Daaneeli 8:27 - Kafa Linguistics Project

²⁷ Ta, Daaneeli, ta giidoo qayaa, meeti aaboon biiyaꞌa qeyeho. Aroochee ta achooch gaawetaa, tiyaꞌa taatoochi shuunooch wottaa hammeho. Ebi yaaꞌoona keqqito taane; ebi ama geto gaatoo shalligaano taane.

Daaneeli 8:27 ပူးပေါင်းရင်းမြစ်များ

Daaneeli 10:16

Aroochee bekkech ashoon shaahiibeeto, ta noonoon shafehe. Tawoo ta noonoon qechaꞌa yibbaateho; biichoo ishichiyo: “Ta doonocho, ebi yaaꞌoochee tiyitona biiyeto taane; giidoonoo mucceto taane.

Daaneeli 10:8

Ebich ta ikkeeto baach ebi worganikkiti yaaꞌoon beeggaabee arooch echeho. Tawoo giidoo qacheho; ta halloo shaddeeꞌa tuusheeho; giidoon mucceto taane.

Daaneeli 4:19

Aroochee Belxesoori getteebeeti Daaneeli oogeton keqqiꞌi giisheche wottoon minnakanna gettemmon qajjiye. Taatoo “Belxesooro! Gumo, wotta ebi gumi biishoo neen keqqichaaye” iye. Belxesoori ishichiꞌi wochiye: “Ta doonocho, gumo, wotta bi biishoo neech tuneyaanoon ne shixechinaꞌonaa ne etteenaꞌonoyich tunebe.

Daaneeli 5:14

Yaafe nuggisheenaꞌochi ayaano ne toommooch bi beemon, yaaꞌecho, ariyechonaa shalligechona ne tunoonoo waayeto taane.

Daaneeli 7:28

Gumona ta beeggeti mooyo bulli ebine. Ta, Daaneeli, oogeton keqqiyo; ta halloo shaddeehe. Tunebaani ebi mooyon ta mullooch yechaa beehoye.

Daaneeli 8:17

Aroochee Gabreeli waaꞌi ta gaꞌooch neexehe; tawoo oogeton keqqaꞌa baroona showooch guufeho. Biyoo taach ishichiye: “Ashi bushoocho, ebi yaaꞌoo yemeenee ciireechon bekkiibeeto bi tunoon shalligibe” iye.

Daaneeli 8:2

Ebi yaaꞌoona ciinneho; ta ciinneto, Elaami woraafooch beeti inde katemoo Suusa ta beemoniye. Ulayi aachi gashooch beeho.

Daaneeli 8:7

Ebi bagoochi gaꞌooch bi shagon beeggeho. Oogeti ippoona bagoon kochiꞌi, bi gutte qareenaꞌon tiichiye. Biin wochoyich bago hakkoon muccetone; bagoon showooch dichiꞌi neexxiye. Biin ebi emmisho kishoochee wodiyoon hakkito koniyoona aalloone.

Imbaaqoomi 3:16

Tawoo ebi bullin waayaꞌa qewehoye; shatona ta noonoo tippehe. Ta shaawusho shekirehe; ta tingoo qewehe. No etteenaꞌon Doono Yeeri naxemmi aaboon, cikki quye beeyemmo taane.

1 Saameeli 3:15

Saameeliyoo showoo harimmi wottoon tokketehe. Aroochee Doono Yeerichi kechi kelleenaꞌon qechiye. Biyoo ebi yaaꞌoon Eelich gettemmon shattiye.