Daaneeli 9:24 - Kafa Linguistics Project

²⁴ “Xuꞌee shuunoon neechoyich, axaaxee shuunoon bayoyich, gonde shuunoon maariyoyich, bulli yemeenee cadiqoonoo deeboyich, yaaꞌoonaa keemoonon hiconaa yaafee kexon huutonoyich, ne asheenaꞌonaa ne yaafe katemeenoyich shabe kaallee shabaatte naton Yeeri maaccitone.

Daaneeli 9:24 ပူးပေါင်းရင်းမြစ်များ

2 Kiinoo 29:24

Taatoo, micciibeeti deejjoonaa axaaxee deejjoona Israꞌeeleenaꞌo bullich bi giddemmoyich bi gettitoyich, qeesheenaꞌo emmisheenaꞌon guuriꞌi, Israꞌeeleenaꞌo bullichi axaaxoon bi maariyemmoyich, axaaxee deejjoon tuniiꞌi, damoon deejjee gudee toommooch giddiiheete.

Shoddo 2:6

“Yaafee ta geppoo Tsiyooni toommoochaa ta kaacceti taatoon ukkiriito taane” gettemmone.

Shoddo 45:7

Cadiqoon shunnehine; gonde mooyon shixxehine; ebich ne Nuggishoo Yeeri ne nuucheenaꞌoyee ne beshemmoyich, neen oogiiꞌi emiree zayitoona huuttiye.

Isiyaasi 42:4

Dayinnetoon showee toommooch bi tuniimmi wottoon, taahaachemmone; gibenoon kuxaachemmone; baharee gashoonaa buure showoonooch beetinaꞌo bi sheeroon waayoyich qaatemminaꞌone” iye.

Isiyaasi 51:6

Ittoshi aafoon kaachiree shimaayooch ciinote; dugilla showoochoo ciinote. Shimaayoo cufoochoommon naayi aallemmone; showoo qoreddoochoommon geenemmone; arooch beetinaꞌoo mattoochoommon qiti ciiremminaꞌone; tunebaani ta wodiyoo bulli yemeeneechone; ta wodiyoyich ciiro aalloone.

Isiyaasi 51:8

Tahoochoommon pilo boonoshin maayemmone; bagee eexochoommon hipperoo boonoshin maayemmone; tunebaani ta cadiqoo bulli yemeenooch beeyemmone; ta wodiyoo bulli shiijjerooch beeyemmone” iye.

Isiyaasi 56:1

Doono Yeeri ishichiye: “Ittoshin ta shiwe wodiyemmi aabo katinnito bi tunetoyich, dayinnetoon quyebote; tate mooyon tuniibote.

Isiyaasi 61:1

Nuggishoo Doono Yeerichi Ayaano ta toommoochiye; neexaa hajjeetinaꞌoyich mishiraachoon ta gettemmoyich, Doono Yeeri taan huuttitone; boonoshi mullo tiishetinaꞌon ta guuccemmoyich, keccetinaꞌoyich gawukkeyoon, cuchetinaꞌoyich biicheyoon ta awaajjemmoyich taan deejjitone.

Shoosho 4:22

Tsiyooni asheenaꞌote, ittoshi xuꞌee naxo ciiretone; Doono Yeeriyoo ebiyee bekk ittoshi kecceyemmoyich tuniyaachemmone. Tunebaani Edoomi asheenaꞌote, ittoshi xuꞌoyich naxeyemmo ittoshine; ittoshi axaaxoo xalla bekkemmone.

Hiziqeeli 28:12

“Ashi bushoocho, Xiroosi taatoyich shooshebe: Nuggishoo Doono Yeeri ta gettaa beeton ishichi biich gete: ‘Ariyoona ceenneto, malleteechi gaawe shaahiyoo neene.

Hiziqeeli 4:5

Axaaxoon boonoshi shuuneti natinaꞌochi haddoona keejje ballaa yixene qemon neech qociito taane; ebina Israꞌeelee macceenaꞌochi axaaxoon shaaggemmo neene.

Hiziqeeli 4:6

“Ebin ne ceechitoyee gubb wotta ne qanne naaboona tokketeree Yihudee macceenaꞌochi axaaxoon shaaggemmo neene; ikke natoyich ikke qemon tuniyoona aabbe qemon neech qociito taane.

Leweenaꞌo 25:8

“ ‘Shabaatte kaallee shabaatte naton, ebiyoo aabbaa yiixiye naton haddibe.

Leweenaꞌo 8:15

Muusiyoo ebi wuron guuriye. Damoochee daammii, bi yapheroona deejjee gudee guuxxi guuxxooch beeti qareenaꞌooch huuttiꞌi deejjee gudoon xalliihe. Echeti damoon deejjee gudee baatooch ukkiye. Deejjee gudoon eechii xalliiꞌi yaafiye.

Zakaariyaasi 4:14

Biyoo taach “Eboshi showoo bullichi Doonoyich maddeya huutteeti gutte asheenaꞌone” iye.

Haddoo 14:34

Aabbe qemon, showoon ittoshi qiidditi haddoommon, ikke qemoyich ikke naton tuniitaa aabbe naton xuuxemmo ittoshine; ta kaaroonoo ariyemmo ittoshine.

Maatiyoosi 1:21

Anaami bushoon shiyemmine; aroo bi asheenaꞌon boonoshi axaaxoochee wodiyemmo bi tunetoyich, bi shigoon Yesuusi getiree shigiyemmo neene” iye.

Maatiyoosi 11:13

Keemechinaꞌonaa Muusichi Sheeroona Yowannisi yemeenooch beddaahaa keemoon keemmii beeheete.

Maatiyoosi 4:5

Ebiyee gubb, daabiloosi Yesuusin yaafe katemoo Yerusaalem daammii, yaafee kechi guummooch kichii neechiꞌi ishichiye:

Maariqoosi 1:24

Biyoo “Naazireetechi Yesuuso, no mooyooch neen amo geddiye? Noon goochiiya waanne? Koni ne gaata ariibeeto taane; Yeerichi yaafoo neene” iꞌi cookiye.

Luqaasi 1:35

Wotta hini are maraakoo wochiꞌi ishichiye: “Yaafe Ayaano ne toommooch woyemmone; Beshoo Yeerichi giidoo ne toommooch yiiremmone; ebich wotta ne shiyemmi bushoo yaafoo getteyemmone; ‘Yeerichi Bushoo’ getteyemmone.

Yowannisi 1:41

Biyoo Yesuus waanee kechii hammii shiichii bi hajjee manoo Simoon waan shaggii, “Masihin daneto noone” iye. Masihi geto “Kiristoosi” getone.

Yowannisi 3:34

Yeeri bi Ayaanoon bi immiibeeto qeelleꞌi tuno bi qajjitoyich, Yeeri wocheto, Yeerichi wochoon gettii beetone.

Mishiraachechinaꞌo 3:14

Tunetaa yaafoon, cadiqoonoo nookkeechii, ashoon wuxiton ‘Nooch biishe’ iꞌi Phelaaxoosin qollehote.

Mishiraachechinaꞌo 3:22

Muusi no qaabbechinaꞌoyich ishichitone: ‘Doono Yeeri taan bi tiijjoommon, ittoshi maneenaꞌo daggoochee keemechon tiijjemmone; bi gettimmo bullin waayebote.

Mishiraachechinaꞌo 4:26

Doono Yeerinaa bi doonjiiti Kiristoosinon kocha showee taateenaꞌo tiyiyeete; ukkireenaꞌoo kiceeheete’ ito neene.

Roomi 5:10

Yeerichi shixecho tunaꞌa no beetaa, bi bushoochi qitoona Yeerina tookkaa shuneto noone; illa and no shunetoyee gubb, Kiristoosi kashecho bi tunetoyich, wodemmo no tuno manjoone.

1 Qorontoosi 1:30

Tunebaani Yeeri ittoshin Kiristoos Yesuusina tookkii ikkochitone; ebich Yeeri biin nooch shalligoo, cadiqoo, yaafoonaa biishechona tuniitone.

Qolaasiyaasi 1:20

masqalooch ufeti ebi bi Bushoochi damoona diggoon tuniiꞌi, showooch tuneba shimaayooch beeti mooyo bulli biinna tookki shunemmoyich tuniihe.

Qolaasiyaasi 2:14

No toommooch beechii, noon taggeebeeti hiishee woraqatoon bi sheeroona tookkii hidii aalliihe. Are hiishee woraqatoon masqalee toommooch xogiꞌi wokkiihe.

Hibireena'o 10:14

Ebiyoo, ikke deejjoon Yeerich giddiyoona boonoshi axaaxoochee Yeerich yaafee beetinaꞌon bulli yemeenoon axaaxaalleenaꞌon bi tuniitoyichiye.

Hibireena'o 2:17

Ebich asheenaꞌochi axaaxoon maariyoyich, Yeerich bi maddoona ariqqechonaa gibeneetona tuneti qeeshee guudo bi tunemmoyich, mooyo bullina bi maneenaꞌon shaahoo biich qaawiitone.

Hibireena'o 7:26

Yaafoo, bachaallo, muricaallo, axaaxechinaꞌoyee barito, shimaayoyee damba kechito, ebiyoommi qeeshee guudo nooch qaawiihe.

Hibireena'o 9:26

Ebi tunesho gaata, hini alemo halleetoochee tiijjiree, wodde wottoon xuuxoon beego biich qaawiyeshone; tunebaani and yemeenee ciiro katinaa, bi qelloon beshii deejjoon tuniiꞌi, axaaxoon wokkiiya koshiyoo aalli ikke wottoon bekketone.

2 Pheexiroosi 1:1

Yesuus Kiristoosichi guunonaa mishiraachechona tuneti Simoon Pheexiroosi waanee, No Nuggishoonaa noon Wodiyechona tuneti Yesuus Kiristoosi cadiqo bi tunetoyich, Kiristoosi toommooch nooch beeti, aaxxoo tuneti mullee tooꞌiyoon no danetoommon danetinaꞌoyich:

1 Yowannisi 3:8

Tunebaani axaaxoon shuuneebeeto daabiloosi magechone. Daabiloosi shiichoochee tiijjiꞌi axaaxoon shuunee beetone. Yeerichi Bushoo bi waato daabiloosichi shuunoon happoyichiye.

Yaaꞌoo 14:6

Ebiyee gubb, showee toommooch beetinaꞌoyich, aagetoo bullich, ashi yoodo bullich, baribare noonoona yibbaateebeeti asheenaꞌo bullich, ashi yaroo bullich bi gettemmi, bulli yemeenooch beddaahaa tunemmi mishiraachee qaaroon yechiti bare maraakoo shimaayoona yoobbii bi beetaa beeggeho.

Yaaꞌoo 3:7

“Filaadelifi kittinnee guuphi maraakoyich ishichi kooribe: Yaafoonaa iberoona tuneto, Daawitichi qulfoon yechito, bi qechiton koniyoona hicaano, bi hicciton koniyoona qechaano ishichiye: