Daaneeli 9:7 - Kafa Linguistics Project

⁷ “Ta Doonocho, ne, cadiqo neene. Tunebaani no hanaach yeelleto noone. Ebiyoo Yihudee asheenaꞌonaa Yerusaalem beeti asheenaꞌona, katinoonaa wohonooch boonoshin ne shacceti showoo bulliich beeti Israꞌeelee asho no bulliyoo neech gibeneeto tunoon no qajjetoyichiye.

Daaneeli 9:7 ပူးပေါင်းရင်းမြစ်များ

Iziri 9:13

“Tunebaani no Nuggishoocho, no shuunee gondoonaa no axaaxee naboona ebi bulli tunetoyee gubb, no axaaxee woddoommon noon naxeyaano neene; ebiyoommi curoon nooch echiitine.

Iziri 9:15

Israꞌeelee Nuggishoo Doono Yeero, ne cadiqo neene; ebich hanaach wodaꞌa, curo tunaꞌa echeto noone. Ebiyoche, no axaaxoona tookkaa ne aafooch giddeto noone; no axaaxee naboona koniyoona ne aafooch neexoon hakkaanoone” iyo.

Nehimi 9:33

Gibeneeto tunaꞌa ibere mooyon tuniito neene; tunebaani no, axaaxoon shuuneto noone; ebich no toommooch shaggiti iritoo bullich, ne cadiqo neene.

Shoddo 119:137

Doono Yeero, ne cadiqo neene; ne dayinneto dabaalloone.

Shoddo 44:15

Heeyo bullin cooneehoye; yeello ta aafoon kaappitone.

Shoddo 51:14

Taan Wodiyechi Nuggishoo Yeero, damee ukkee gondoochee taan wodiibe. Taan ne wodiyoon ta qaaroon oogichiree shoddemmo taane.

Shoddo 51:4

Ta xuqqeto neen, halla neen baachiye; ne aafoochaa gonde mooyon tuniihoye; ebich gondeto ta tunoon ne getonaa ta toommooch ne nalloona tatoone.

Isiyaasi 11:11

Arooba Doono wochinnoon bi kishoon yaggiree, curo tunee echeti bi asheenaꞌon Asooree showoochee, Gibitsee showoochee, Phaxiroosee showoochee, Topphiyee showoochee, Elaamee showoochee, Baabloonee showoochee, Hamaatee showoochee, baharee gashoonaa buure showoonoochee kicemmone.

Isiyaasi 45:16

Shahalloon shuunee beetinaꞌo bulli, yeellemminaꞌone; giishemminaꞌone.

Erimiyaasi 12:1

Doono Yeero, neenna ta taggeti aabo bullin, ne cadiqo neene; tunebaani ne dayinnetee mooyon eke echebona; axaaxechinaꞌochi gommo kaameebeeto amoyichiye? Dawushechinaꞌo bullich beemo gaaweebeeto amoyichiye?

Erimiyaasi 23:6

Bi taatee yemeenooch Yihudee asheenaꞌo wodemminaꞌone; Israꞌeeleenaꞌo keqqaalloon beeyemminaꞌone. Bi ceeggeyemmoo ‘No Cadiqoo Doono Yeeri’ getenane.

Erimiyaasi 24:9

Showee taatittino bulliichaa, wuche getteetinaꞌo tuniyemmo taane; boonoshin ta yookketi xaaꞌoo bulliichaa tocheyoyich, shixxeyoonaa ufonoyich tuniyemmo taane.

Erimiyaasi 3:25

Wonnee tiijjaꞌa hanaach beddaahaa, noonnaa no qaabbechinaꞌona no Nuggishoo Doono Yeeri toommooch axaaxoon no shuunetoyich, no Nuggishoo Doono Yeerichi qaaroonoo waayo no qajjetoyich, no yeelloon beeroochoommon heci, no cooneyoonoo qoreddoochoommon ukeree, qebone.

Erimiyaasi 32:32

Ebiyoo Israꞌeelee asheenaꞌonaa Yihudee asheenaꞌona, boonoshi taateenaꞌonaa boonoshi ukkireenaꞌona, boonoshi qeesheenaꞌonaa boonoshi keemechinaꞌona, Yihudee asheenaꞌonaa Yerusaalem beetinaꞌona, boonoshi tuniiti gonde mooyo bullina taan boonoshi ippiitoyichiye.

