Daaneeli 9:19 - Kafa Linguistics Project

¹⁹ Ta Doonocho, no qolloon waayebe! Ta Doonocho, noon maaribe! Ta Doonocho, no qolloon elle waayeree tuniibe! Ne shigo ne katemoonaa ne asheenaꞌonochi toommoochaa ceekketone. Ta Nuggishoocho, ne shigoyicha getiree yagiyaahine” iyo.

Daaneeli 9:19 ပူးပေါင်းရင်းမြစ်များ

2 Kiinoo 6:21

Ne guuno taannaa ne asheenaꞌo tuneti Israꞌeeleenaꞌona hini xaaꞌoo waan wottaachaa no corootaabeeti corootoon waayebe; ne beeyi xaaꞌoo tuneti shimaayoochaa waayeree noon maaribe.

2 Kiinoo 6:39

boonoshi corootoonaa boonoshi qolloonon ne beeyi xaaꞌoo tuneti shimaayoochaa waayebe; boonoshi gommonoo kaachibe; axaaxoon shuuneꞌi neen xuqqiti ne asheenaꞌon maaribe.

Isiyaasi 43:7

Boonoshi ta shigoona ceekketi, ta oogoyichoo ta halliti, ta asheenaꞌone” iye.

Erimiyaasi 14:7

Doono Yeero, gubb wottoon no woddiyoona, axaaxoon ne toommooch shuuneto noone; no axaaxoo no toommooch bi miixetaanona, ne shigoyich noon gaachebe.

Erimiyaasi 14:9

Biich yoocheti ashoommon, wodiyoon hakkaani ginee anaamoommon ne tunaabeeto amoyichiye? Tunebaani Doono Yeero, ne andoo no daggooch neene; nowoo ne shigoona ceekketo noone; noon qajjaahine.

Erimiyaasi 25:29

Gonde mooyon shiichi ta shigoona ceekketi katemooch tuniyemmo taane; ishigaata naxoochee echehote? Showee toommooch beetinaꞌo bulli toommooch goraadoon deebemmo ta tunetoyich, naxeyaanoon echeyaachemmo ittoshine’ iye Beshe Mawe Doono Yeeri.

Hiziqeeli 20:14

Tunebaani boonoshi ciinnii beetaa ta kichiti aageteenaꞌo aafoochaa ta shigo qallayeyaachemmoyicha iyaꞌa ebin tuniyaano taane.

Hiziqeeli 20:22

Tunebaani boonoshi ciinnii beetaa ta kichiti aageteenaꞌo aafoochaa ta shigo qallayeyaachemmoyicha iyaꞌa ebin tuniyaanoon ta mochoon gubb wochiyo.

Hiziqeeli 20:9

Tunebaani boonoshina tookkii beeti aageteenaꞌo aafoochaa Israꞌeeleenaꞌoyich bekkaꞌa boonoshin Gibitsee kichoyich ta gibenikkitoyich, ta shigo qallayeyaachemmoyicha iyaꞌa ta shigoyich ebin tuniyaano taane.

Hiziqeeli 36:22

“Ebich Nuggishoo Doono Yeeri ta gettaa beeton Israꞌeelee yareenaꞌoyich gete: Israꞌeelee yareenaꞌote, ta shuunaabeeto ittoshi hammiti aageteenaꞌo daggoochaa bi naakkemmoyich ittoshi tuniiti yaafe ta shigoyicha iyaꞌanalli ittoshicha iyaꞌa toonoone.

Hiziqeeli 39:25

“Ebich Nuggishoo Doono Yeeri ta ishichiibeeto taane: And Yaaqobichi kecoon wochemmo taane; Israꞌeelee maccoo bullich ariqqemmo taane; yaafe ta shigoyich qanaatemmo taane.

Daaneeli 9:18

Ta Nuggishoocho, ne waamon gaꞌiiree waayebe; ne aafoon gaxxiree no xuuxoonaa ne shigo beeti katemoonon ciine. Ebi qolloon ne aafooch no giddiibeeto, cadiqo no tunetoyich tuneyaanoon, ne maaree woddoyichiye.

Amootsi 7:2

Gechoo showee toommeexi mocoo bullin maa bi ciichoon beeggaꞌa, ishichaꞌa corootiyo: “Nuggishoo Doono Yeero, boonoshin ne maaremmoyich neen qollehoye. Israꞌeeleenaꞌo hakka guuteenaꞌo boonoshi tunetoyich, ebin aabichiree hakkeheete” iyo.

Haddoo 14:19

Gibitsee ne kichitoochee tiijjaa hanaach beddaahaa, boonoshi axaaxoon ne maaroommon, ne ariqqee woddoommonoo hini asheenaꞌochi axaaxoon ne maaremmoyich neen qollehoye” iye.

Haddoo 6:27

“Ebina ta shigoon ceeggiꞌi Israꞌeeleenaꞌon boonoshi diirigaata, tawoo boonoshin diiremmo taane” iye.

Luqaasi 11:8

Ittoshich gettoye: Shunecho bi tunetoyich tiyii imo bi qayi gaatoona, wochii wochii bi cookoyicha geti tiyiree bi echeto bullin immemmone.

Efesooni 1:12

Ebin bi tuniito, Kiristoosin gibenoona shiichoo tuneti noonna bi oogee yiiroyich bi galleteyemmoyichiye.

Efesooni 1:6

Ebin gabii bi maaccito, aaxxe bi Bushoo waanaa nooch bi immiti, worganikkiti wojjoyich bi galleteyemmoyichiye.

Efesooni 3:10

Bi gabiton and kittinnee guupho waanaa bi shuunetaa, meeti baribare bi shalligoon shimaajji xaaꞌooch beeti iraasheenaꞌonaa ukkireenaꞌona ariyemmoyichiye;