Daaneeli 9:23 - Kafa Linguistics Project

²³ Ne, oogeton shucheto ne tunetoyich, corootooch ne giyiyooba, Yeeri ne qolloon waayetone; tawoo ebin neech getta waato taane. Ebich ebi mooyon gabibe; yaaꞌoonoo shalligibe!

Daaneeli 9:23 ပူးပေါင်းရင်းမြစ်များ

2 Taateenaꞌo 19:20

Aroochee Amootsi bushoo Isiyaasi Hiziqiyaasich ishichiꞌi wochoon daachiihe: “Israꞌeelee Nuggishoo Doono Yeeri ishichiye: ‘Asooree taatoo Senakireebichi naboona ta waan ne corootiti corootoon waayeto taane’ iye.

Shaahiyoo 15:8

Gondeenaꞌochi deejjoo Doono Yeeri aafoochaa ciigeetone; tunebaani kaameenaꞌochi corooto biin emirikkiye.

Solomooni 7:10

Ta, shiiqqichi taane; bi qaatiibeeto taaniye.

Hiziqeeli 14:14

ebi keejje asheenaꞌo Noohi, Daaneelinaa Iyoobina arooch boonoshi beetaanona, boonoshi cadiqittinoona boonoshi wodiyemmo boonoshi qelloon baachiye; ebin getteto Nuggishoo Doono Yeeri taane.

Hiziqeeli 24:16

“Ashi bushoocho, kashkuxoon ne shunnaabeeti mooyon naxoona daammemmo taane; newoo muushene eeppaahine; ne acimoonoo ukkiyaahine.

Hiziqeeli 26:12

Ne gaannoon keccemminaꞌone; ne giixee qiicoon boggemminaꞌone; ne xaqqee uxeroon dichemminaꞌone; ne emiriibeeti ne kexinaꞌon happemminaꞌone; ne xaqqeenaꞌon, ne mixinaꞌonaa ne buriceenaꞌonon baharee daggooch duppemminaꞌone.

Daaneeli 10:1

Faariisee taatoo Qiroosi taatehoobee keejjinnee natooba, Belxesoori getteeti Daaneelich Yeeri ikke mooyon bekkiihe. Ebi mooyo iberoone; ebiyoo ooge ginee mooyone. Ebi mooyon bi shalligemmoyich yaaꞌoona biishaa getteehe.

Daaneeli 10:19

Biyoo ishichiye: “Oogeton shucheti uroocho, shattaahine; diggoo neech tunebe; kupphebe; manjibe” iye. Ebin bi gettimmona, tawoo kupphaꞌa, “Ta doonocho, taan kupphiito neene. Illa getta ne qaawiton gete” iyo.

Daaneeli 6:3

Daaneeli bariti ayaanoona ceenniti asho bi tunetoyich, biinna tookkii iraasheti iraasheenaꞌonaa bare iraasheenaꞌo bullinoyee besho tuneꞌi bekkehe; taatoo bi taatee showoo bulli toommooch biin iraashiiya gabiye.

Maatiyoosi 24:15

Yesuusi daakkiꞌi ishichiye: “Illa keemechi Daaneeli gettiti aalloon deebemmi eeꞌo Yaafe Xaaꞌooch bi neexetaa beeggemmo ittoshine. (Ebiyooba shemmecho shalligibe.)

Luqaasi 1:28

Are maraakoo bi waan waaꞌi, “Doono Yeeri gaawe aafoona ciinnitine! Diggoo neech tunebe! Doono neenna tookkii beetone. [Ne, maacheenaꞌo daggoochee diireeti neene]” iye.