Daaneeli 8:8 - Kafa Linguistics Project

⁸ Ebi emmisho oogeti giidechon tunehe. Tunebaani bi giidoo oogee bi beshiyooba, ooge bi qaro tiishehe. Bi xaaꞌoochoo showee awudde kello waan bekkiibeeti, awudde ogooge qareenaꞌo kechiyeete.

Daaneeli 8:8 ပူးပေါင်းရင်းမြစ်များ

2 Kiinoo 26:16

Tunebaani Uziyaahi kupphe taatoo bi tunetoyee gubb, geeciye. Ebi bi geecoo bi dihoyich naboo tunehe. Biyoo bi Nuggishoo Doono Yeerin xuqqiye. Ixaanee deejjee gudoochaa ixaanoon shookka Doono Yeerichi yaafee kexooch giyiye.

Asteeri 9:4

Mordokiyoosi taatee kechi daggooch aricheti ashoon tunehe; bi mooyo woraafeenaꞌo bulliich waayeehe; biyoo oogoona beshii beshii hammiye.

Erimiyaasi 49:36

Awudde shimaajji tuggoochee Elaami toommooch awudde yongeenaꞌon deebemmo taane; ebi awudde yongeenaꞌoochoo bi asheenaꞌon shaccemmo taane; Elaamee showoochee yookketinaꞌo shagaani aagetoo daneyaachemmone.

Erimiyaasi 5:27

Asho kafoon yechiꞌi guubooch ceechoommon dawushiꞌi boonoshi daneti mooyona boonoshi kexon ceechitinaꞌone; ebin tuniyoona gaannechinaꞌonaa arichetinaꞌona tuneheete.

Hiziqeeli 16:7

Gaddeexi mocoochoommon ne diccemmoyich tuniihoye; newoo diccaa genjaꞌa mallet gaawe gidiideen tunehine; xano kichihine; ne shurubboo genjehe; tunebaani andoo shokkaachee neene.

Hiziqeeli 28:9

Neen wuxemminaꞌo aafoochaa “Ta, nuggishoo taane” gettenne? Tunebaani neen wuxemminaꞌo kishooch ne dihiyooba asho nealli nuggishoo ne tunee qayo arichemmone.

Daaneeli 11:4

Tunebaani bi giidoo oogeꞌi bi beshiyooba, bi taatittino happeeree showee awudde kelloona qoodeyemmone. Ebi taatittino bi yaroyich besheyaachemmone; cammona waaxeree bareenaꞌoyich beshiitaa ichemmone. Eboshiyoo biichoommon giidechinaꞌo tuneyaachemminaꞌone.

Daaneeli 4:31

Ebi yibbaatoo batt bi noonoochee kechaahaa, ishichiibeeti qaaro shimaayoochee biich waayeehe: “Taatoo Nabukadinatsoro, ebi neech ta gettaa beeton waayebe: Ne taatittino ne toommoochee shoottetone.

Daaneeli 5:20

Tunebaani geecechonaa mulli manjoona bi tunehooba, bi taatittinoochee kindiye; bi oogee yiiroonoo muccehe.

Daaneeli 7:6

Andoo ta ciinnaa beetaa, maahoon shaahiibeeti bare cooxo bekkehe. Bi gubboochoo kafee qoshoommi awudde qoshoo beetone; awudde qello biich beetone. Bi taatemmoyichoo hakkoo biich ichehe.

Daaneeli 8:22

Are qaro tiisheechaa kechiti awudde qareenaꞌo bekkiibeeto, are taatittinoochee kechemmi awudde taatittineenaꞌoniye. Eboshiyoo aafi taatittinee giidoona tateyaachemminaꞌone.

Daaneeli 8:5

Ebi ta beeggeti mooyon gabii ta beetaa, bi aafee gutte daggooch ikke ooge qaro beeti emmishee baaddoo showee toommona kuxxiꞌi, bi baatoon showooch shakkiyaanoon guufeechii, aabi-gimo waanee waahe.

Daaneeli 8:7

Ebi bagoochi gaꞌooch bi shagon beeggeho. Oogeti ippoona bagoon kochiꞌi, bi gutte qareenaꞌon tiichiye. Biin wochoyich bago hakkoon muccetone; bagoon showooch dichiꞌi neexxiye. Biin ebi emmisho kishoochee wodiyoon hakkito koniyoona aalloone.

Maatiyoosi 24:31

Arooba ooge tiree qaaroona maraakeenaꞌon wochemmone. Boonoshiyoo hamiree awudde kelloona aabi-keyoochee aabi-gimooch, showee tuggooch beddaahaa Yeeri kaaccitinaꞌon kicemminaꞌone” iye.

Maariqoosi 13:27

Tawoo maraakeenaꞌon wochemmo taane; boonoshiyoo hamiree awudde kelloona showee tuggoochee, shimaayee tuggoocheenoo Yeeri kaaccitinaꞌon kicemminaꞌone” iye.

Yibbaatoo 31:20

Boonoshi qaabbechinaꞌoyich imma ta wogeti, ejjoonaa eeyona xuupphiibeeti showooch boonoshin ta deebetoyee gubb, maa michiꞌi boonoshi aangitoyee gubb, taan qayi, taanna tookkii boonoshi giyiti wogoon biishiree, bare nuggisheenaꞌo waan wottemminaꞌone.

Yaaꞌoo 7:1

Aroyee gubb showeechi awudde kelloona neexeti awudde maraakeenaꞌon beeggeho. Boonoshiyoo showee toommooch tuneba baharee toommooch, amee michi toommoochoo yongo yongeyaachemmoyich awudde kelloona yongeebeeti yongeenaꞌon yechii bajjiyeete.