Erimiyaasi 33:16

Ebiyoobee yemeenooch Yihudee showeexi maccoo wodemmone; Yerusaalemi katemeexi asho diggoona beeyemmone; katemoo ceekkemmo ‘Doono Yeeri No Cadiqoone’ getenane” iye.

Erimiyaasi 4:17

Ta toommooch hukkoon boonoshi tiijjitoyich budeexi maayoon quyeebeeti asheenaꞌochoommon Yerusaalemin giichemminaꞌone” iye Doono Yeeri.

Erimiyaasi 7:19

Ebi ta ippemmoyich tuniyoyichiye? Boonoshi gondiibeeto, boonoshi toommooch yeelloon boonoshi deebiibeeto, boonoshi qellichiye, iye Nuggishoo Doono Yeeri.

Hiziqeeli 16:63

Ne tuniiti mooyo bullin echebe ta iyooba ne xuꞌo neech bi tipphiimmona yeellemmi neene; yeellee naboona wochinnoon noonoo wochaachemmi neene, iye Nuggishoo Doono Yeeri’ gete” iye.

Hiziqeeli 36:31

Gonde ittoshi gommonaa gaaweyaani ittoshi shuunoonon gabemmo ittoshine; ittoshi xuꞌoonaa ittoshi eeꞌoonoyich ittoshin wochi ciigemmo ittoshine.

Hiziqeeli 5:10

Ebich ittoshi daggoochaa niheenaꞌo boonoshi bushiisheenaꞌon, bushiisheenaꞌo boonoshi niheenaꞌon maayemminaꞌone; eechiree ittoshi toommooch nallemmo taane; ebiichee muriccii echemmon yongee toommooch shaccemmo taane.

Hiziqeeli 6:12

Wohooch beeto biiyoona qitemmone; katinooch beeto ginoona dihemmone; aroochee muriccii wodito shaacoona ciiremmone; ta kaaroona ebiyoommi mooyon boonoshi toommooch tuniyemmo taane.

Daaneeli 9:14

Ebich no Nuggishoo Doono Yeero, naxoon no toommooch qanniiꞌa deebehine. Ebin ne tuniito, ne getteton deꞌa iyaꞌa waayo no qajjetoyichiye; wottoo ne tuniibeeti mooyo bullina cadiqo ne tunetoyichiye.

Daaneeli 9:18

Ta Nuggishoocho, ne waamon gaꞌiiree waayebe; ne aafoon gaxxiree no xuuxoonaa ne shigo beeti katemoonon ciine. Ebi qolloon ne aafooch no giddiibeeto, cadiqo no tunetoyich tuneyaanoon, ne maaree woddoyichiye.

Daaneeli 9:8

Doono Yeero, noonnaa no taateenaꞌona, no iraasheenaꞌonaa no qaabbechinaꞌona ne toommooch axaaxoon shuunoona neen no xuqqetoyich, yeelleto noone.

Amootsi 9:9

Illa ebiyoche, maayo gemoona woqqeyoommon, ta getoona Israꞌeeleenaꞌo woqqeyemmoyich tuniyemmo taane. Woqqaa keyiree aageteenaꞌo daggooch shacceyemminaꞌone; butto maayoochee sheqqetaa keyoommon gonde asheenaꞌo sheqqetaa kechemminaꞌone.

Roomi 6:21

Illa hanaach ittoshi yeelleebeeti mooyinaꞌoochee arooba amee gaacoonolla daneyaano ittoshine. Ebi mooyinaꞌo ciiroochaa qitoochiye boonoshi shakkiibeeto.

Yibbaatoo 32:4

Biyoo Xaqqee Inderoone; bi shuunoo muricaalloone; bi gommo bulliyoo kaamoone. Muricaalli gibeneeti Nuggishoo, kaamoonaa cadiqoonane.

Yibbaatoo 4:27

Doono Yeeri aagetee asheenaꞌo daggooch ittoshin shaccemmone; ebi bi shacciti asheenaꞌo daggooch haddoona giishechoon tune echemmo ittoshine.