Dojjecho 10:12 - Kafa Linguistics Project

¹² Mullechochi noonoochee kechiibeeti qaaro biin oogiihe; tunebaani mullaalloochi noonoochee kechiibeeti qaaro biin aalliihe.

Dojjecho 10:12 ပူးပေါင်းရင်းမြစ်များ

2 Saameeli 1:16

Uro batt qitaan beetaa, Daawiti biich ishichiye: “Doono Yeeri huuttiton wuxito ne tunoon ne hajjee noonoona miixeto neene. Ne damoo ne toommooch tunebe” iye.

Iyoobi 16:5

Ta yibbaatoona ittoshin goggiyoon hakkesho taane; ta gettaabeeti mooyona qaaqqoochee ittoshin kashiyoon hakkesho taane.

Shoddo 140:9

Taan giichiichii qelloon qeeqqerii beetinaꞌo, boonoshi koceyoo boonoshi toommooch wottebe.

Shoddo 37:30

Cadiqe ashi noonoo ariyoon yibbaatehe; bi heciyoo dayinnetoon yibbaatehe.

Shoddo 64:8

Boonoshi yibbaatoochee tiyitona aalloon boonoshi toommooch deebemmone; boonoshin beegimmo bulli qelloon qeeqqeriyemmone.

Shaahiyoo 10:10

Aafoona xayishiibeeto, iritoon deebiye; tunebaani xalla kaareebeeto, diggoon daniihe.

Shaahiyoo 10:8

Mullechi asho getoon waayehe; tunebaani heefinniibeeti tuushoo aallemmone.

Shaahiyoo 12:18

Diqqoona yibbaateeti yibbaatoo, goraadoochoommon mayiihe; tunebaani mullechi ashi yibbaatoo wodiihe.

Shaahiyoo 15:2

Mullechochi heciyoo ariyoo shunneyemmoyich tuniihe; tunebaani mullaalloochi noonoochee tuushoo kechiye.

Shaahiyoo 15:23

Tatoona wocheeti wochoo ashoon emirikkiye; qaaweeti goorooch getteeti qaaro am shaahe gaawetone!

Shaahiyoo 19:5

Koote miixecho sheereyoo qayaachemmone; koote yibbaatechoo sheeroochee muricaachemmone.

Shaahiyoo 22:11

Mulli xalloo tunoon shunniibeeto, gaawe yibbaatechoo, taatoona shunecho tunemmone.

Shaahiyoo 26:9

Mullaallo shaahiyoona bi yibbaato, mashecho bi kishooch giyiti angixon kichiya bi qiiccoommone.

Shaahiyoo 31:26

Shalligoona yibbaatehan; shoodoona ashoon ciiccahan.

Dojjecho 12:11

Shalligechochi yibbaatoo guxechi gumboommone; bi kiciti shaahiyeenaꞌoo aci misimaaroomminaꞌone. Eboshi ichetoo ikke Qiddoo waaneeniye.

Dojjecho 4:5

Bi kishoon tiqqeꞌi koteebeeti yeexeroo, shaacoona qitiye.

Dojjecho 5:2

Ne yibbaatoona afaafineyaahine! Yeeri aafooch amee mooyonona getoyich ne mulloona afaafineyaahine! Yeeri beeto shimaayooch ne beeto showooch bi tunetoyich, ne yibbaatoo giishecho tunebe.

Dojjecho 5:6

Ne yibbaatoo neen axaaxooch bi bechemmoyich tuniyaahine! Qeeshoyich “Ta mookketo muriccaꞌaniye” gettaahine! Yeeri ebi ne yibbaatoona kaareree ne shuunoon aalliyemmone.

Dojjecho 9:17

Mullaalleenaꞌochi iitee daggoochee waayeebeeti taatoochi cookee qaaroyee, dechiitee yibbaateebeeti, shalligechochi qaaroon waayo gaawiye.

Maatiyoosi 12:35

Deꞌe asho bi mullooch bi kotiiti deꞌe mooyoochee deꞌoon kichiye. Gonde asho bi mullooch bi kotiiti gonde mooyoochee gondoon kichiye.

Luqaasi 19:22

“Arooba doono tiyiꞌi, ‘Hini gonde wochee bushoocho! Ta shoohaanoochee qeccaabeeti, ta bushaanoochee shafiraabeeti, maacmanje asho ta tunoon ariitine? Ishigaata, ne getteti ne noonoo ne toommooch nallitone.

Luqaasi 4:22

Asheenaꞌo bulli “Bi gettito iberoone” ii beeheete. Bi noonoochee kechiibeeti yibbaatee shaawon worganeꞌi, “Hini uro Yooseefichi bushoo toone?” iyeete.

Efesooni 4:29

Waayee beetinaꞌoyich diiroo tunemmi, asheenaꞌon eenniyemmi, boonoshichoo gaaccemmi gaaweti mooyon getotalli, amee gonde mooyolla ittoshi noonoochee kechaaye.

Qolaasiyaasi 4:6

Boonoshi ikkikkoyich aabichiree tatoona ittoshi wochemmo gaata ittoshi ariyemmoyich, ittoshi yibbaatoo bulli aaboon kiihochoommon nooccii beetonaa emirikkii beetona tunebe.