Daaneeli 9:13 - Kafa Linguistics Project

¹³ Muusichi Sheerooch bi kooreetoommon, ebi bulli naxo no toommooch shaggiye; tunebaani axaaxoon shuunoon qajjaa, iberoo tuneti ne qaaroon waayaꞌa, no Nuggishoo Doono Yeeri ne waanee maaroon qaawaano noone.

Daaneeli 9:13 ပူးပေါင်းရင်းမြစ်များ

2 Taateenaꞌo 22:16

Doono Yeeri ishichiye: Yihudee taatoo shemmeti macaafooch bi kooreetoommon, gonde mooyon hini xaaꞌoonaa arooch beetinaꞌonochi toommooch deebemmo taane.

Iyoobi 36:13

“Boonoshi mulloon Yeer waanee wokkiiti asheenaꞌo, ippoonane boonoshi beeyemmo; boonoshin bi sheeriyoobolla, ‘Noon gaachebe’ iꞌi bi waan cookaacheete.

Shoddo 119:18

Ne sheeroochee worganikkiti mooyon ta beeggemmoyich, ta aafoon gaxxibe.

Shoddo 119:27

Ne sheeroon ta shalligemmoyich tuniibe; worganeeti ne shuunoon kichi kindii gabemmo taane.

Shoddo 119:73

Taan hallii shuuneto, ne kishoone; ne geteenaꞌon ta doyemmoyich taan shalligecho tuniibe.

Shoddo 85:4

Illa and aafi no beemooch noon wochibe; noon wodiyechi Yeero, no toommeexi ne kaaree shiixxoon wokkiibe.

Isiyaasi 31:1

Israꞌeelee Yaafoo waan ciinon, Doono Yeerin echoon qajjiichii, haresheenaꞌon gibenee beetinaꞌoyich, boonoshi gaarinaꞌo meetinaꞌo, boonoshi hareshechinaꞌoo giidechinaꞌo tunoon gibeneꞌi, gaachoon danoyich Gibits kindii beetinaꞌoyich woowo!

Isiyaasi 42:9

Shiichaꞌa ta getteti mooyo ceennitone; and wotta gubb tunemmi mooyon, bi tunoyee shiichaa gettaabeeto taane” iye.

Isiyaasi 43:22

Doono Yeeri ishichiye: “Yaaqobo, ne ta shigoon ceegaano neene; Israꞌeelo, ta mooyochon taahito neene.

Isiyaasi 64:6

No bulliyona axaaxoona eeꞌeto noone; no deꞌittino dupphoona wooreti qoreddoommone; mocee waamochoommon shoollito noone; no axaaxoo yongoochoommon noon hidii daammitone.

Isiyaasi 64:7

Ne aafoon no waanee ne wochitoyich, no axaaxee daggooch noon ne qajjetoyich, ne waan corootiibeeto aalloone; neenna yesheya qaawiibeeto aalloone.

Isiyaasi 9:13

Tunebaani asheenaꞌo boonoshin sheerito waan boonoshi aafoon wochaaneenaꞌone; Beshe Mawe Doono Yeerinoo qaawaaneenaꞌone.

Erimiyaasi 2:30

“Ittoshin ta sheerito duubooniye; ta sheeroon deꞌaano ittoshine. Ittoshi goraado shaaceti daaheroochoommon, ittoshi keemechinaꞌon maatone.

Erimiyaasi 30:14

Ne shunechinaꞌo bulla neen battetinaꞌone; neech giddaaneenaꞌone; ettoon yexoommon neen yexxoye; maacmanjoochoommon neen sheeriyoye; ebiyoo ne xuꞌo oogeto, ne axaaxoo woddoo bi tunetoyichiye.

Erimiyaasi 31:18

“Efreemi ayinoona ishichoon waayehoye: ‘Yookkeyaani bariyoochoommon taan sheerihine; tawoo sheerehoye; Doono Yeeri ne, ta Nuggishoo ne tunetoyich taan wochibe; tawoo wottemmo taane.

