Dojjecho 10:19 - Kafa Linguistics Project

¹⁹ Gifiroo asho miiccemmoyich tuniihe; woyinee uyoo ashoon emirikkiye. Gijjoo beegaata bulli mooyo beetone.

Dojjecho 10:19 ပူးပေါင်းရင်းမြစ်များ

Halloo 43:34

Yooseefi bi madeexi maayoochee boonoshi qoodi qoodoo ichemmoyich gettiye. Ebiyooba Biiniyaamich icheto, bareenaꞌo bullichoyee uuche kishoon beshoone. Boonoshiyoo boonoshi qettee wottoon maa uchiyeete. Ebiyoommi gommona Yooseefina tookkii emiriyeete.

2 Saameeli 13:28

Biyoo bi aafee bushiisheenaꞌoyich ishichiye: “Aminooni woyinee uyoon uchii michiꞌi, bi ashittino qeecon manjii ciinote; tawoo ‘Aminoonin wuxibote’ ta getigaata, wuxibote. Ebin ittoshi tuniyemmoyich getteto ta tunetoyich, shattaahote; maac kuxo tunebote; kupphebote” iye.

1 Kiinoo 21:24

Tunebaani taatoo Daawiti Orinaanich, “Ebi tuneyaache; ceeni bi gatiyoon qoccemmo taane; gatiyoon qocaanoon neechon Doono Yeerich deejjoon giddiyaache” iye.

Iziri 1:6

Boonoshi guudoona beetinaꞌo bulli boonoshi daaggoona boonoshi immiti wojjee toommooch daakkiꞌi, birewoochee shuuneeti qiicoon, aachoon, baribare qiicoon, gijjeenaꞌonaa aaxxe qiicoonon imona gaacheheete.

Nehimi 5:8

Boonoshich ishichiyo: “Aageteenaꞌoyich kecheti, Ayihudo tuneti no maneenaꞌon, nooch bi hakkeetoommon, biishehone; ittoshiyochi ittoshi maneenaꞌon ittoshi kemmiibeeto, wochinnoon no biishemmoyichiye?” iyaꞌa boonoshich getteho. Boonoshiyoo boonoshi gettemmon mucceꞌi cikkii qajjiyeete.

Asteeri 1:10

Taatoo gifiroon bi gedditi shabaattinnee qemooba, woyinee uyoon uchii bi ashittino qeeccimmona, guruusheenaꞌo tuneti shabaatte bi aafee bushiisheenaꞌo, Mehuumaani, Biziti, Haribooni, Bigiti, Abagiti, Zetaarinaa Karikaasinoyich ishichiye:

Shoddo 104:15

Ashi mulloon emirikkiibeeti woyinoon, achoon pherphelliibeeti huutoon, kupphiibeeti maayoon qanniihe.

Shoddo 112:9

Mulloochee tiijjiꞌi girechinaꞌoyich immiye; bi cadiqoo bulli yemeenoon beeyemmone; biyoo giidechonaa moogeetona tunemmone.

Dojjecho 2:3

Asheenaꞌo qamini boonoshi kashee yemeenooch boonoshi tuniyemmi gaawe mooyo amo gaata ta beeggemmi wottoon, ta shalligoona yaabeyaꞌa, ta ashittinoon woyinee uyoona emirikkoyich, yeexerittinoonoo yeshoyich ta mulloona qiicceho.

Dojjecho 9:7

Ebich and illa, ne maayoon emiroona mame; ne woyinee uyoonoo emiroona uye; ebiyoo Yeeri ne tuniyemmoyich bi qaawiti mooyone.

Isiyaasi 23:18

Giixoochee bi danemmi gijjoo bulli Doono Yeerich kechemmone; ebiyoo koteyaachemmone; bi shimo Doono Yeeri aafooch maddee beetinaꞌoyich, beshaa beshe maayoonaa gaawe tahoonooch heechemmone.

Isiyaasi 24:11

Woyinee uyo aalletoyich, asheenaꞌo addibaaboochaa cookemminaꞌone; emiroo bulli aalletone; emiroona wucwucoo showee toommoochee aalletone.

Maatiyoosi 17:27

Tunebaani boonoshich xugo no tuneyaachemmoyich, baharooch hamiree haashoon yeshe qamaaxiroon baharooch dufe; shiichii ne yecheti haashee kookkoon ne gaxxigaata, gijjoon danemmo neene; aroon daamiree neennaa taannochi gibiroon qoce” iye.

Maatiyoosi 19:21

Yesuusi “Deꞌoon tuno ne shunigaata, hamiree neech beeto bullin kemiree iriteetinaꞌoyich imbe. Neech shimaajji kexooch kiceeree beeyemmone. Aroyee gubb waaree taan dabbibe” iye.

Luqaasi 12:19

Ta kasheenoo “Ta kasheene, meeti yemeenooch beddemmi wodde adduunoo neech kiceetone; kashebe, mame, uye, emiribe” gettemmo taane’ iye.

Luqaasi 16:9

Ta ittoshich gettoye: Hini showeexi gaanno ciyigaata, bulli yemeenoon ittoshi beeyemmi gamini Yeerichi kexooch ittoshi giyiyooba arooch beetinaꞌo emiremmoyich, are ittoshi gaannoona deꞌe shuunoon shuuneree ashoona tookki xibebote.

Luqaasi 8:3

taatoo Heroodisichi kechi guudo Kuuzi mechee Yowani, Susaaninaa bare meeti genneenaꞌona boonoshi gijjoona Yesuusinaa bi dabbeenaꞌonon deggii beeheete.

Mishiraachechinaꞌo 11:29

Arooba Yesuusichi dabbeenaꞌo boonoshi qelli qelloona boonoshi hakkee wottoon gijjoon kichiꞌi, Yihudee showooch beeti maneenaꞌoyich daachiya echeeheete.

Mishiraachechinaꞌo 2:45

Boonoshi showoonaa boonoshi hajjitonon kemmiꞌi, ashich qaawiitoommon qoodii beeheete.

1 Pheexiroosi 4:3

Yeerin ariyaani asheenaꞌo tunii beetoommon, yeelliibeeti kaayo, meechi qaatoo, masho, qelloon battiibeeti duubo, beshiiꞌi uyonaa tiyaariibeeti gommona shahalloyich goyinnoona ittoshi beshiiti yemeeno illa beddiye.

Woraaferasheenaꞌo 14:10

Samsooni nihoo busheechi kexooch hammiye. Samsooniyoo gurimaasheenaꞌo doyiti doyoommon, arooch gaaroon geddiye.

Woraaferasheenaꞌo 9:13

“Woyinee qomboo wochiꞌi, ‘Nuggisheenaꞌonaa asheenaꞌonon emirikkiibeeti woyinee uyoon imon qayiichi, mixinaꞌo toommooch yaaddeya hambote?’ iye.

1 Saameeli 25:36

Abigeli Naabaal waan wottaa bi waahaa, taatee gifiroommi gifiroon geddiꞌi kexooch bi beetaa danahan. Biyoo oogichii bi mashetoyich, emiree toommoochiye bi beeto. Ebich showoo harimmi wottoon amoonolla biich getaaneene.