Daaneeli 8:23 - Kafa Linguistics Project

²³ “Boonoshi taatittinee ciirooba, asheenaꞌochi axaaxoo oogichi woddemmone; ebiyooba aaf gondoonaa marechona tuneti taatoo taatemmone.

Daaneeli 8:23 ပူးပေါင်းရင်းမြစ်များ

Halloo 15:16

Ne shiijjereenaꞌo hiniich wotteree boonoshi woyemmo, awuddinnee shiijjeroobaniye. Ebichi wottoon boonoshi yagemmo, hini Amooreenaꞌochi axaaxoo oogichii woddemmi wottooniye” iye.

Shaahiyoo 1:6

Ebin tuniyoona, aacheeti shaahiyee mooyon, mullechi asheenaꞌochi yibbaatoonaa turitoonon asho ariyemmoyich tuniiheete.

Hiziqeeli 38:16

Showoon guuppiibeeti quboochoommon ta asheenaꞌo tuneti Israꞌeeleenaꞌochi toommooch woyemmo neene; Googo, gubbi yemeenooch ta showoon ne kochemmoyich neen deebemmo taane; ebiyoo neenna ta yaafittinoon boonoshi aafoochaa ta bekkiihooba, aageteenaꞌo taan ariyemmoyichiye.

Hiziqeeli 38:8

Meeti yemeenoyee gubb ceekkemmo neene; gubbi natinaꞌooch koyoona tiisheechii batt qaalliibeeti Israꞌeelee showoon kochemmo neene. Ebi showoo, bi asheenaꞌo meeti aageteenaꞌo daggoochee kicaa waa, meeti yemeenoon shokko echeti Israꞌeelee guudinaꞌooch koteti showoone; boonoshiyoo aageteenaꞌo daggoochee waaꞌi, and bulliyona diggoona arooch kotetinaꞌone.

Daaneeli 10:14

And ta waato, gubb ne asheenaꞌo toommooch tunemmi mooyon ne ariyemmoyich tuniyane. Ebi yaaꞌoo gubb tunemmi mooyoniye bi bekkiibeeto” iye.

Daaneeli 11:21

“Biyee gubb ikke hoxeeti uro taatemmone; biich taatittinee oogo icheyaachemmone. Biyoo diqqoona waaree taatittinoon maroona deqqemmone.

Daaneeli 11:24

Gaannechi woraafee showeenaꞌon diqqoona yechemmone. Bi qaabbechinaꞌo daggoochee ikkolla tuniyaani mooyon tuniyemmone. Aroochee koyoochee bi daneti mooyinaꞌonaa qiiceenaꞌo bullinon, biin dabbii beetinaꞌoyich qoodemmone. Mishigeenaꞌonoo happoyich gabemmone; tunebaani ebin bi tuniyemmo giisheche aabee wottoon baachiye.

Daaneeli 7:11

Andoo ciinnaabee, ebi giishi qaro yibbaateebeeti geecee yibbaatoon waayeho. Ta ciinnaa beetaa, awuddinnee cooxo guureehe; bi meeshoo qaaqqooch duppeꞌi miccii aallehe.

Daaneeli 7:20

Wotta bi qellooch beeti aashire qareenaꞌochonaa gubb kaama dicciꞌi bi aafoochee keejje qareenaꞌo waaxemmoyich tuniiti qaroochonon ariyoyich qaawiyo. Ebi qaroyich ashi aafoommi aafoonaa geecoona yibbaateebeeti noonoona beetone; bareenaꞌoyee beshoonoo tuneꞌi bekketone.

Daaneeli 7:25

Beshoo Yeeri toommoochoo geecee yibbaatoon yibbaatemmone; Beshoo Yeerichi yaafeenaꞌonoo duꞌiyemmone; boonoshi baaree aaboonaa boonoshi sheeroonon shaddoyich qiiccemmone. Yaafeenaꞌoo keejje nattaa qati wottoon bi kishooch beshiitaa ichemminaꞌone.

Daaneeli 7:8

Ebi qareenaꞌon manjii ta ciinnaa beetaa, boonoshi daggoochee ikke giisheche qaro kaama diccii bi beetaa beeggeho. Shiichiꞌi beetinaꞌoochee keeminaꞌo bi aafoochee duchoona waaxeheete. Ebi qaroyich ashi aafoommi aafoonaa geecoona yibbaateebeeti noonoona beetone.

Daaneeli 8:22

Are qaro tiisheechaa kechiti awudde qareenaꞌo bekkiibeeto, are taatittinoochee kechemmi awudde taatittineenaꞌoniye. Eboshiyoo aafi taatittinee giidoona tateyaachemminaꞌone.

Daaneeli 8:24

Biyoo oogeti giidechon tunemmone; tunebaani bi hajjee giidoona toonoone. Biyoo shattiiti aalliyoon tuniyemmone. Bi tuniibeeto bulliyoo biich kaamemmone; giidechi asheenaꞌonaa yaafeeti asheenaꞌonon aalliyemmone.

Daaneeli 8:25

Marecho bi tunetoyich, acona mooyo biich bi kaamemmoyich tuniyemmone; bi mulloonoo oogichi geecemmone; diqqoona boonoshi beetaa, meeti asheenaꞌon aalliyemmone. Taateenaꞌochi Taatoo toommoochona tiyemmone; tunebaani ashi kishoona tuneyaanoon, biyoo aallemmone.

Haddoo 24:24

Ginechinaꞌo markabeenaꞌona Kitiimee showee daaroochee woyemminaꞌone; Ashuuree showoonaa Ebeeree showoonon koyi wochemminaꞌone. Ciiroochaa boonoshiyoo aallemminaꞌone” iye.

Maatiyoosi 23:32

Ittoshi wotta ittoshi qaabbechinaꞌochi axaaxee xoofooch ceechiyote.

Yibbaatoo 28:50

Boonoshiyoo geenoon oogiyaani, bushoyichoo ariqqeyaani maacmanje asheenaꞌone.

1 Tasaloonqi 2:16

Aageteenaꞌo waayeree wodemmi Yeerichi qaaroon no getaachemmoyich bajja qiicceheete. Ebin tuniyoona bulli aaboon boonoshi shuuneebeeti axaaxee toommooch wotta hinin daakkiyeete. And ciiroochaa Yeerichi kaaree shiixxoo boonoshi toommooch shaggitone.

1 Ximootiyoosi 4:1

Yaafe Ayaano “Gubbi yemeenooch ikkikkeenaꞌo, ashoon muriciibeeti ayaaneenaꞌochi getoonaa yinneenaꞌochi doyoonon dabbibee, Kiristoosichi toommeexi mullee tooꞌiyoon qajjemminaꞌone” iꞌi xallayii gettitone.

Yaaꞌoo 19:20

Cooxo yechehe; cooxo aafoochaa gaakkechi shuunoon bekkiibee, cooxochi malletoo geddetinaꞌon, biin shaahiitaa shuuneetoyich goyinnetinaꞌonoo muricciiti koote keemecho biinna tookkii yechehe. Gutteenaꞌoo kashoona beebee waageroo micciibeeti qaaqqee baharooch duppeheete.