Erimiyaasi 44:23

Ixaanoon ittoshi shokkitoyich, Doono Yeerin ittoshi xuqqitoyich, Doono Yeerichi qaaroyich deꞌa geto ittoshi qajjitoyich, bi sheeroona, bi qociyoona, bi getoonoo hamo ittoshi qajjitoyich, and ittoshi beeggii beetoommon, gonde mooyo ittoshi toommooch waatone” iye.

Erimiyaasi 44:27

Deꞌoyich tuneyaanoon gondoyich boonoshin ciinnemmo taane; Gibits beeti Yihudee asheenaꞌo bulla aallemmooch beddaahaa goraadoona, shaacoonoo ciiremminaꞌone.

Erimiyaasi 5:3

Doono Yeero, ibere mooyon qaawiibeeto neene; boonoshin naxehine; tunebaani aaxxiyaaneenaꞌone; boonoshin yiikkehine; tunebaani ne waan wottemmon qajjiyeete. Boonoshi baroon shiishee xaqqoyee beshoon kupphiiheete; gondoochee wottemmonoo qajjiyeete.

Shoosho 5:21

Doono Yeero, ne waan noon wochibe; nowoo wottemmo noone; no yemeenoonoo wonneechoommon andiriibe!

Hiziqeeli 16:43

“ ‘Ne bushittinee gooroon gaboo ne qajjetoyich, ne shuuneti mooyo bullinoo taan ne ippiitoyich, ne shuunetoommon neech shuunemmo taane; bare ciigiiti ne mooyo bulli toommooch yahoon meechaane neene? iye Nuggishoo Doono Yeeri.

Daaneeli 9:11

Israꞌeelee asho bulli ne sheeroon shaaddetone; ne gettetonoo waayeyaache iꞌi gubb wottetone. “Ne toommooch axaaxoon no shuunetoyich, ne guuno Muusichi Sheerooch kooreeti ufon no toommooch kindiihine.

Hosee'i 7:10

Boonoshi geecoo Israꞌeeleenaꞌo toommooch wochii miixee beetone. Ebi bulli tunetaanoona boonoshi Nuggishoo Doono Yeeri ta waan wotteyaaneenaꞌone; taanoo qaawaaneenaꞌone.

Hosee'i 7:14

Mulloochee tiijjiꞌi ta waan cookaacheete. Tunebaani boonoshi qeenoochaa eeppiyeete. Boonoshi kiceebeeto maayoonaa woyinee uyoonoyichiye. Ta toommoochoo hukkoon tiijjiyeete.

Hosee'i 7:7

“Bulliyona gudoochoommon gaamitinaꞌone. Nallii boonoshin qeejjii beetinaꞌon michitinaꞌone. Boonoshi taateenaꞌo bulliyoo qititinaꞌone. Boonoshi daggoochee ta waan cookito koniyoona aalloone” iye.

Luqaasi 24:45

Areegaata Yaafe Macaafooch kooreeton boonoshi xiishemmoyich, boonoshi mulloon qechiye.

Yowannisi 10:35

Yaafe Macaafee qaaro shaddeyoon hakkaache; hini bi qaaroon waayetinaꞌon, Yeeri ‘Ittoshiyoo nuggishoo ittoshine’ bi itoyeena,

Yowannisi 6:45

‘Boonoshi bulli Yeer waanee ariitinaꞌo tunemminaꞌone’ getaa keemechinaꞌochi macaafooch kooreetone. Illa Nihoo Yeer waanee waayeꞌi ariibeeto bulli ta waan woyemmone.

Yowannisi 8:32

iberoonoo ariyemmo ittoshine; iberoo guuchittinoochee ittoshin kichemmone” iye.

Efesooni 4:21

Iberoon biichon waayeto ittoshine; Yesuus waan beeti iberoon biinna tuneꞌi doyito ittoshine.

Yibbaatoo 29:4

Tunebaani Doono Yeeri hanaach beddaahaa, ittoshi aafo ciinnii beetonaa ittoshi waamo waayee beetonon shalligemmi mulloon ittoshich imaanoone.

Yaaqobi 1:5

Ittoshi daggoochee koniyoona shalligoo biich shappi gaata, qoonaanoon mulloochee tiijjiꞌi bullich immiibeeti Yeerin qollebe; biichoo ichemmone.