Daaneeli 9:18 - Kafa Linguistics Project

¹⁸ Ta Nuggishoocho, ne waamon gaꞌiiree waayebe; ne aafoon gaxxiree no xuuxoonaa ne shigo beeti katemoonon ciine. Ebi qolloon ne aafooch no giddiibeeto, cadiqo no tunetoyich tuneyaanoon, ne maaree woddoyichiye.

Daaneeli 9:18 ပူးပေါင်းရင်းမြစ်များ

1 Taateenaꞌo 8:29

‘Arooch ta shigo beeyemmone’ ne iti, hini kexon xumoonaa areddoonon manjii ciine; ne guuno ta hini xaaꞌoochaa ta corootaabeeti corootoon elle waayebe.

2 Taateenaꞌo 19:16

Doono Yeero, ne waamon no waan gaꞌiiree waayebe. Doono Yeero, ne aafoon gaxxiree ciine. Senakireebi beeyechi Yeeri neen naagoyich bi deejjiti miichee qaaroon waayebe.

Shoddo 116:1

Ta cookoon, ta qolloon bi waayetoyich, Doono Yeerin shunnehoye.

Shoddo 25:6

Doono Yeero, wonna beddaahaa nooch bekkiyaabee ne echeti, ne ariqqoonaa ne shoodoonon gabibe.

Keyo 3:7

Aroochee Doono Yeeri ishichiye: “Gibits beeti ta asheenaꞌochi xuuxoon beeggeto taane; boonoshin shuuniibeeti ukkireenaꞌo maacee manjoochee tiyitona, boonoshi cookiibeeti cookoon waayeto taane. Boonoshi xuuxoonoo digeneto taane.

Isiyaasi 37:17

Doono Yeero, ne waamon no waan gaꞌiiree waayebe. Doono Yeero, ne aafoon gaxxiree ciine. Senakireebi beeyechi Yeeri neen naagoyich bi deejjiti qaaro bullin waayebe.

Isiyaasi 43:7

Boonoshi ta shigoona ceekketi, ta oogoyichoo ta halliti, ta asheenaꞌone” iye.

Isiyaasi 64:12

Doono Yeero, ebi mooyinaꞌon haaꞌiyaa cikkaa qajjenne? Cikki qayiichi noon kupphiiree naxeshiye ne beeyemmo?

Isiyaasi 64:6

No bulliyona axaaxoona eeꞌeto noone; no deꞌittino dupphoona wooreti qoreddoommone; mocee waamochoommon shoollito noone; no axaaxoo yongoochoommon noon hidii daammitone.

Erimiyaasi 14:7

Doono Yeero, gubb wottoon no woddiyoona, axaaxoon ne toommooch shuuneto noone; no axaaxoo no toommooch bi miixetaanona, ne shigoyich noon gaachebe.

Erimiyaasi 14:9

Biich yoocheti ashoommon, wodiyoon hakkaani ginee anaamoommon ne tunaabeeto amoyichiye? Tunebaani Doono Yeero, ne andoo no daggooch neene; nowoo ne shigoona ceekketo noone; noon qajjaahine.

Erimiyaasi 15:16

Beshe Mawe Nuggishoo Doono Yeero, ne shigoona ceekketo taane; ne qaaro danetone; tawoo maato taane; ne qaaroo taach emiroonaa mulleechi ooge emiroonon tunehe.

Erimiyaasi 25:29

Gonde mooyon shiichi ta shigoona ceekketi katemooch tuniyemmo taane; ishigaata naxoochee echehote? Showee toommooch beetinaꞌo bulli toommooch goraadoon deebemmo ta tunetoyich, naxeyaanoon echeyaachemmo ittoshine’ iye Beshe Mawe Doono Yeeri.

Erimiyaasi 36:7

Doono Yeeri hini ashi toommooch gettiti kaaroonaa naxoona oogeto bi tunetoyich, diqqich Doono Yeeri aafooch corootemminaꞌo, asho bi ikkikkoonoo bi gondoochee wottemmo tunemmone” iye.

Erimiyaasi 37:20

Taatoo ta doonocho, ta qolloon waayeree ta echeton ne tuniyemmoyich neen qollehoye; aroochaa ta qitaachemmoyich, koorechi Yonaataani kexooch taan wochiyaahine” iye.

Hiziqeeli 36:22

“Ebich Nuggishoo Doono Yeeri ta gettaa beeton Israꞌeelee yareenaꞌoyich gete: Israꞌeelee yareenaꞌote, ta shuunaabeeto ittoshi hammiti aageteenaꞌo daggoochaa bi naakkemmoyich ittoshi tuniiti yaafe ta shigoyicha iyaꞌanalli ittoshicha iyaꞌa toonoone.

Hiziqeeli 36:32

Ebin ta tuniyemmo ittoshicha getiree tunee bi qayo ittoshich arichebe. Israꞌeelee asheenaꞌote, ittoshi gommoyich yeelle cooneebote; ebin getteto Nuggishoo Doono Yeeri taane.

Daaneeli 9:7

“Ta Doonocho, ne, cadiqo neene. Tunebaani no hanaach yeelleto noone. Ebiyoo Yihudee asheenaꞌonaa Yerusaalem beeti asheenaꞌona, katinoonaa wohonooch boonoshin ne shacceti showoo bulliich beeti Israꞌeelee asho no bulliyoo neech gibeneeto tunoon no qajjetoyichiye.

Haddoo 6:27

“Ebina ta shigoon ceeggiꞌi Israꞌeeleenaꞌon boonoshi diirigaata, tawoo boonoshin diiremmo taane” iye.

1 Qorontoosi 1:2

Qorontoos beeti Yeerichi kittinnee guuphoyich, Kiristoos Yesuusina Yeeri yaafitinaꞌonoyich, wotta noonnaa boonoshinoyich Doono tuneti no Doono Yesuus Kiristoosichi shigoon xaaꞌoo bullichaa ceeggii beetinaꞌo bullina tookkii yaafeenaꞌo tunoyich ceekketinaꞌoyich: