Daaneeli 9:26 - Kafa Linguistics Project

²⁶ Shichaa gutte kaallee shabaatte natoyee gubb, Huutteton wuxemminaꞌone; amolla biich echeyaachemmone. Woyemmi taatoochi ginee naayinaꞌo are katemoonaa yaafee kexonon aalliyemminaꞌone. Bi ciiroo ambamboochoommon diqqoona woyemmone; Yeeri gettiti ginoonaa aalloona ciirooch beddaahaa tunemmone.

Daaneeli 9:26 ပူးပေါင်းရင်းမြစ်များ

2 Saameeli 21:5

Boonoshiyoo taatoyich wochiꞌi ishichiyeete: “Noon ciichiti uroochi, Israꞌeelee showoo bulliich xaaꞌoon no muccemmoyich tuniiꞌi noon aalliiya qaawiti,

Shoddo 22:15

Ta giidoo shuuqqii gochoon shaahiye; ta heciyoo ta killooch xaaqqeehe; qitee buttooch taan duppehine.

Isiyaasi 28:2

Doono Yeeri, baderee yattoommi, aalliibeeti yuboommi, ceenniti giidechi aacoommi, hakkechonaa kupphoona tuneti ashoon qanniitone; ebi asho boonoshin showooch curulliyemmone.

Isiyaasi 28:22

Beshe Mawe Nuggishoo Doono Yeeri no showoo bullin aalliiya maaccito bi tunoon ta waayetoyich, cooqqiroon qayote; ebi tuno qayigaata ittoshi cucheti cuyo manjemmone.

Isiyaasi 53:8

Dayinnetaalloon bi toommooch nalliꞌi daammiyeete; ta asheenaꞌochi axaaxee qoodoyich yexxeꞌi, kashechinaꞌo beeti showoochee bi aalloon, shiijjeree daggoochee konine ariito?

Isiyaasi 8:7

Doono ta, Asooree taatoon giidechi bi ginee naayinaꞌona tookki boonoshi toommooch deebemmo taane; Efiraaxisi aaco ceenniꞌi bi gaagemoon capphii ufoommon, ufebee woyemmone;

Erimiyaasi 46:7

“Abbaayi aacochoommon phicee beeto; ceennii aphireebeeti ooge aacochoommonoo oriheebeeto, konine?

Erimiyaasi 51:42

Baharo Baablooni toommona woccemmone; aachi aayonoo qoochemmone.

Daaneeli 11:10

Sooriyee taatoochi anaami bushiisheenaꞌo koyeya qanniree, dofee ginee naayinaꞌon kicemminaꞌone. Boonoshi daggoochee ikkoo hidii daammiibeeti ambamboochoommon diqqoona bi ettoochi xaqqee uxerooch beddaahaa shagiree koyemmone.

Daaneeli 11:17

Biyoo bi taatee showooch beeti, bi ginee naayinaꞌo bullin yeshiree woya maaccemmone. Gibitsee taatoona tookki wogoon giyemmone. Ebi taatittinoon aalliyoyicha getiree, bi busheen Gibitsee taatoyich shaakkiyemmone; tunebaani ebi bi gaboo ceenaachemmone.

Daaneeli 11:22

Bi aafooch neexemmi ginee naayo taane ito bullin, qeeshee guudooch beddaahaanona, diqqoona ambamboochoommon shagi hidiree aalliyemmone.

Daaneeli 11:36

“Ebi Sooriyee taatoo bi shunniton shuunemmone; nuggisheenaꞌoyee damba bi qelloon oogiyemmone; nuggisheenaꞌochi Nuggishoo toommooch naagee yibbaatoon yibbaatemmone. Yeeri gabito bulli tuno echeyaano bi tunetoyich, Yeerichi kaaree yemeeno tunemmi wottoon ebin tunii beeyemmone.

Daaneeli 9:27

Are taatoo meeti aageteenaꞌona tookki shabaatte nati wottoon bi wogoon manjiyemmone. Ebi yemeenee qato shagiyooba, deejjoonaa buuroonon echiyemmone. Aalloon deebemmi eeꞌoon yaafee kechi guummooch bi gedaa, arooch beeyemmone. Ebiyoo arooch bi beeyemmo, aalliyecho toommooch Yeeri gettiti nalloo kindimmi wottooniye” iye.

Hosee'i 1:9

Aroochee Doono Yeeri “Ta asheenaꞌo tuno ittoshi qajjitoyich, tawoo ittoshi Nuggishoo tuno ta qajjetoyich, bushoon Lo Ami geti shigiibe!

Amootsi 8:8

Ebich showoo qewemmoyich tuniyemmo taane; showee toommooch beeto bulli eefemmone. Showoo bulli shuuremmone; Abbaayi aaco phiceyoommon kaama tiyi kindibee phiceyemmone” itone.

