Daaneeli 9:12 - Kafa Linguistics Project

¹² Magge naxoon deebaꞌa noonnaa noon qeejjii beetinaꞌonochi toommooch ‘Tuniyemmo taane’ ne iti mooyon ceechihine. Yerusaalemi toommooch tunetoommi mooyo hini showee toommo bulliich beeti katemeenaꞌo toommooch ciroona tuneyaanoone.

Daaneeli 9:12 ပူးပေါင်းရင်းမြစ်များ

1 Taateenaꞌo 3:9

Ebich gondoonaa deꞌoonon bariiree, ne asheenaꞌon qeejjoo ta hakkemmoyich, ne guuno taach shalligechi mulloon imbe. Ebi tuno qayigaata, ebi shaahe ne asheenaꞌon nallii qeejjoon hakkemmo konine?” iye.

2 Taateenaꞌo 22:16

Doono Yeeri ishichiye: Yihudee taatoo shemmeti macaafooch bi kooreetoommon, gonde mooyon hini xaaꞌoonaa arooch beetinaꞌonochi toommooch deebemmo taane.

Iyoobi 12:17

Mikkirechinaꞌo toommoochee shalligoon tiijjiye; woraaferasheenaꞌonoo geyechinaꞌon tuniihe.

Shoddo 148:11

Showee taateenaꞌonaa macceenaꞌo bullina, iraasheenaꞌonaa showee ukkireenaꞌona, Doono Yeerin galletebeete.

Shoddo 2:10

And ebich taateenaꞌote, mullechon tunebote; showee iraasheenaꞌote, ittoshi qelloon ariibote!

Shaahiyoo 8:16

Woraaferasheenaꞌo yaabii qeejjiibeeto taannane; iraasheenaꞌo showoon qeejjiibeeto taannane.

Isiyaasi 43:28

Ebich yaafee kechi ukkireenaꞌon cooniihoye; Yaaqobi aallemmoyich, Israꞌeeliyoo naakkeyemmoyich tuniihoye” iye.

Isiyaasi 44:26

tunebaani ta maddechinaꞌochi qaaroon kachiyemmo taane; ta wocheyechinaꞌochi ciicoon ceechemmo taane; Yerusaalemin ‘Ashi beemi xaaꞌoon tunemmine,’ Yihudee katemeenaꞌonoo ‘Wochinnoon shuuneyemminaꞌone,’ boonoshi buriceenaꞌonoo ‘Tiyemmo ittoshine,’ gettemmo taane.

Erimiyaasi 30:7

Ebi aabo am shaahoon shattiihe! Ebiyoommi aabo aalloone; ebi Yaaqobichi iritee aaboone; tunebaani bi aroochee wodemmone.

Erimiyaasi 32:23

boonoshiyoo giyiꞌi woraashiyeete. Tunebaani ne qaaroon waayeyaaneenaꞌone; ne sheeroona hamaaneenaꞌone; boonoshi tuniyemmoyich ne getteto bulliichee amoonolla tuniyaaneenaꞌone. Ebich ebi shaahe gonde mooyon boonoshi toommooch deebehine.

Erimiyaasi 39:16

“Hamiree Topphiyee asho Ebeedmeleekich ishichi gete: ‘Israꞌeelee Nuggishoo, Beshe Mawe Doono Yeeri ishichiye: Hini katemee toommooch deꞌoon tuneyaanoon gondoon deebemmo taane; ebiyooba ne aafoochaa ebi mooyo ceennemmone.

Erimiyaasi 44:23

Ixaanoon ittoshi shokkitoyich, Doono Yeerin ittoshi xuqqitoyich, Doono Yeerichi qaaroyich deꞌa geto ittoshi qajjitoyich, bi sheeroona, bi qociyoona, bi getoonoo hamo ittoshi qajjitoyich, and ittoshi beeggii beetoommon, gonde mooyo ittoshi toommooch waatone” iye.

Shoosho 1:12

Yerusaalemiyoo ishichiyan: “Gommo besheebeeti asheenaꞌote, Doono Yeerichi kupphe kaaree aabooba duꞌoon ta toommooch deebiꞌi taan bi xuuxiitoommi xuuxo bee ariihe? Ebi ittoshi bullich kette mooyo shaahii beete? Eke ebin manjii ciinote!

Shoosho 2:13

Yerusaalemi asheenaꞌote, ittoshichon ama getote? Amoona ittoshin shaahiibote? Ittoshin goggiyoyich amoona tachibote? Ittoshi aallo baharoommi gamino bi tunetoyich, ittoshin wodiyemmo konine?

Shoosho 2:17

Doono Yeeri bi gabiton tuniitone; wonnee yemeenooch bi gettitoommon ariqqaalloon ittoshin happiye; ittoshi etteenaꞌo ittoshi toommooch emiremmoyich tuniihe; ittoshi etteenaꞌochi hakkoon kupphiihe.

Shoosho 4:6

Ta asheenaꞌochi toommooch shaggiti naxo, ashi kishoo shagaanoon qillifee yexx bedaan beetaa guufeti, Sodoomi toommooch shaggiti naxoyee beshoone.

Hiziqeeli 13:6

Boonoshi yaaꞌoo kootoone; boonoshi qaaxo kootoone; Doono Yeeri boonoshin wocheyaanoon “Doono Yeeri ishichiye” iyeete; aroochee boonoshi keemmito ceennemmoyich quyeheete.

Hiziqeeli 5:9

Ciigiiti ne mooyo bullichi naboona, ebiyee aaf ciroona ta tuniyaani, ebiyee bekkoo ciroona ta tuniyaachemmi mooyon ne toommooch tuniyemmo taane.

Daaneeli 12:1

“Arooba ne asheenaꞌon quyeebeeti, giidechi maraakoo Mikaꞌeeli tiyemmone. Aroochee ne asheenaꞌo ikke aagetoon boonoshi tunetoochee tiijjiꞌi, tunee ariyaani xuuxee yemeeno tunemmone. Tunebaani arooba boonoshi shigo macaafooch kooree daneti ne asheenaꞌo bulli wodemminaꞌone.

Yoꞌeeli 2:2

Ebi aabo shitirippimii mandereti aabo, quboonaa dunne manderoona tuneti aaboone. Maaddee aabo guudinaꞌooch kooyoommon giidechi meeti ginee naayo woyemmone. Wonnee tiijjiꞌi ebiyoommi mooyo bekkee ariyaanoone; ebiyee bekkoo bekkeyaachemmone.

Amootsi 3:2

“Showee toommooch beeti aagetee asheenaꞌo bulli daggoochee kaaccaꞌa shiimaa ta yecheto ittoshin baachiye. Ittoshi gondoyich ittoshin ta sheeraabeeto ebichiye” itone.

Zakaariyaasi 1:6

Ittoshi qaabbechinaꞌo ta maddechinaꞌo tuneti keemechinaꞌona ta getteti ta qaaroonaa ta qociyoonon quyo boonoshi qajjitoyich sheereetinaꞌone. “Boonoshiyoo boonoshi shuuneti gondoyich ayiniꞌi, ‘Beshe Mawe Doono Yeeri tuniiya bi gabitoommon, no gommoommonaa no shuunoommonon no toommooch bi tuniyoo tatoone’ itinaꞌone” iye.

Zakaariyaasi 1:8

“Ikke asho ceelle hareshoon yebbeꞌi bi beetaa xumi yaaꞌoon beeggeho. Biyoo bambooch, hadaasee michi daggooch neexeꞌiniye bi beeto. Bi gubb ceelle hareshoo, daashe hareshoonaa nacce hareshoona beetone.

Zakaariyaasi 7:12

Boonoshi mulloon xaqqo tuniiꞌi, Beshe Mawe Doono Yeeri ta, ebiyee aafi ta keemechinaꞌona tunaꞌa, ta Ayaanoona ta deejjiti sheeroonaa qaaroonon waayemmon qajjiyeete. Ebich Beshe Mawe Doono Yeeri ta, oogichii kaarehoye.

Maatiyoosi 24:21

Arooba Yeeri alemoon hallitoochee tiijjiꞌi hanaach beddaahaa bekkeyaani, gubbich wotta bekkeyaachemmi giidechi xuuxo tunemmone.

Maatiyoosi 5:18

Iberoon ittoshich gettoye: Showoonaa shimaayoona beshemmi wottoon Muusichi Sheeroo bulli ceenaanoon nappeyoommi mooyiyolla showooch hollaachemmine.

Maariqoosi 13:19

Arooba Yeeri showoonaa shimaayoonon hallitoochee tiijjiꞌi hanaach beddaahaa bekkeyaani, gubbichoo wotta bekkeyaachemmi xuuxo tunemmone.

Roomi 15:8

Kiristoosi Ayihudeenaꞌochi maddecho bi tuneto, Yeeri gibeneeto bi tunoon bekkiiya qaabbechinaꞌoyich gibenikkeeti gibenee qaaroon bi ceechoyichiye;