne guuno ta, ta bushittinoochee tiijjaꞌa Doono Yeerin shattaabeeto taane.

1 Taateenaꞌo 18:27

Aabee daggehaa Eliyaasi, “Nuggishoo bi tunetoyich, qaaroon oogichiree cookibote; diqqich gabooch giyiꞌi, woyee maach kechiꞌi, woyee gommo shaꞌee tunemmone. Woyee diqqich tokkete beeyemmone; shuurikkibote” iibee boonoshin cooqqiriye.

1 Taateenaꞌo 22:15

Taatoo waan bi waammona, taatoo biich, “Mikiyaaso, Gilaadee showooch beeti Ramootin koyooch hambona, qayona?” iye. Biyoo, “Hami koyi yeshe; Doono Yeeri taatoo kishooch beshiiree immemmone” iꞌi biich wochiye.

Iyoobi 31:7

Kaame gommoochee qanna yoocha ito ta gaata, ta aafo ciinnito waan ta mullo hammito tunegaata, ta kishoo axaaxoona eeꞌeto bi tunegaata,

Shoddo 81:12

Ebich babbere boonoshi mulloona boonoshi hammemmoyich, boonoshi gaba boonoshi heechemmoyich, qixehoye.

Dojjecho 12:1

Xuuxee gooroo waataan beetaa, “Taan emirikkaache” ne gettemmi natinaꞌo waataan beetaa, ne gurimaashittinee yemeenooch neen Halliton gabibe!

Dojjecho 12:14

Ebiyoo, asho shuuneebeeti gonde shuunoo tuneba deꞌe shuunoo bulli toommooch, aasheexonona echiyaanoon Yeeri nallemmo bi tunoone.

Dojjecho 2:10

Ta aafo ciinniꞌi qaatito bullin daneho; ta mulloyichoo emiroon bayaano taane; ta shuuneto bullina ta mullo emiriye; ebiyoo ta aayo bullichi gatiyoone.

Dojjecho 3:12

Kashoona beechii emiroonaa gaawe mooyon tuniyoonoyee beshe gaawe mooyo ashich aallo bi tunoon ariiho.

Dojjecho 3:17

Tawoo ta mulloona “Mooyo bullinaa shuunoo bullinoyich taajjeeti aabo bi beetoyich, Yeeri cadiqo toommooch tuneba axaaxecho toommooch nallemmone” iyaꞌa gabiyo.

Dojjecho 6:9

Qaatoona qaawillii beemoyee nooch beetona emiroo gaawiye; ebiyoo duubo, yongoon yookkii dabboommone.

Dojjecho 7:14

Yemeeno gaawehooba emiribe; yemeeno gondehooboo gaawichi gabibe; hininoo ohinoo tuniito Yeerine; ebich asho gubb tunemmi mooyo amoonolla ariyoon hakkaache.

Erimiyaasi 23:17

Doono Yeeri ta qaaroon hoxee beetinaꞌoyich wochii wochiꞌi ‘Ittoshich diggoo tunemmone’ iyeete; babbereꞌi boonoshi hajjee gaboo waan wottee beetinaꞌo bullich ‘Gonde mooyo ittoshi toommooch shagaachemmone’ iyeete” iye.

Erimiyaasi 7:24

Tunebaani boonoshi mullee gonde gaboonaa babberittinoona hammiyeete; aaf tuneyaanoon gubb hammiyeetani waayeyaaneenaꞌone; boonoshi waamon ta waan gaꞌiyaaneenaꞌone.

Shoosho 3:27

Busheebee iritee waanjoon shaago ashich gaawetone.

Haddoo 15:30

“ ‘Tunebaani Israꞌeelee shiijjeroo tuneba shiqqoo bi qelloon oogiyoona axaaxoon bi shuunegaata, ebi asho Doono Yeerin qallayito bi tunetoyich, bi asheenaꞌo daggoochee kichaa yookkebe.

Haddoo 15:39

Ebi caappeenaꞌo shalligicheenaꞌo boonoshi tunetoyich, boonoshin ittoshi beegiyooba Doono Yeeri ta getoon shalligi quyemmo ittoshine. Ittoshi mullo qaatitonaa ittoshi aafo beeggitonon dabbi hamaachemmo ittoshine.

Haddoo 22:32

Doono Yeerichi maraakoo biich ishichiye: “Ne kureen keejje wottoon ne yexxeto, amoyichiye? Ne gommo ta aafooch kaamoo tuno bi qajjitoyich, gommon hici bajja kecheto taane.

Maatiyoosi 5:28

Tunebaani and ta waanee waayebote! Maacheen ciinniꞌi qaatito bulli bi mulloona biinna tookkii shunoon maatone.

Luqaasi 12:19

Ta kasheenoo “Ta kasheene, meeti yemeenooch beddemmi wodde adduunoo neech kiceetone; kashebe, mame, uye, emiribe” gettemmo taane’ iye.

Mishiraachechinaꞌo 14:16

Besheti yemeenooba aageteenaꞌo bulli boonoshi shunniti gommona boonoshi hammemmoyich Yeeri boonoshin qajjiye.

Mishiraachechinaꞌo 24:25

Biyoo cadiqeechonaa qellee ariyeechonon, wotta woyemmi nallaa galleechon bi getaa Filikisi waayeꞌi shattiye. Ishichiinoo iye: “And hambe; taach gaawehooba, neen ceekkiyemmo taane” iꞌi gettiye.

Roomi 14:10

No bulli Yerichi nallee gabberee aafooch neexemmo noone. Ebich ne manoo toommooch amoyichiye ne nallaabeeto? Newochi wotta ne manoon amoyichiye ne qallayaabeeto?

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

2 Qorontoosi 5:10

Asho bi ikkikkoona meenona beebee, gonde mooyon tuneba deꞌe mooyon bi tuniiti shuunoommona qocheeya, no bulli Kiristoosichi nallee gabberee aafooch neexo echeyaani mooyone.

Yibbaatoo 29:19

“Ebiyoommi asho ebi wogee qaaroon waayeꞌi, bi qelloon diireeton shaahii ciinona, ‘Ta mullee manjoona ta hammetaanona, bulli mooyo taach kaamee beetone’ geti gabemmone. Ebiyoo gondoonaa deꞌoonon ikkochiree ittoshi bullin aalliyemmone.

Hibireena'o 9:27

Ikke wottoon qitemmo bi tuno asho bullich echeyaani mooyone; aroyee gubb Yeeri boonoshi toommooch nallemmone.

Yaasi 7:21

Kecceti qiiceenaꞌo daggoochee Shinaaree showoochee waati ikke macecikkiti gaaboon, gutte balle sheqeelee birewoonaa aache sheqeelee nuuppheti aachoonon ciinnaꞌa dakiyoye; eboshin daammoye. Ebi qiicoon, birewoon dechiich geddaa ta duukkaanee maac showooch duukkaꞌa aachito taane” iye.

2 Pheexiroosi 3:7

Are qaaroona wotta and hini beeti showoonaa shimaayoona Yeerin oogiyaani asheenaꞌo aallemmi nallee aabooch beddaahaa qaaqqoyich quyeetinaꞌone.