Dojjecho 11:5 - Kafa Linguistics Project

⁵ Kasho bi indee maacooch beeti bushoo waan aabichiꞌi bi giyiibeeto gaata ariyee ne qayoommon, bulli mooyon halliti Yeerichi shuunoon shalligoo hakkaachine.

Dojjecho 11:5 ပူးပေါင်းရင်းမြစ်များ

Iyoobi 37:23

Beshe Hakkechi Yeeri oogeti giidecho bi tunetoyich, bi waan katinon hakkaachone; kaamoonaa cadiqoona bi tunetoyich, koninolla xuꞌaache.

Iyoobi 38:4

“Showoon ta halliyooba ne aabiichiye ne beeto? Shalligaabeeto ne tunegaata, taach gete.

Iyoobi 5:9

Bi tuniibeeti giidechi mooyon asho ariyoon hakkaache; haddaa ciyaani worganikkiti mooyon tuniihe.

Shoddo 104:24

Doono Yeero, ne shuunoo am shaahe woddoone! Bullin ne ariyoona shuuneto neene; ne halliti mooyo showoona ceennitone.

Shoddo 40:5

Ta Nuggishoo Doono Yeero, nooch ne tuniiti worganikkiti mooyo woddoone; neenoommo koniyoona aalloone; nooch gaawe mooyon gabito neene; aroon “Awaajji yibbaatebane” ta itaanona haddaa ciyaani woddoone.

Shoddo 92:5

Doono Yeero, ne shuunoo am shaahoon worganikkitone! Ne gaboo oogeti wohone.

Dojjecho 1:13

Showee toommooch shuuneebeeti mooyo bullin shalligoona qaawaa haattoyich ta mulloon qanniiho. Ebi, ashi bushiisheenaꞌo aajjemmoyich Yeeri immiti magge shuunoone.

Dojjecho 1:6

Yongo deshi-waan yongehe; dambi-waanoo guuddiye; guuddii guuddiꞌi bi xaaꞌooch hammiye.

Dojjecho 11:4

Yongoon ciinniibeeto shoohaache; quboon ciinniibeeto qecaache.

Dojjecho 3:10

Asheenaꞌo aajjemmoyich Yeeri immiti shuunee maggoon ciinneho.

Dojjecho 3:11

Bulli mooyon bi gooroona malletechon tuniiꞌi shuunehe. Bulli yemeenee mooyon gaboon ashi mullooch kotiihe; tunebaani Yeeri shiichoochee ciirooch beddaahaa bi tuniiton asheenaꞌo ciichii ariyoon hakkaacheete.

Dojjecho 7:24

Bulli mooyo shalligoyich oogeti maggoone; ebin hakki shalligemmo konine?

Dojjecho 8:17

Aroochee Yeerichi shuunoon beeggeho. Hini showee toommooch tuneebeeti mooyon asho koniyoona ariyoon hakkaache; qaawii danoyich bi qiiccetaanona danoon hakkaache. Shalligechi asho “Ebin ariito taane” bi itaanona ciichii ariyoon hakkaache.

Isiyaasi 40:28

Ariyaano neene? Waayeyaano neene? Doono Yeeri bulli yemeenee Nuggishoone; showoo bullin hallito biine; maraateyaache; taahaache; bi gaboon maqqii shagon hakkemmo aalloone.

Yowannisi 3:8

Yongo biich kaamemmoochiye bi yongeebeeto; bi qaaroonoo waayehine; tunebaani amoochee bi waabeeto gaata, amooch bi hammiibeeto gaatoo ariyaachine. Yeerichi Ayaanoochee shiijjeto bulli ebiyoommone” iye.

Roomi 11:33

Yeerichi wojjee gaanno, shalligoonaa ariyoona am shaahoon woddete! Tuniiya bi maacciti mooyon koniyoona maqqiꞌi ariyoon hakkaache; bi gommonoo qaawii danoon hakkemmo aalloone.