Amootsi 9:5

Beshe Mawe Nuggishoo Doono Yeeri showoon bi yeshaa, muujjemmone; showee toommooch beeto bulli eefemmone. Showoo bulli Abbaayi aaco phiceyoommon kaama tiyii kindibee, phiceyemmone.

Naahoomi 1:8

Guubbiibeeti ambamboochoommon, bi etteenaꞌon ciroona aalliyemmone; bi etteenaꞌon maash daachiyemmone.

Maatiyoosi 22:2

“Shimaajji taatittine ebiyoommine: Ikke taatoo bi bushoochi gaaroyich gifiroon qanniihe.

Maatiyoosi 22:7

Taatoo ebin waayeꞌi oogichii kaarehe; bi naayinaꞌon daachiiꞌi are wuxitinaꞌon wuxiihe; boonoshi katemoonoo michiihe.

Maatiyoosi 23:38

Ebiyoche, ittoshi kexo onoo tuneree shokko echemmone.

Maatiyoosi 24:2

Tunetaa biyoo wochiꞌi, “Eboshi bullin beeggii beetote? Iberoon ittoshich gettoye: Hini xaqqeenaꞌo happeyaanoon xaqqo xaqqee toommooch keddeeree ebina beetaachemminaꞌone” iye.

Maariqoosi 13:2

Yesuusi wochiꞌi, “Hini ogooge xaqqee kexinaꞌon beeggaa beetine? Etto kishoona happeyaanoon xaqqo xaqqee toommooch keddeeree ebina beetaachemmoone” iye.

Maariqoosi 13:7

Ginee koyoonaa ginee woroonon ittoshi waayehooba keqqiyaahote. Ebi tuno echeyaachemmone; tunebaani yemeenee ciiro bekkech tuneyaachemmone.

Maariqoosi 9:12

Biyoo wochiꞌi boonoshich ishichiye: “Iberoone; Eliyaasi shiichiree woyemmone; waaree bulli mooyon tachemmone. Tunetaa Ashi Bushoo wodde xuuxoon beeggemmo, hoxeyemmoo bi tuno bi kooreeto amoyichiye?

Luqaasi 21:24

Goraadoona qitemminaꞌone; kecceree aagetoo bulliichoo shacemminaꞌone; ebi are boonoshin kecciti Aageteenaꞌochi yemeeno ciiremmi wottoonoo Yerusaalemin yiikkeree neexi hajjemminaꞌone” iye.

Luqaasi 21:6

Yesuusi “Hini ittoshi beeggiibeeti mooyo bulli happeyaanoon xaqqo xaqqee toommooch keddeeree ebina bi beetaachemmi yemeeno woyemmone” iye.

Luqaasi 24:26

Kiristoosich hini xuuxoon beego, oogee yiiree xaaꞌoochoo gimo qaawiyaache?” iye.

Luqaasi 24:46

Boonoshich ishichiye: “ ‘Kiristoosi xuuxoon beeggemmone; bi keejje qemooba qitoochee tiyemmone.

Yowannisi 14:30

Hini alemoon hajjiibeeti taatoo waabeeto bi tunetoyich, ebiyee gubb, ittoshina tookki woddii yibbaateyaachemmo taane. Tunetaa aroo taan hajjoon hakkaachemmone.

2 Qorontoosi 5:21

Kiristoosicho no tunoona Yeerichi cadiqoo no toommooch bi tunemmoyich, axaaxoon shuunee ariyaano toommooch Yeeri no axaaxoon shaakkiihe.

Galaati 3:13

“Mixooch yooddeebeeto bulli uppetone” getaa kooreetone; ebich Kiristoosi noocha iꞌi uppeton tuneꞌi sheeroo no toommooch deebemmi ufoochee noon biishehe.

1 Pheexiroosi 2:21

Yeeri ittoshin bi ceeggito ebichiye. Wotta Kiristoosi bi qelloona ittoshicha ii xuuxoon beeggiꞌi, bi hilloon dabbibee, bi shuunetoommon ittoshi shuunemmoyich ittoshich bekkiitone.

1 Pheexiroosi 2:24

Axaaxoyich qitiree cadiqee shuunoon shuunebee no beeyemmoyich, bi qelloona bi meenona michi toommooch yooddeꞌi no axaaxoon shaaggiye; yexxeꞌi bi mayetoyich, wodito ittoshine.

1 Pheexiroosi 3:18

Ebiyoommon Kiristoosi Yeer waan noon giddiyoyich, bi qelloona bi cadiqo tuneebee, hukkechinaꞌoyich ikke wottoon ashi axaaxee naboona xuuxoon beeggiꞌi qititone; meenona qitiye; tunebaani ayaanoona beeyechon tunehe.