Daaneeli 8:3 - Kafa Linguistics Project

³ Ta aafoon kaachii ciinnaꞌa, gutte genje qarechi bagee baaddoo aachi gaꞌooch neexee beeton beeggeho. Ikke qaro baroyee beshoon genjoone; ebi genjoo gubbiye colleꞌi bi diccito.

Daaneeli 8:3 ပူးပေါင်းရင်းမြစ်များ

1 Kiinoo 21:16

Daawiti kaama ciinniꞌi, Doono Yeerichi maraakoo Yerusaalemi toommooch goraadoon kaaccii yechiꞌi shimaayoonaa showoonochi daggooch neexeꞌi bi beetaa beeggiye. Aroochee Daawitinaa ogoogeenaꞌona dookoon taheꞌi showooch baroona guufeheete.

Iziri 1:2

Faariisee taatoo Qiroosi ishichiye: “Shimaajji Nuggishoo Doono Yeeri showee toommooch beeti taatittino bullin taach immitone. Yihudee showooch beeti Yerusaalem yaafee kexon biich ta haggemmoyichoo taach gettitone.

Iziri 4:5

Faariisee taatoo Qiroosi taatee yemeenoochee tiijjiꞌi, Daariyoosi taatee yemeenooch beddaahaa, Israꞌeeleenaꞌo gabiti mooyo kaameyaachemmoyich iraasheenaꞌoyich xuccoon xucceheete.

Asteeri 1:3

bi taateti keejjinnee natooba bi showooch beeti iraasheenaꞌonaa ukkireenaꞌonoyich gifiroon geddiye. Faariisee showoonaa Meedee showoonochi ginee iraasheenaꞌo, taatee kechi mikkirechinaꞌonaa woraaferasheenaꞌona bi waan waaꞌi ebi gifirooch danetinaꞌone.

Isiyaasi 13:17

“Ebiyoche, birewoon aaxxiyaani, aachoonoo emiraani Meedeenaꞌo boonoshi toommooch tiyemmoyich tuniyemmo taane.

Isiyaasi 21:2

Shattiibeeti yaaꞌoo taach bekkehe; ebiyoo beshii imonaa aalloonane. Elaamee ginee naayinaꞌote, tibote. Meedoonee ginee naayinaꞌote, katemoon giishote. Baabloonichi naboona shaggiti xuuxo bullin Yeeri aalliyemmone.

Isiyaasi 44:28

Qiroosin ‘Ta asheenaꞌon qiddemmone; aroo ta daaggoo bullin ceechemmone’ gettemmo taane; Yerusaaleminoo ‘Wochinnoon shuuneyemmine’ gettemmo taane. Yaafee kexonoo ‘Ne heco hecceyemmone’ gettemmo taane” iye.

Erimiyaasi 51:11

“Ittoshi shangeenaꞌon hachibote; ittoshi gaacheenaꞌonoo qanniibote; Doono Yeerichi gaboo Baabloonin aalliyooch bi tunetoyich, Meedee taateenaꞌochi mulloon shuurikkitone; ebiyoo Doono Yeeri bi yaafee kechi nichoon kichemmo bi tunetoyichiye.

Daaneeli 10:5

Ta aafoon kaachii ciinnaꞌa, muttee tuppoochee shippeti tahoon taheꞌi, bi shimetooch xalle aachoochee shuuneeti shachoon cuyeti ikke uroon beeggeho.

Daaneeli 2:39

“Neyee gubb, neyee bedaani bare taatittino tiyemmone. Aroyee gubb showoo bullin hajjemmi, gooshoona shaaheeti keejjinnee taatittino tiyemmone.

Daaneeli 5:31

Shichaa gutte nati asho tuneti, Meedee asho Daariyoosi bi taatittinoon deqqiye.

Daaneeli 6:28

Ebich Daaneeli Daariyoosichi taatittinee yemeenooba, Faariisee asho Qiroosichi taatittinee yemeenooboo mooyo biich mashaamaa beehe.

Daaneeli 7:5

Guttinnee cooxo diiboon shaahoone. Biyoo gubbi baatoona neexeechii kaama qaallitone. Bi kookkooch, bi gashee daggooch keejje naabee shaawusho beetone. Biinoo “Tiyiree ne qettee wottoon meenon mame” iyeete.

Daaneeli 8:2

Ebi yaaꞌoona ciinneho; ta ciinneto, Elaami woraafooch beeti inde katemoo Suusa ta beemoniye. Ulayi aachi gashooch beeho.

Daaneeli 8:20

Ebi ne beeggeti, gutte qarechi bagee baaddoo Meedinaa Faariisinochi taateenaꞌoniye bi bekkiibeeto.

Zakaariyaasi 1:18

Bare yaaꞌoona kaama ciinnaꞌa, awudde qaroon beeggeho.

Zakaariyaasi 2:1

Bare yaaꞌoona kaama ciinnaꞌa, qeellee woderoon bi kishooch yechiti uroon beeggeho.

Zakaariyaasi 5:1

Wochinnoon kaama ciinnaꞌa, qoddeti macaafo yongee toommooch yoobbii beeton ciinneho.

Zakaariyaasi 5:5

Taanna tookkii yibbaateebeeti maraakoo ta waan giddeꞌi “Kaama ciiniree, ebi waabeeti mooyo amo gaata beege” iye.

Zakaariyaasi 5:9

Aroochee kaama ciinnaꞌa, gutte genneenaꞌo ta waan waa beetaa beeggeho. Yongoo boonoshi qoshooch beetone. Boonoshi qoshoo maannaakkee qoshoommi kupphoone. Ebi genneenaꞌo mokkoon showoochee tiijjii shimaayooch yoobbiyeete.

Zakaariyaasi 6:1

Wochinnoon kaama ciinnaꞌa, awudde gaari gutte guudochi gutte daggoochee kechii boonoshi beetaa beeggeho. Guudinaꞌoo gooshee guudinaꞌone.

Haddoo 24:2

Biyoo boonoshi yoodi yoodoona kaamboon geddiꞌi koteti Israꞌeeleenaꞌon beeggiye. Yeerichi Ayaano bi toommooch waahe.

Yaasi 5:13

Yaasi Yaariki katinooch beechii, kaama ciinniꞌi, goraadoon kaaccii yechiti, bi aafooch neexeebeeti ikke uroon beeggiye. Yaasiyoo uro waan giddeꞌi, “No daggeexo neenashi, no etteenaꞌo daggeexo neene?” iꞌi echehe.

Yaaꞌoo 13:11

Aroyee gubb bare cooxo showoochee bi kechii beetaa beeggeho. Bagee qaroommi gutte qarechone; dareboochoommonoo yibbaatee beetone.

Yaaꞌoo 5:6

Taatee qeeno dagg beetaa, bi guudoona kashechi awudde halleenaꞌo beetaa, boonoshi guudoona geeneenaꞌo beeti gutte daggooch guureetoommi Bago neexeꞌi beeton beeggeho; shabaatte qaroonaa shabaatte aafoona biich beetone; ebi shabaatte aafo showoo bulliich wocheeti, Yeerich maddeebeeti shabaatte ayaaneenaꞌone.